«Alfonso Zapico» aldatzen

Alfonso Zapico 1981ean Asturiaseko Blimea herrian jaiotako Komikilari eta ilustratzailea da.

Euskaraz argitaratuta ditu 2015 urtean Unai Iturriagaren gidoiarekin argitaratutako Diamanteak Urrea eta Ikatza komikia eta Dublindarra komikia, 2011 urtean sortua eta 2015ean Astiberrik euskaraz argitaratu zuena.

2018ko maiatzean argitaratu zen 'Zubigileak' komikia (gazteleraz Los puentes de Mosku), Astiberriren eskutik. 2016ko abenduan Eduardo Madina PSEko kideak Fermin Muguruza elkarrizketatu zuen Jot Down aldizkarirako, eta Madinak Muguruza elkarrizketatzen zuen bitartean ilustrazioak egin zituen Zapicok; Irungo musikariaren etxean bizitakoa izan zen komikia egiteko abiapuntua. Muguruza eta komikilaria 2015ean ezagutu zuten elkar, 'Black is Beltza' komikia Argeliako jaialdi batean aurkeztu zutenean.

[http://www.argia.eus/argia-astekaria/2498/alfonso-zapico-komikilaria 2016ean Sustrai Colinak elkarrizketa sakona egin zion Argiarako], haurtzarotik marrazkigile bezala izan duen bilakaera, komiki historikoa, politika... Hona hemen pasarte batzuk.

''Mundu industrialaren eta herri giroaren arteko bizimodu batetik nator, geografikoki zein sozialki bakartutako inguru batetik. 1990eko hamarkada hasieran, ekonomikoki larri genbiltzalako, etxetik telebista kendu behar izan zuten gurasoek. Liburuetan topatu nuen salbazioa. Gustatzen ez zitzaidan mundu hartatik ihes egiten lagundu zidaten, beste mundu batzuk deskubritzen eta jakin-mina garatzen.  

Jakin-minezko mundu horiek marrazten zenituen?

Asterixen komikiak kopiatzen nituen, ikastetxeko aldizkariak ilustratu, adiskideen eta irakasleen karikaturak egin... Orduan ez neukan jendearekin harremanetarako gaitasunik. Kamutsa bezain motza nuen hitza. Marrazkiz komunikatzen nintzen. Horregatik segitu dut marrazten. 
''

Ilustrazio eta diseinu ikasketak Oviedoko arte eskolan egin zituen.

2005 eta 2006an asturieraz argitaratzen zen El Gomeru aldizkarian Les aventures de Manolita Pulgarcita saila argitaratu zuen.

2006 urtean lortu zuen frantzian bere lehen komikia argitaratzea: La guerre du professeur Bertenev (frantsesez Editions Paquet) 2007an Prix BD Romanesque saria jaso zuen Ville de Moulins FestiBDn. Gazteleraz 2009an argitaratu zen eta Bartzelonako Saló del Comic-en Josep Toutain Saria jaso zuen, autore berrien atalean.

2008an Zapicoren bizitza komikigintzari are gehiago lotzen zaio: Astiberrik egindako enkarguaren ondoren  Café Budapest komikia sortu zuen, arabiar eta israeldarren arteko gatazka gaitzat hartuta; Asturiaseko Haxtur saria irabazi zuen (Salón Internacional del Cómic del Principado de Asturias) eta La Nueva España egunkarirako eta Les Noticies astekarirako zintak marratzen hasi zen.

Bilboko Alhondiga Komik sarira aurkeztu zuen Dublinés komiki proiektua eta 2008ko edizioa irabazi eta gero saritzat Angulemako Sortzaileen Etxean bizi eta lan egiteko aukera izan zuen

Astiberri Argitaletxeko webgunean irakurri daitekenez ''"Zapico 3 urtez aritu zen guztiz lanari emana Dublindarra sortzeko; nobela grafikoak James Joyceren bizitza du ardatz, eta hark bizi izandako hainbat pasarte, elkarrizketa, lazeria eta abentura korritzen ditu, XX. mendeko pertsonaia zinez handi hura taxutuz."''


[http://www.argia.eus/argia-astekaria/2498/alfonso-zapico-komikilaria Horrela kontatzen zizkion Sustrai Colinari Angulemako bizipenak ]

“Dublindarra oso liburu ezberdina zatekeen Asturiasen, etxean bakarrik, marraztu banu. Angulemako sortzaileen etxean lan egin ahal izatea pribilegio handia da. Energia handiko gunea da, mundu guztitik datozen sortzaileengandik ikasten duzu, galderak egiten dizkizute, erantzun beharrak zure burua argitzera behartzen zaitu... Iraultzatxo bat da bakarrik lan egitera ohituta dagoen ofizioarentzat”.
''

2011 urtean argitaratu zuen Astiberrik Dublinés komikia eta 2012an Espainiako Sari Nazionala irabazi zuen Alfonso Zapicok. Erakusketa bat egin zen komikiaren arira (beste hiri batzuen artean Nafarroako Komikiaren VI. Azokan ikusi ahalizna zen) eta La ruta Joyce bidai koadernoa ere argitaratu zen urte berean,Joycek bizitoki izan zituen hiriak ere bisitatu baiztuen Zapicok liburua egiteko: Dublin, Trieste, Paris, Zürich...

Dublinés egiten ari zen bitartean Imposible mirar para otro lado komikia egin zuen (Asturiaseko GKE koordinadorarako).

2013 El otro mar komikia argitaratu zuen. 

2015 urtean Unai Iturriagaren gidoiarekin eta Alfonso Zapikoren marrazkiekin Diamanteak Urrea eta Ikatza komikia argitaratu zuen Athletic Club Fundazioak.

Urte berean Asturiaseko 1934 urteko iraultza gaitzat duen La balada del norte komikiaren lehen alea argitaratu zuen eta bigarrena 2017an iritsi zen. Gidoi ataleko Haxtur Saria berriz irabazi zuen lan honi esker.

Argiako elkarrizketan kontatzen duenez ''Marrazkilari zein ilustratzaileen mundu suharretik aparte ibili naiz Anguleman lur hartu arte. Horrela egin ditut egin ditudan liburuak. Ez da kasualitatea nire lehenbiziko obrak Krimean edo Palestinan kokatzea, ongi ezagutzen ez nituen inguruetan. 2.000 biztanleko herrixka ito batean bizita mundua eskatzen zidan gorputzak. Maletak Anguleman pausatzean, aldiz, Asturiaseko kontuak hasi naiz marrazten. Denak du zentzua autore baten ibilbidean. Ezinbestekoa da autorearen bizimodua ezagutzea bere lana ulertzeko. Horregatik, askotan, autorearen bizimodua autorearen obra baino gehiago interesatzen zait
''

La balada del norte komikiaren hirugarren alean lanean ari da. 

Esan bezala, 2018ko maiatzean Zubigileak komikia argitaratu zen.

Nola definituko zenuke zure marrazkera? galdetu zion 2016ean Sustrai Colinak:

''Aski askea da. Zikin samarra. Formei, perspektibei eta pertsonaiei dagokienez gutxi landua dirudi, baina detaile askokoa da. Izugarri saiatzen naiz ingurua, eszenatokia, erreala izan dadin. Pertsonaiei benetako itxura ematen tematzen naiz. Ezinbestekoa zait detaileen egiazkotasuna. Marrazkiak askatzen nau eta dokumentazioak lotu. Borroka horretan, ez da samurra hitzen eta irudiaren arteko oreka topatzea. Dublindarra, esaterako, hitzaren aldera desorekatzen zitzaidan. La Balada del Norterekin testua kentzen egoskortu naiz, nire intentzioak filtratu eta ahal bezain zehatz bideratzen. Ez dago gida-libururik.'' 

== EUSKARAZ IRAKURRI DAITEZKEN ALFONSO ZAPICOREN KOMIKIAK ==


{|class="wikitable sortable" width=48%
|- align=center
!DATA
!IZENBURUA
!ARGITARATZAILEA
!GIDOIA
!MARRAZKIAK
!JATORRIZKO HIZKUNTZA
!ITZULTZAILEA
!JATORRIZKOAREN URTEA
|- align=center
|[[2018]] 5 MAIATZA[[Fitxategi:2018 zubigileak.jpg|center|thumb|120px|link=http://www.komikipedia.eus/index.php?title=Zubigileak]]
|[[Zubigileak]]
|[[Astiberri]]
|[[Alfonso Zapico]]
|[[Alfonso Zapico]]
|Gazteleratik itzulia
|[[Bego Montorio Uribarren]]
|2018 Los puentes de Moscú ([[Astiberri]])
|- align=center
|[[2015]] [[Fitxategi:2015_diamanteak.JPG|center|thumb|120px|link=http://www.komikipedia.eus/index.php?title=http://www.komikipedia.eus/index.php?title=Diamanteak_Urrea_eta_Ikatza]]
|[[Diamanteak Urrea eta Ikatza]]
|Athletic Club Fundazioa
|[[Unai Iturriaga]]
|Alfonso Zapico
|Euskaraz Jatorrizkoa
| style="background:black" |    
|2015 10 URRIA
|- align=center
|[[Fitxategi:2015 dublindarra.JPG|center|thumb|120px|link=http://www.komikipedia.eus/index.php?title=Dublindarra]]
|[[Dublindarra]]
|[[Astiberri]]
|Alfonso Zapico
|Alfonso Zapico
|Gazteleratik itzulia
|[[Bego Montorio Uribarren]]</br>[[Eskarne Mujika Gallastegi]]
|2011 Dublinés ([[Astiberri]])
|- align=center
|'''GUZTIRA : 2 KOMIKI'''
|}

== 2018AN EUSKARAZ ARGIRATZEA AURREIKUSTEN DENA ==


{|class="wikitable sortable" width=48%
|- align=center
!DATA
!IZENBURUA
!ARGITARATZAILEA
!GIDOIA
!MARRAZKIAK
!JATORRIZKO HIZKUNTZA
!ITZULTZAILEA
!JATORRIZKOAREN URTEA
|- align=center
|[[2018]] Maiatza [[Fitxategi:Zubigileak.jpg|center|thumb|120px|]]
|[[Zubigileak]]
|[[Astiberri]]
|[[Alfonso Zapico]]
|[[Alfonso Zapico]]
|Edizio Elebiduna
| style="background:black" |    
|Los Puentes de Moscu
|- align=center
|}

2018ko maiatzerako aurreikusten da 'Zubigileak' (gazteleraz Los puentes de Mosku) izeneko komikia liburudendetara iristea, Astiberriren eskutik: 2016ko abenduan Eduardo Madina PSEko kideak Fermin Muguruza elkarrizketatu zuen Jot Down aldizkarirako: Madinak Muguruza elkarrizketatzen zuen bitartean ilustrazioak egin zituen Zapicok, eta Irungomusikariaren etxean bizitakoa izan zen komikia egiteko abiapuntua. Muguruza eta komikilaria 2015ean ezagutu zuten elkar, 'Black is Beltza' komikia Argeliako jaialdi batean aurkeztu zutenean.

[[Category:2018an komikiak argitaratu dituzten autoreak]]