Maddalen Arzallus Antia

Maddalen Arzallus Antia 1990 urtean jaiotako bertsolari hendaiarra da. Wikipediaren arabera Gaztea irratiko 'Dida' eta Euskadi Irratiko 'Faktoria' saioetako kolaboratzailea da eta 2015etik aurrera Euskal Telebistako saio ezberdinetan parte hartu du: 'Zuek hor' eta 'Gure kasa' saioetan kolaboratzaile eta 'Biba Zuek' saioan aurkezle. Ipar Euskal Herriko Hitza eta Gaztezulo aldizkarietan kolaborazioak idatzi izan ditu.

Itzulpengintza eta interpretazio ikasketak egin zituen Euskal Herriko Unibertsitatean eta Asterix pertsonariaren azken komikien euskaratzaile izan da. Bi uda igaro zituen San Petesburgoko Unibertsitatean errusiera lantzen.

9 urterekin hasi zen Hendaiako bertso-eskolan. Hiru aldiz izan zen txapeldun Euskal Herriko Eskolarteko Txapelketan, 2004an, 2005ean eta 2007an. 2008an Xilaba Bertsulari Xapelketako finalista izan zen, eta ondoren 2009ko Bertsolari Txapelketa Nagusian parte hartu zuen.

Kantuan eta gitarra jotzen ere aritu da eta Obaneuke erromeria taldeko kide izan da.

Zestoako Bakun itzulpengintza enpresan bi urtez lan egin zuen itzultzaile lanak egiten, besteak beste eskoletako testuliburuak itzultzen eta 2013 urtean 'Zesarren Papiroa' Asterixen komikia euskaratu zuen, ordurarte ardura hori izan zuen Usua Lasarekin batera.

1996 urterarte Elkar argitaletxeri esker argitaratzen ziren Asterixen komikiak euskaraz, baina 2001 urtetik aurrera Salvat etxeak eskuratu zuen Espainiako Estatuko hainbat hizkuntzetan sail hau argitaratzeko eskubidea ('Asterix eta Latraviata' komikiaren argitaratzean Alberdaniak ere parte hartu zuen).

SALVAT/BRUÑO-ren eskutik argitaratu dira 2009tik aurrera Asterixen XX. mendeko komiki istorikoen berrargitalpenak eta baita XXI. mendean Uderzok eta ondoren Jean-Yves Ferri eta Didier Conradek egindako istorio berrien Espainiako Estatuko merkaturatzeak.

Bakun itzulpengintza enpresa arduratu zen euskarazko bertsioetaz: 2009an Joseba Ossa eta Usua Lasa lankidetzan aritu ziren 'Asterix eta Obelixen urtebetetzea: urrezko liburua' euskaratzeko: ondoren Usua Lasa izan zen edizio historikoaren 'Asterix Galiarra' lehen aletik hasita 10. aleraino itzultzaile nagusiaa, 7. eta 8. aleetan izan ezik, Ramon Iriartek itzuli baitzituen; 'Asterix eta piktoak' etapa berria ireki zuen komikiaren euskaratzailea ere Usua Lasa izan zen: 2013 urtean 'Zesarren Papiroa' Maddalen Arzallusekin batera euskaratu zuen, eta 2016 urtetik aurrera ('Asterix : Arbernoko ezkutua' eta 'Asterix Olinpiar Jokoetan' ale historikoetatik eta 'Asterix Italian' etapa berrikotik hasita) Maddalen Arzallus arduratu da euskarazko bertsioetaz.

Ondorioz Maddalen Arzallusek guztira Asterixen 12 komiki ekarri ditu euskarara, Jean-Yves Ferri eta Didier Conrad bikotearen 4 (azkena oraingoz 2021ean 'Asterix eta Grifoa' eta XX mendeko komiki klasikoen 8 ale.

EUSKARARA ITZULITAKO KOMIKIAK

ASTERIX BILDUMA KLASIKOA XXI mendean Jean-Yves Ferri eta Didier Conradek egindako istorio berriak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021 10 URRIA	Asterix eta grifoa	SALVAT/BRUÑO Asterix Bilduma Klasikoa 39	Jean-Yves Ferri	Didier Conrad	Frantsesetik itzulia	Maddalen Arzallus Antia	2021 10 urria 'Asterix et le griffon,' Les Editions Albert René
2019 10 URRIA	Vertzingetorixen alaba	SALVAT/BRUÑO Asterix Bilduma Klasikoa 38	Jean-Yves Ferri	Didier Conrad	Frantsesetik itzulia	Maddalen Arzallus Antia	2019 10 urria 'La Fille de Vercingétorix', Les Editions Albert René
2017 10 URRIA	Asterix Italian	SALVAT/BRUÑO Asterix Bilduma Klasikoa 37	Jean-Yves Ferri	Didier Conrad	Frantsesetik itzulia	Maddalen Arzallus Antia	2016 10 URRIA Astérix et la Transitalique Les Editions Albert René
2015 10 URRIA	Zesarren Papiroa	SALVAT/BRUÑO Asterix Bilduma Klasikoa 36	Jean-Yves Ferri	Didier Conrad	Frantsesetik itzulia	Maddalen Arzallus Antia/Usua Lasa	2015 10 URRIA Le Papyrus de César, Les Editions Albert René

ASTERIX BILDUMA KLASIKOA XX mendean Goscinny eta Uderzok sortutako lanak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2020 11 AZAROA	Aztia	SALVAT/BRUÑO Asterix Bilduma Klasikoa 19)	Goscinny	Uderzo	Frantsesetik itzulia	Maddalen Arzallus Antia	1972, Le Devin
2020 11 AZAROA	Zesarren erramu-koroa	SALVAT/BRUÑO Asterix Bilduma Klasikoa 18)	Goscinny	Uderzo	Frantsesetik itzulia	Maddalen Arzallus Antia	1972, Les Lauriers de César
2019 11 AZAROA	Jainkoen Egoitza	SALVAT/BRUÑO Asterix Bilduma Klasikoa 17)	Goscinny	Uderzo	Frantsesetik itzulia	Maddalen Arzallus Antia	1971, Le domaine des dieux
2019 11 AZAROA	Asterix Helvetian	SALVAT/BRUÑO Asterix Bilduma Klasikoa 16)	Goscinny	Uderzo	Frantsesetik itzulia	Maddalen Arzallus Antia	1970, Astérix chez les Helvètes
2018 11 AZAROA	Liskarra	SALVAT/BRUÑO Asterix Bilduma Klasikoa 15)	Goscinny	Uderzo	Frantsesetik itzulia	Maddalen Arzallus Antia	1970, La zizanie
2018 11 AZAROA	Asterix Hispanian	SALVAT/BRUÑO Asterix Bilduma Klasikoa 14)	Goscinny	Uderzo	Frantsesetik itzulia	Maddalen Arzallus Antia	1969, Astérix en Hispanie
2017 05 MAIATZA	Asterix eta pertza	SALVAT/BRUÑO Asterix Bilduma Klasikoa 13)	Goscinny	Uderzo	Frantsesetik itzulia	Maddalen Arzallus Antia	1969 Asterix et le chaudron
2016 06 EKAINA	Asterix Olinpiar Jokoetan	SALVAT/BRUÑO Asterix Bilduma Klasikoa 12)	Goscinny	Uderzo	Frantsesetik itzulia	Maddalen Arzallus Antia	1968 Astérix aux Jeux Olympiques
2016 10 URRIA	Asterix : Arbernoko ezkutua	SALVAT/BRUÑO Asterix Bilduma Klasikoa 11)	Goscinny	Uderzo	Frantsesetik itzulia	Maddalen Arzallus Antia	1968 Le bouclier arverne