Bertsolari Aldizkaria

Bertsozale elkarteak 1991ko udaberrian sortu zuen Bertsolari aldizkaria eta 4 ale argitaratzen dira urtero: 2021 urtean 30 urte bete ziren aldizkaria sortu zenetik eta 124. alea argitaratu zuten. Komikigintzak geroz eta garrantzia gehiago hartu du aldizkarian.

Apustu handia izan zen 1996 urtean ale monografiko bat komikigintzari eskaintzea : esan bezala Bertsolari Aldizkariaren 22. zenbakia berstolari eta komikigileen arteko lankidetzan oinarritu zen eta bertsolari/marrazkilariek parte hartu zuten.

XXI mendean zehar komikiaren presentzia aldizkarian sendotu da:Zaldieroaren istorioek ale guztietan atal finkoa dute, Patxi Gallego ilustrazio lanak egiten ditu eta komikigintzarekin lotutako proiektu bereziak Bertsolari aldizkariaren parte bihurtu dira.

hibridazioari eskainitako alean Xabi Paya bertsolaria eta Patxi Gallego komikigileen arteko elkarlananaren lehen atala aurkeztu zen '8 bertsolaritxo' izenburupean, eta hortik eratorri ziren 'Nork' eta 'Nori' komikiak. Mikel Begoña eta Adur Larrearen artean "'ast Shot' istorioa argitaratu zen eta lankidetza horretatik 'Arditutakoak' komikia sortu zen; 2021 urtean Beñat eta Unai Gaztelumendi anaiek 'Bidea da borroka' komikia sortu zuten.

Beñat Hach Embarekek aldizkariaren koordinatzailea da 2017tik eta Berriari elkarrizketa 2021ean

- Komikigintzarekin ere apustua egin duzue azkenaldian.

- Bertsozale komunitatea oso profil ezberdinetako jendeak osatzen du, eta bada talde zabal bat, zeinak bertsolaritza gustuko duen, baina baita beste kultur adierazpide batzuk ere. Komikigintza ere bada askotariko jendearengana iristeko bide bat, eta horretan gabiltza. Neguan Gaztelumendi anaiekin komiki bat publikatuko dugu: Bidea da borroka.

- Bertsozale belaunaldi berriengana iristea lortu duzue?

Esango nuke iritsi garela, bereziki komiki, podcast eta halakoen bidez. Paperekoari dagokionez, etxe askotan bertsozaletasuna belaunaldiz belaunaldi pasatu da, eta etxe askotan jarraitzen dute aldizkaria jasotzen 30 urteren ondoren. Baina badugu zer asmatu. Bertsolari eta bertsozale gazteak parte hartzen ari dira aldizkarian, eta jarraitu behar dugu horretan, haientzat aldizkaria espazio interesgarria izan dadin bertsolaritza ikusten duten bezala kontatzeko. Hori izan liteke erronka nagusia.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021	Bidea da borroka	Bertsozale Elkartea (Bertsolari Aldizkaria 124. zenbakia)	Beñat Gaztelumendi	Unai Gaztelumendi	Euskaraz Jatorrizkoa		2021 11 AZAROA
2019	Nori	Bertsozale Elkartea (Bertsolari Aldizkaria 116. zenbakia)	Xabi Paya /Patxi Gallego	Patxi Gallego	Euskaraz Jatorrizkoa		2017ko neguko 107. Bertsolari aldizkarian Nori komikia hasi zen argitaratzen atalez atal.
2017	Arditutakoak	Bertsozale Elkartea (Bertsolari Aldizkaria 108. zenbakia)	Mikel Begoña	Adur Larrea	Euskaraz Jatorrizkoa		2017 11 AZAROA
2015	Nork	Bertsozale Elkartea (Bertsolari Aldizkaria 100. zenbakia)	Xabi Paya /Patxi Gallego	Patxi Gallego	Euskaraz Jatorrizkoa		Bertsolari aldizkariaren 89.zenbakian, 2013ko martxoan, Hamar bertsolaritxo komikia argitaratzeari ekin zion, Agate Krixtinen gidoiaz eta Patxi Gallegoren marrazkiekin
1996	Bertsokomik	Bertsozale Elkartea (Bertsolari Aldizkaria 22. zenbakia)	Andoni Egaña Sebastian Lizaso Asier Iriondo Jokin Mitxelena Xabier Silveira Maddalen Lujanbio Joxean Agirre	Olariaga Mattin Jon Zabaleta Asisko Maite Martinez de Arenaza Txema Garzia	Euskaraz Jatorrizkoa		1996 07 UZTAILA