«Aritz Trueba» aldatzen

Aritz Trueba Agirrebeña 1980 urtean Donostian jaiotako marrazkilari, diseinatzaile eta animatzailea da.  2019an argitaratu zuen bere lehen komiki albuma, Etxeberria anaien gidoiaz sortutako "Buyan".

EHUko Arte Ederretan lizentziatu zen eta Sirimirifilms-en animazio eskolak jaso zituen.

[https://www.usandizaga.com/design/aritz-trueba-marrazkilariari-elkarrizketa-buyan-komiki-historiko-fantastikoa/ Usandizaga ikastetxeko webgunean elkarrizketa sakona egin zioten bere ibilbideari eta Komikigintzari buruz.]

Telebistarako marrazki bizidunen sorkuntzan lan egin zuen. Ondoren, enpresa bioteknologiko baten zerbitzu eta produktuak islatzeko animazio teknikak erabiltzen lan egin zuen. 

Ikastolen Elkartean lana egin zuen hezkuntza-materialak sortzen.

Koldo Mitxelena eta Mari Karmen Alzueta komiki lehiaketetan sariak jaso zituen, nahiz eta Usandizagakoekin egindako elkarrizketan adierazten duen bere burua komikigile baino ilustratzaile bezala ikusten duela.

2016ean Komikilabea Jardunaldietan "Storyline: Komiki kolektiboa egiten" saioetan hartu zuen parte.

Koldo Almandozen Oreina pelikularen bitakora koadernoa egin zuen.

[https://eu.goteo.org/project/comic-plastic-family?fbclid=IwAR3uRs_YhfHDVrD44O4L5NZ_mjDA_UtayTPwvhNzxUEi2k_wyp6ohhIjCG8 Panthalasa elkartearekin “Plastic family” komikia lantzen ari da eta Crowfunding kanpaina bat antolatu dute proiektua finantziatzeko.]

== BUYAN: KOMIKI PROIEKTUAK TALDEAN GARATZEN ==


2012 urtean Etxeberria anaiak Ikastolen elkarterako lanean ari zirela Aritz Trueba marrazkilariarekin hasi ziren harremanetan Zootropo ipuin animatuen proiekturako.

[http://www.uberan.eus/?gatzetan-gordeak/elkarrizketak/item/xabier-etxeberriarekin-solasean  Hitzen Uberan atariari eskainitako elkarrizketan, Xabier Etxeberriak horrela kontatzen du nola sortu zen elkarlanaren hazia]: “Ikastolen Elkartean lan egiten nuenean hango marrazkilari batek, Aritz Truebak, nire liburu bat irakurri zuen eta galdetu zidan ez ote neukan istorio bat komikian marrazteko modukoa. Martinek eta biok bagenuen istorio bat buruan eta gidoira pasa genuen, komikira lehenbiziko aldiz, eta hor hasi ginen hirurok lanean."

[http://www.usandizaga.com/design/aritz-trueba-buyan-komiki-historikoa/ Aritz Truebak Usandizaga ikastetxeak ilustratzaile ezberdinei egindako elkarrizketa sailean proiektuaren eta lantaldearen bilakaera nolakoa izan zen kontatu zuen]:

 “Beraiek bazuten ideia bat, mitologia, gertakari historikoak eta abenturak nahasten zituen argumentu bat, eta horri heldu genion. Animazio bat egitea zen hasieran asmoa, baina gerora, istorioak zeukan luzera eta ezaugarriak kontutan hartuta, beharbada komiki formatuan egitea egokiagoa zela ikusi genuen. Ikastolen elkarteko lankide dudan eta Sirimiri Films eskolan nire irakasle izandako Jon Mikel Udakiolaren esperientzia eta ekarpena ere erabakiorra izan zen komikiaren alde egiteko apustu horretan." 

[https://www.jakin.eus/albisteak/jakin-berria-kaleratzear-kepa-enbeitari-elkarrizketa-eta-unai-iturriagaren-kontrazala/64 Jakin aldizkariak ere eman zuen komiki proiektu honen berri]:"Udakiola komikigintzan eta ilustrazioan ibilbide luzeko sortzailea dugu, eta berori integratu zuten taldean, aholkulari moduan, gidoitik eszenetarako bidea gidatzeko asmoarekin."

Ondoren Josu Igoa informatikari Beratarra eta Ikastolen Elkarteko lankidea sartu zuten taldean, proiektuak teknologi berrien arloan ere dimentsio sendoa eduki zezan. Josevisky komikigilearekin multimedia proiektuetan elkarlanean aritutakoa da Igoa.

Horrela Bortz taldea sortu zuten eta Buyan komikian sortzeko prozesuan buru belarri murgildu ziren. [https://m.facebook.com/buyancomic/ Facebook-en proiektuaren bilakaera erakutsi dute]eta [http://buyancomic.com/eu webgune eleanitza badu proiektuak].

[https://www.jakin.eus/albisteak/jakin-berria-kaleratzear-kepa-enbeitari-elkarrizketa-eta-unai-iturriagaren-kontrazala/64 Jakin aldizkariaren arabera]  "Narrazioaren abiadura biñetetan sartzean eztabaida luzeak izan dituzte, biñeten kopuruak, beraien aniztasuna, perspektiba edo adierazpenen ingurukoak. Taldeko eztabaidak izaten dira guztiak, ekarpen guztiek dute zeresana beraz komikien sortze prozesuan, nahiz eta bakoitzak gero bere arloari ekin. Udakiolaren etxeko sotoa izan dute lantoki; bertako paretetan biñetak itsatsi eta paperaren gainean aldaketak eginez hasi ziren. Taldean IKTetan aditua den Josu Igoa kidea izanik, lanerako aplikazio bat sortu eta berorren gainean egiten dituzte ekarpen eta aldaketak"

'''BUYAN KOMIKIAREN SINOPSIA'''

Buyan komikia horrela deskribatu dute "XIII mendeko errusiar printzerri batean kokatzen da komikia. Bertan  Nenetsiako tundratik hildako bere maitea berreskuratu nahian Buyan uharte mitikora iritsi nahi duen Maansi gaztearen gorabeherak ezagutuko ditugu, datu historikoak eta mitologia eslabiarra nahasten dituen istorio original honetan"

Jakin aldizkariaren arabera, 2016 urtean  “bost albumetan argitaratzeko asmoa dute eta gaur-gaurkoz bukatzear dute aurreneko komiki albuma.”

Asmoak horiek omen ziren, baina argitaletxea aurkitzeko bidea luze joan zen.

== KOMIKI AZOKAK: BUYAN FRANTSESEZ ETA INGELESEZ ARGITARATZEKO AUKERAK ==

2012tik komiki azoka ezberdinetara joan dira Etxeberria anaiak Buyan eta beste proiektu batzuk eskuartean zituztela: [http://etxeberriak.com/eu/archivos/15839 Poloniako Lodz hiriko Komiki Jaialdian] egon ziren  eta [http://etxeberriak.com/eu/archivos/15880 Angoulemeko komiki azokan] editore bila aritu ziren ere. 

Xabier Etxeberriak Hitzen Uberan atarian horrela kontatu zuen argitaletxea aurkitzeko ibilbidea:

“Saiatu ginen hemengo argitaletxeetan mugitzen, eta ezezkoak jaso genituen. Orduan Angulemako jaialdira joan ginen, proiektua frantsesera itzuli genuen Martinek eta biok, hara bidali eta elkarrizketa batzuk lortu genituen argitaletxe batzuekin. Argitaletxe frantses batek baiezkoa eman zigun. Gero, probatzeagatik, ingelesera pasa genuen. Estatu Batuetako argitaletxe batek ere baiezkoa eman zigun, eskubide guztiak erosi eta gero frantsesezkoari salduko dizkio... 

== BUYAN EUSKARAZ: PROIEKTU AUKERATUA EUSKO JAURLARITZAK ANTOLATUTAKO KOMIKIAK ARGITARATZEKO LEHIAKETAN ==
 
[https://m.facebook.com/story.php?story_fbid=1885109124930318&id=801888999919008&_ft_=mf_story_key.1885109124930318%3Atop_level_post_id.1885109124930318%3Atl_objid.1885109124930318%3Acontent_owner_id_new.801888999919008%3Athrowback_story_fbid.1885109124930318%3Apage_id.801888999919008%3Aphoto_id.1885108594930371%3Astory_location.4%3Astory_attachment_style.photo%3Apage_insights.%7B%22801888999919008%22%3A%7B%22role%22%3A1%2C%22page_id%22%3A801888999919008%2C%22post_context%223A%7B%22story_fbid%22%3A1885109124930318%2C%22publish_time%22%3A1536648738%2C%22story_name%22%3A%22EntStatusCreationStory%22%2C%22object_fbtype%22%3A266%7D%2C%22actor_id%22%3A801888999919008%2C%22psn%22%3A%22EntStatusCreationStory%22%2C%22sl%22%3A4%2C%22dm%22%3A%7B%22isShare%22%3A0%2C%22originalPostOwnerID%22%3A0%7D%2C%22targets%22%3A%5B%7B%22page_id%22%3A801888999919008%2C%22actor_id%22%3A801888999919008%2C%22role%22%3A1%2C%22post_id%22%3A1885109124930318%2C%22share_id%22%3A0%7D%5D%7D%7D&__tn__=%2As%2As-R Aritz Trueba marrazkilariak Buyan komikia sustatzen duen ekipoak proiektua album batean gauzatzeko diru laguntza jaso zuen.]

== 2019 BUYAN KOMIKIA EUSKARAZ, INGELESEZ ETA FRANTSESEZ ARGITARATU DA ==

Euskaraz Turko Comics-en eskutik, Estatu Batuetan Insight cómics eta frantzian Aquileos argitaletxearen bidez merkaturatuko da Buyan komikia. Euskaraz Buyan: Heriotzaren Uhartea da albumaren izenburua.


Euskaraz Turko Comics-en eskutik, Estatu Batuetan Insight cómics eta frantzian Aquileos argitaletxearen bidez merkaturatu da Buyan komikia.

Urriaren 11ean aurkeztu zuten komikia Donostiako San Jeronimo aretoan. 

Getxoko komiki azokan sinatze txandak egin zituzten autoreek, eta Made in Euskadi solasaldian parte hartu zuten.

Ingelesezko eta frantsesezko edizioak hainbat azoketan present egon ziren:  Uztailean San Diegoko Comic-Con jaialdian egon ziren Etxeberria anaiak, irailean New York Comic azokan Insight Comics-en Stand-ean salgai izan zen albuma, eta urrian Aritz Truebak St. Maloko "Quai des Bulles" jaialdian aurkeztu zuen komikia. 


== EUSKARAZ ARGITARATUTAKO KOMIKIAK ==


{|class="wikitable sortable" width=48%
|- align=center
!DATA
!IZENBURUA
!ARGITARATZAILEA
!GIDOIA
!MARRAZKIAK
!JATORRIZKO HIZKUNTZA
!ITZULTZAILEA
!JATORRIZKOAREN URTEA
|- align=center|
|[[2019]] 10 URRIA [[Fitxategi:2019_Buyan.jpg|center|thumb|120px|link=http://www.komikipedia.eus/index.php?title=Buyan:_Heriotzaren_Uhartea]]
|[[Buyan: Heriotzaren Uhartea]]
|[[Turko Comics]]
|[[Martin Etxeberria Garro]] [[Xabier Etxeberria Garro]]
|[[Aritz Trueba]]
||Euskaraz Jatorrizkoa
| style="background:black" |   
|2019, Buyan: Heriotzaren Uhartea, Turko Comics
|- align=center
|}


https://aritztrueba.com

https://www.facebook.com/aritz.trueba