«Juan Luis Landa» aldatzen

Juan Luis Landa Hernandez Errenterian 1965 urtean jaiotako ilustratzaile eta komikigilea da. 'Ipurbeltzen' argitaratu zituen lehen komiki lanak, hainbat liburu, aldizkari eta proiektuetarako euskal historia eta mitologiari buruzko  ilustrazioak egiten ditu,  frantziar merkatuan arrakasta handia eskuratu du Arthus Trivium Komiki sailari esker,  eta 2021 urtean euskaraz heldu zen zaleen eskuetara Orreagako guduari buruzko bere komikia.

https://www.juanluislanda.com/

Kimika metalurgikoa ikasi ondoren, 1984an 19 urterekin erabaki behar izan zuen arlo horretako enpresa batean lanean hasi edo eta 'Kalabaza tripontzia' euskarazko lehen marrazki bizidunetako proiektuan parte hartzea, Juanba Berasategiren gidaritzapean. Marrazketarekiko zaletasunak bultzatuta, filmaren sorkuntzan murgildu zen, eta aldiberean 'Ipurbeltz' komiki aldizkarian argitaratzen hasi zen; ondoren 'Habeko mik' aldizkarian argitaratu zituen lan batzuk,  eta Lur Argitaletxeak sustatutako  'Gabai' sailean parte hartu zuen ere, lantalde zabal baten barne: Rafa Castellano eta ondoren Joxean Muñozen gidoietan oinarritutako komikietan, Jose  Angel Lopetegi eta Carlos Varela arduratzen ziren marrazkietaz, Juan Luis Landa eta Pedro Sestelo tintara pasatzen zituzten irudiak, Gastón Majarenas eta ondoren Iturri eta Aintzane Domenech arduratzen ziren  koloreztatzeaz.... Lan honek segida izan zuen 'Gabai, Vascos ilustres' (Lur, 1992) komiki biografikoen sailarekin.

1990 urtean Rafael Castellano gidoilariarekin eta irudietan Jose Ángel Lopetegi eta Angel G. Espinosarekin lankidetzan Landak Inazio Loiolakoa komiki albuma sortu zuen, kasu honetan marrazketa errealistago bat eginez.


90eko hamarkadaren hasieran Egin egunkarian 'Euskal Flash' sailean eduki politikodun komiki zintak egin zituen pare bat urtez.

1995 urtean euskal historia eta mitologia ardatz hartuta  frantziar eta espainiar estatuetako komiki merkatuetan lehen pausuak ematen ditu eta Glénat etxearekin 'El ciclo de Irati' saila argitaratu zuen: 
 1995 El despertar del Autza (frantziar estatuan 1996  Le cycle d'Irati, Editions Vents d'Ouest)
1997 El medallón de Boldro
2003 La condena de Irati

Bigarren liburukitik aurrera Joxean Muñoz izan zen Irati sailaren gidoilaria.

2005eko ekainean Xabiroi aldizkariaren lehen zenbakian hasi ziren atalka agertzen Irati saileko  'Saiak' istorioak. Azken atala 2017ko urriko 9. aldizkarian argitaratu zen eta albuma urte berean merkaturatu zuen Ikastolen Elkarteak.

Tartean 2000 urtean Norma etxerako 'El Fuerte' saila hasi zuen 'La cabeza del apóstol' albumarekin, baina bildumak ez zuen jarraipenik izan.

https://eu.m.wikipedia.org/wiki/Juan_Luis_Landa


 XXI mendeko lehen hamarkadan
euskal historia eta mitologiari buruzko https://www.juanluislanda.com/ilustraci%C3%B3n/ ilustrazio lan anitz egin zituen: https://www.juanluislanda.com/recreaci%C3%B3n-hist%C3%B3rica/ Euskal Herria aldizkarirako irudiak, liburu azalak...., Toti Martinez de Lezearen Euskal Herriko leiendak  (Erein, 2002) eta Sorginak (Erein, 2006) liburuetako ilustrazioak eta haur eta gazte literaturan autore berdinaren Nur saileko lehen 10 liburuak dira bere lan ezagunenak eta sarituenak (Erein 2008-2012)

Landaren proiektu pertsonalena, bere gidoi eta irudiz, '1512 in memoriam' nafarroako konkistari buruzko https://www.juanluislanda.com/1512-in-memoriam/ liburu ilustratua izan da. (Erein, 2011)


komikigintzatik kanpo urteak egon ondoren, 2013an beste lan batzuk alde batera utzi,  Raulé Kataluniako gidoilariarekin proiektu berezi batean murgildu zen eta 2016an Dargaud etxerako 'Arthus Trivium' saila sortu zuen,  frantziar estatuko merkatuan  komiki salduenetakoa bilakatu zena urte hauetan.

-Arthus Trivium. 1-"Les anges de Nostradamus" (Dargaud, 2016). (Gazteleraz 'Los ángeles de Nostradamus, Norma)

-Arthus Trivium. 2-"Le troisième magicien" (Dargaud, 2016).(Gazteleraz 'El tercer mago, Norma)

-Arthus Trivium. 3-"La jeune captive" (Dargaud, 2017).(Gazteleraz 'La joven cautiva, Norma)

-Arthus Trivium. 4-"L'armée invisible" (Dargaud, 2019)(Gazteleraz 'El ejercito invisible, Norma)

Belgika, Alemania eta Holandan ere argitaratu da sail hau.

2021 urtean, Glénat argitaletxerako berriz ere, Landaren gidoia duen 'Chroniques de Roncevaux' sailaren lehen liburukia sortu du 'La légende de Roland'. Frantzian argitaratu eta gutxira, Ereinek ekarri du euskarara eta Landa bigarren liburukian lanean ari da.


Igor Leturiak bere blogean lan honi eta Juan Luis Landaren ibilbideari buruzko artikulu osatua egin du.