«Guillermo Gonzalez» aldatzen

Guillermo Gonzalez Escalada Bilbon 1971ean jaiotako ilustratzaile, animatzaile eta komikilaria da.

Bilboko Merlin animazio estudioan aritu zen 10 urtez, eta ondoren Alex Sanvicente "Sanvi" eta Sedyas autoreekin batera ArtboxINK estudioa sortu zuen: ilustrazioak, publizitate lanak, story board-ak... egin izan ditu.

Frantziar galerista batek ilustrazioak eskatu zizkion eta 2 urteko lanaren ondoren ondoren L'Univers des Nains liburua ilustratzeko enkargua jaso zuen, Laurent eta Olivier Souillé anaien testuekin. 

Komikigintzan, 2011 urtetik aurrera El Balanzin Aldizkarietan agertu dira bere lanak (7., 8 eta 9. zenbakietan) 

1997 urtean Portugaleteko komiki sariketan Historia en Negro istorioarekin kolorezko lanenh artean bigarren saria jaso zuen

Euskarazko komikigintzan, Xabiroi aldizkarian Toti Martinez de Lezearen gidoiaz istorio bat argitaratu zuen eta aldizkariaren hainbat azal ilustratu ditu.

Dani Fanok Xabiroi aldizkariko koordinatzaileak proposatu zion ale ezberdinetan zehar argitaratuko liratekeen piraten istorioa batzuk marraztea, eta horrla sortu zen  Kortsarioen Ostatua saila, Dani Fano beraren gidoiarekin.

Frantsesez 2016 urtean Le chevalier à la licorne komikia argitaratu zuen, Stéphane Piatzszek-Piatzszek-en gidoiarekin.

Igor Leturiaren [komigintzari buruzko Blogean https://eibar.org/blogak/e-gorblog/guillermo-gonzalez-eta-dani-fano-xvii-mendean-penintsulako-kortsoaren-portu-nagusia-donostia-zen] horrela mintzo da autorea:

''Guillermo, zu gehiago aritu zara orain arte animazioan eta ilustrazioan. Hau izan da zure lehen komikia, eta laster aterako duzu Frantzian beste bat. Zer moduz komikigintzan?

Guillermo Gonzalez: Komikiak baditu muga edo betebeharreko batzuk ez ditudanak gustuko: nahi ez dituzun edo ados ez zauden gauzak egin behar dituzu batzuetan, azken emaitza ez da oso berandu arte ikusten... Baina ni 10 urte baino gehiagoz aritua naiz animazioan animatzaile lanetan, oso gogorra dena, baina ongi etorri zait komikigintzarako, horrek ere desabantaila horiek baititu, eta behintzat ohituta nengoen. Gainera, Kortsarioen Ostatuan istorio laburrak idazten nituen eta gero atsedena izaten nuen hurrengora bitartean. Baina Frantziarako egin dudan honetan jarraian egin behar izan dut, eta ez dut ongi pasatu. Ni benetan ilustratzaile sentitzen naiz, eta hori da atsegin dudana. Komikian nahiko nuke agian gidoia nik egitea probatzea. Gidoilari batekin lan egiteak abantailak ditu (berak markatzen dizu bidea eta ez duzu asko pentsatu behar) baina desabantailak ere bai (zerbait aldatu edo ezberdin egin nahi baduzu ezin duzu). Eta Danik ere, gidoilari frantziarrarekin alderatuta, abantailak ditu (Danik orriaren konposizioa eta narratiba egina ematen zidan eta nik bineta bakoitza marraztu besterik ez nuen egin behar, lan hori hartu gabe) eta desabantailak ere bai (konposizioa beste modu batera egin nahiko banu ere, ezin nuen). Ondo etorri zitzaidan Kortsarioen Ostatuan dena hain zehaztua etortzea, nire lehen komikia baitzen. Gero, frantziarrarekin, lan handiagoa egin behar nuen, baina askatasun gehiago nuen. Ez dakit egia esan zein nahiago dudan. Baina probatu nahiko nuke gidoia osorik nik egitea. (...)  Eta ez diot orain komikiak marrazteaz nekatu naizelako erreakzio bezala. Beti nahi izan dut eta, izan ere, baditut kaxoi batean idatzita proiektu batzuk, mila aldiz errepasatuak.''

'''Euskaraz argitaratutako komikiak'''


{|class="wikitable sortable" width=48%
|- align=center
!DATA
!IZENBURUA
!ARGITARATZAILEA
!GIDOIA
!MARRAZKIAK
!JATORRIZKO HIZKUNTZA
!ITZULTZAILEA
!JATORRIZKOAREN URTEA
|- align=center
|2015
|Kortsarioen ostatua
|Ikastolen Elkartea/Xabiroi
|[[Dani Fano]]
|Guillermo Gonzalez
|Euskaraz Jatorrizkoa
| style="background:black" |    
|2011 06 Hasiera(Xabiroi Aldizkaria 23)
2013 10 Amaiera(Xabiroi Aldizkaria 30)
|- align=center
|2012
|Anubis 3.0
|Ikastolen Elkartea/Xabiroi
|[[Dani Fano]]
|[[Dani Fano]]
|Euskaraz jatorrizkoa
| style="background:black" |    
|200x Hasiera(Xabiroi Aldizkaria 01)
20xx Amaiera(Xabiroi Aldizkaria xx)
|- align=center
|2010 08 ABUZTUA
|TeleATOI: kalabaza haluzinogenoak
|Ikastolen Elkartea/Xabiroi
|[[Dani Fano]]
|[[Dani Fano]]
|Euskaraz Jatorrizkoa
| style="background:black" |    
|2005 Hasiera(Xabiroi Aldizkaria 01)
20xx Amaiera(Xabiroi Aldizkaria xx)
|- align=center
|}


[Elkarrizketa zabala gazteleraz BIlbao24 horas atarian http://www.bilbao24horas.com/index.php/de-interes-y-curiosidades/el-mundo-del-comic-con-infame-co/8626-el-fantastico-mundo-de-guillermo-gonzalez]