Jon Muñoz

'Nor da Nor' euskal itzulpengintzaren datu basean jasotzen denez, Jon Muñoz Otaegi Donostian 1961ean jaiotako itzultzailea da. Zineman eta literatur argitaletxe zein entziklopedien eremuan lan egin du, eta Komikigintzan ere aritua da: besteak beste "Gabai, Euskal Herriaren Historia" komiki sailean (LUR argitaletxea, 64 orrialdeko 24 liburuki 1989 eta 1990 artean).

"Martuteneko Itzultzaile Eskolan ikasi zuen (1980-1983), eta gehienbat literaturan eta zineman dihardu itzultzaile.

Zineman ETBren lehen garaian (1983-1992) ehunka film eta telesailen azpitituluak egin zituen eta 1994tik aurrera, besteren artean, Donostiako Zinemaldirako, Fantasiazko eta Beldurrezko Asterako, Filmazpit eta FIPArako (Festival International de Programes Audiovisuels) egin du lan.

Literaturan, berriz, Literatura Itzulpenaren Euskadi Saria jaso zuen 1997an Choderlos de Laclosen 'Harreman arriskutsuak eleberriaren itzulpenagatik'- Literatura Unibertsala bildumarako itzulpenak egin ditu eta beste hainbat eleberri eta ipuin itzuli ditu beste argitaletxe batzuentzat."

Lur hiztegi entziklopedikoan (1992-1994) eta Lur entziklopedia tematikoan (1997-2000) ere lan egin zuen, erredaktore gisa. Historiako, Arteko eta Literaturako saiakerak ere itzuli ditu. Gidogilea eta elkarrizketagilea ere izan da hainbat film eta telesailetan.

ESan bezala, Komikigintzan ere aritua da: besteak beste "Gabai, Euskal Herriaren Historia" komiki sailean (LUR argitaletxea, 64 orrialdeko 24 liburuki 1989 eta 1990 artean).

2020ean Astiberrirako itzultzaile lanetan hasi zen, Txikiberri Saileko ‘Biga’ eta ‘Tigrea amesgaiztoaren kontra’ komikiak itzuliz. Ordurarte Bego Montorio Uribarren izan zen euskararazko bertsionen arduradun bakarra eta orain bien lanari esker irakurri daitezke Astiberriko komikiak euskaraz.

2021ean argitaratu zen euskaraz BIGA saileko bigarren liburukia.

EUSKARARA ITZULI DITUEN KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021 04 APIRILA	Biga 2. Super laguna!	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2014 Avni 2(Milan editeur)
2020 11 Azaroa	Tigrea amesgaiztoaren kontra	astiberri txikiberri bilduma	Emily Tetri	Emily Tetri	jatorrizkoa ingelesez	Jon Muñoz	2018 Tiger vs. Nightmare (First second)
2020 10 URRIA	Biga 1. Benetan identifikatu gabeko animalia	Astiberri Txikiberri bilduma	Romain Pujol	Vincent Caut	Jatorrizkoa frantsesez	Jon Muñoz	2014 Avni 1(Milan editeur)