Dani Fano

Dani Fano Ardanaz Donostian 1968an jaiotako ilustratzaile eta komikigile gipuzkoarra da: 2005 urtetik aurrera Xabiroi komiki aldizkarian koordinatzaile lanak egiten ditu. Aldizkarietan umore grafikoa landu du eta 2018 bitartean 4 komiki argitaratu ditu. 2018 urteko "Miguel Marmolen hamaika eta bat jaiotzak" du azkena eta une honetan "Sasi artean Elgeta" komikia atalka argitaratzen ari da Xabiroi aldizkarian.

Ilustratzaile moduan, Ikastolen Elkarterako lanak egin ditu: Ipuingintzan eta material didaktikoen marrazketan adibidez Olentzeroren oparia, Helikopteroa ikastolan, Hansel eta Gretel, Hiritik mendira...eta multimedia arloan parte zuen Space Search ingelesa ikasteko CDan eta Txango CDan.

Txalaparta Argitaletxerako ilustrazioak egin zituen Gari Berasaluzek idatzitako Elkano: itsasoak emandako bizitza libururako. Azala egiteaz arduratu zen Donostiako Udaleko Liburutegi sareak kaleratutako Azken hamarraldiko euskal komikiari buruzko Irakurketa Gida (2000-2009) lanean.

1998-2002 urteen artean umore grafikoa landu zuen hainbat aldizkarietan: Mutxo! (1998-2000), Ardi Beltza (1999-2000), Kale Gorria(2000-2002)

2001 eta 2002 urteen artean Ipurbeltzen Beto asmatzaile pertsonaia marraztu zuen.

2002-2010 urteen artean Elhuyar zientzia eta teknologia aldizkarian Satorrak Ilargian saila egin zuen

Ikastolen Elkarteak Xabiroi aldizkaria sortu zuenetik, 2005 urtean, koordinatzaile lanak egin ditu, eta aldizkari honetan agertu dira gero album formatuan argitaratutako bere 3 lan: gidoiak eta marrazkiak egin zituen TeleAtoi: kalabaza haluzinogenoak (2005ean hasitako saila,albuma 2010ean) eta Anubis 3.0 (200xan hasitako saila,albuma 2012an) lanetarako, eta gidoiaz arduratu zen Kortsarioen Ostatua komikian, Guillermo Gonzalezen marrazkiekin.

2012an El Balanzin aldizkarian Harkaitz Canoren Pianoa edaten aritu da olerkiarekin istorioa sortu zuen, eta urte horretan Rumble aldizkariko azala egin zuen eta elkarrizketa egin zioten.

Gaur 8 aldizkarian argitaratu ziren bere lan batzuk

H28 aldizkarian parte hartu zuen ere. Gaur8 aldizkarian argitaratu dira bere lanak ere.

Egin dizkioten elkarrizketa guztietan nabarmentzen denez, komikia Dani Fanorentzat lanbide bat baino gehiago da: Xabiroi aldizkarirako egindako koordinatzaile lanaren bidez egileen arteko sare lanak bultzatu ditu, estilo anitzetako komikilarien irudiak ikusi daitezke aldizkarian, idazle eta marrazkilarien arteko proiektuak sustatu ditu, komikigintza baldintza egokietan garatzeko baldintzak jarri...

Ibilbide honetan komikigintzari buruzko ikuspegi zabal bat eskuratu du Dani Fanok. Honen isla da medio ezberdinetan bere lanari eta komikigintzari buruz argitaratutako elkarrizketak.

• 2015 / Rumble Aldizkaria

• 2014-07-17 /Berria: Euskal Herrian egun ia inor ez da bizi komikiak egitetik

• 2011-02-27/Argia:  Hemen komikigileak konplexuz beteta egon gara

• 2017-10-28/El Correo: Uharte txikia baina indartsua

Getxoko Komiki Azokan eta Durangoko Azokan Xabiroiren Stand-ean topatu daiteke beti,eta UEUko ikastaroetan eta hitzaldietan parte hartu izan du ere. Komikigunean 3zangotako komiki solasetan parte hartu du moderatzaile bezala eta 2016ean Komikigunean bertan bere ibilbideari buruzko solasaldia egin zen.

2018 bitarte, 8 urte pasa zituen lan pertsonal baten sorkuntzan murgilduta, Miguel Mármol El Salvadorreko Alderdi Komunistaren sortzaileetako bati buruzko komikia.

2013an “Arte para la memoria y arte para olvidar” hitzaldia eskaini zuen El Salvadorren.

2017 urtean Eusko Jaurlaritzak antolatutako komikiak argitaratzeko diru laguntza deialdiaren 4 irabazletako bat izan zen eta horrela "Migel Marmolen hamaika eta bat jaiotzak" komikia amaitzeko azken bultzada izan zuen. Dani Fano bere Facebook orrialdean ematen zituen komikiaren sormen prozesuaren berri

2018ko IRAILA, MIGEL MARMOLEN KOMIKIA ARGITARATUA

2018ko irailean El Salvadorren Museo de la Palabra y la Imagen museoaren ekimenez Los doce nacimientos de Miguel Marmol komikia argitaratu zen. El Salvadorren izan zen Dani Fano komikia aurkezten.

Urriaren 18an Astiberri etxearekin euskaraz eta gaztelaniaz argitaratu zen. Koldo Izagirre arduratu zen euskarazko bertsioaz.

Getxoko azokan sinatzen egon zen Dani Fano. Komikigunean urriaren 25ean aurkeztu zen komikia.

Prentsan eta sarean euskaraz agertutako iruzkin batzuk

• 2018-10-25 Igor Leturiaren Blogean: Migel Marmolen hamaika eta bat jaiotzak komikia egin du Dani Fanok El Salvadorreko alderdi komunistako kide historikoaren ingurukoa

• 2018-10-25 Irutxuloko Hitza: Dani Fanok "Miguel Marmolen hamaika eta bat jaiotzak" komiki liburua aurkeztu du

• 2018-10-26 Gara: El Salvadorko memoria historikoa lantzen duten binetak

• 2018-10-26 Berria: Heriotzari izkin egiteko jaioa

• 2018-10-26 ZuZeu: Sumendien herrialdean

• 2018-10-30 Uberan ataria: Eman dudana baino askoz gehiago jaso dut lan honekin.

• 2018-11-07 El Correo egunkarian

Beste aurkezpen batzuren artean, Azaroaren 13an. 19:00etan Igor Leturiak gidatutako Intxaurrondoko Komiki Solasaldietan parte hartuko zuen Dani Fanok, eta ondoren Iruñeako katakraken, Zaragozako Komiki Azokan, Bilboko Astiberri Show-ean.......

https://www.eitb.eus/eu/telebista/programak/artefaktua/bideoak/osoa/6867693/bideoa-dani-fano-miguel-marmol-erdialdeko-amerikako-superheroi-da/ [EITBko Artefaktua literatur saioan egindako elkarrizketan adierazi zuenez] Komikia frantsesez argitaratu zen 2019ko azaroan (Rackham editions)eta Nawat hizkuntzan ere argitaratzea espero da.

2019ko martxoa bitarte Donostiako Ilustratzailearen Txokoan

2019ko martxoa bitarte Donostiako Aiete kultur etxeko Ilustratzailearen Txokoan ikusi ahal izan ziren ilustratzaile bezala egindako ibilbideko lagin batzuk

Naiz atarian elkarrizketa eta artikulua idatzi zuten erakusketa honen harira

Bestalde, 2019ko azaroan komikigileei zuzendutako formakuntza saio batean hartu zuen parte, Komikiguneak antolatuta: Dani Fano Albert Monteys eta David Rubinekin partekatu zuen saioa, eta gaiak hauek izan ziren: orri konposizioa, narratiba estrategiak, bunbuiloak eta errotulazioa.

2019-2021 "SASI ARTEAN ELGETA" PROIEKTU BERRIA: XABIROI ALDIZKARITIK ALBUMERA

2019ko maiatzean EITBKulturaTransit saioak erreportai bat egin zuen Dani Fano elkarrizketatuaz eta bertan jakinarazi zen autorea album berri baten sorkuntza prozesuan zegoela: "Sasi artean Elgeta" komikia lehenik atalka Xabiroi aldizkarian argitaratzen hasi da, aldizkariaren zehazki, 2019ko ekaineko 52. zenbakian. Goiena atarian ere hitz egin zuen proiektu honi buruz: Trikitixa Elkarteak, Xabiroi aldizkariak atalka eta albumetan komikiak argitaratzeko ibilbidearen jakitun, Ikastolen Elkarteari lankidetza proposamen bat luzatu zion, Jazinto Rivas "Elgeta" trikitilariaren bizitza ezagutarazteko asmoz; horrela, atalez atal aldizkarian agertu eta gero 2021ean argitaratuko litzateke albuma.

Talde baten emaitza izango da komiki hau: "Miguel Marmolen hamaika eta bat jaiotzak" komikian hasitako bidetik, bigarrenez Koldo Izagirre eta Dani Fano elkarlanean ari dira, eta Garluk Aguirre arduratu da koloreztatzeaz. Europan ohikoa den koloreztatzailearen papera euskal komikigintzan ere sustraitzen ari den beste adibide bat da hau.

Elkarrizketa Diario Vasco-n

2021eko ekaineko Xabiroi aldizkariko 60. zenbakian argitaratu zen 'Sasi artean Elgeta' sailaren azken atala eta irailaren 29an aurkeztu zuten albuma Ikastolen Elkarteak eta Euskal Herriko Trikitixa Elkarteak eta Getxoko Komiki Azokan albumak sinatzen egon ziren autoreak.

albumaren aurkezpeneanDani Fanok komikia taldean sortzearen garrantzia esaldi batean laburtu zuen: “Koldok idatzitakoa pixka bat gorago eramaten ahalegindu naiz”. Garluken lana ere goraipatu du Fanok: “Lehen aldia zen kolorista batekin lan egiten nuela, eta kolorista on batekin lan egitea egokitu zait; berari esker ikasi dut ez dela marrazkia koloreztatu behar, baizik eta istorioa, eta narrazioari eta giroari lagundu behar diela: emaitza begi bistakoa da”

2005 urtean euskaraz argitaratu zen 'Kortsarioen ostatua' frantsesez argitaratu zuen 'Petit à Petit' etxeak, eta 2022an Rocheforteko 'Festival des Mémoires de la Mer' jaialdian 2022ko komiki onenaren sarirako hautatua izan da. 2023 urtean Grafito Editorial-ek gazteleraz argitaratu du komiki hau.

Ttap elkarrizketak saioan Dani Fanori elkarrizketa egin zioten bere sortzaile ibilbideari eta Xabiroiko esperientziari buruz.

[https://www.berria.eus/kultura/angulemako-oparotasunak-handiagoa-den-zerbaiten-parte-sentiarazten-zaitu_2119883_102.html? 2024ko Angoulemeki jaialdia hizpide hartuta elkarrizketa egin zioten Berrian Fanori.]

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021 09 IRAILA	Sasi artean Elgeta	Ikastolen Elkartea/Xabiroi / Euskal Herriko Trikitixa Elkartea	Koldo Izagirre	Dani Fano KOLOREA Garluk Agirre	Euskaraz Jatorrizkoa		2019ko Xabiroi aldizkariaren 52. zenbakian 'Sasi artean Elgeta' komikia argitaratzen hasi zen atalka eta 2021eko ekaineko 60. zenbakian argitaratu zen azken atala)
2018 10 URRIA	Migel Marmolen hamaika eta bat jaiotzak	Astiberri	Dani Fano	Dani Fano	Edizio elebiduna	Koldo Izagirre	2018ko iraila: Los doce nacimientos de Miguel Marmol (El Salvadorren Museo de la Palabra y la Imagen, Urrian Estatu Espainiarrean Astiberri.) Dani Fanoren urteetako proiektu pertsonala eta Eusko Jaurlaritzak 2017 urtean komikiak eta liburu ilustratuak sortzeko antolatutako diru laguntza deialdiaren proiektu saridunetako bat
2015	Kortsarioen ostatua	Ikastolen Elkartea/Xabiroi	Dani Fano	Guillermo Gonzalez	Euskaraz Jatorrizkoa		2011 06 Hasiera(Xabiroi Aldizkaria 23) 2013 10 Amaiera(Xabiroi Aldizkaria 30)
2012	Anubis 3.0	Ikastolen Elkartea/Xabiroi	Dani Fano	Dani Fano	Euskaraz jatorrizkoa		2008ko Otsailetik 2010eko urrira argitaratu zen atalka Xabiroi aldizkarian (11,12,13,15,16,17,20 eta 21 zenbakietan)
2010	TeleATOI: kalabaza haluzinogenoak	Ikastolen Elkartea/Xabiroi	Dani Fano	Dani Fano	Euskaraz Jatorrizkoa

LAN KOLEKTIBOETAN

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2015 12 ABENDUA	H28 hilabetekari saretirikoaren urtikaria. Urtekari Paperitikoa	H28	Dani Fano,Edu Lartzanguren,Eñaut Aiartzaguena,Exprai & Aranagoiri,Exprai,HamarHatzHandi,Hasier Goikolea,Iren,Josevisky,Laure Gomez,Marko,Mikel Orbegozo,Ñ,Ñk,Patxi Gallego,Sustrai Errolan,Trirrite & Tz,Unai Gaztelumendi,Unai Iturriaga,ZaldiEroa	Dani Fano,Edu Lartzanguren,Eñaut Aiartzaguena,Exprai & Aranagoiri,Exprai,HamarHatzHandi,Hasier Goikolea,Iren,Josevisky,Laure Gomez,Marko,Mikel Orbegozo,Ñ,Ñk,Patxi Gallego,Sustrai Errolan,Trirrite & Tz,Unai Gaztelumendi,Unai Iturriaga,ZaldiEroa	Euskaraz Jatorrizkoa		2015 12 ABENDUA
2016 12 ABENDUA	H28 urdekaria Urtekari Paperitikoa	H28	Adur Larrea, Aiert, Ainara Azpiazu Axpi, Aitor Egia, Aranagoiri, Aritz, Aritz Irigoien, Asisko, Beñat Etxaburu, Dani Fano, Edu Lartzanguren, Enekus Mus, Enok Sudupe, Eñaut Aiartzaguena, Exprai, Hasi,Hartzmarka, Iban Izagirre, Idoia Torregarai, Iren, Jojo Arratzukima,Jokin, Joseba Larratxe Josevisky, Laure Gomez, Marko, Mikel Orbegozo, Mr, Ñ, Ñk, Ogaxo, Patxi Gallego, Sustrai Errolan, Tomax, Tz, Unai Gaztelumendi, Unai Iturriaga, Xanmari, Zaldieroa, @Zital	Adur Larrea, Aiert, Ainara Azpiazu Axpi, Aitor Egia, Aranagoiri, Aritz, Aritz Irigoien, Asisko, Beñat Etxaburu, Dani Fano, Edu Lartzanguren, Enekus Mus, Enok Sudupe, Eñaut Aiartzaguena, Exprai, Hasi,Hartzmarka, Iban Izagirre, Idoia Torregarai, Iren, Jojo Arratzukima,Jokin, Josevisky, Laure Gomez, Marko, Mikel Orbegozo, Mr, Ñ, Ñk, Ogaxo, Patxi Gallego, Sustrai Errolan, Tomax, Tz, Unai Gaztelumendi, Unai Iturriaga, Xanmari, Zaldieroa, @Zital	Euskaraz Jatorrizkoa		2016 12 ABENDUA
2016 04 APIRILA	Altza porru	Komunikazio Biziagoa / Argia	Obrarena Jakoba Errekondo Komiki bakoitzarena: Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa	Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa	Euskaraz jatorrizkoa		2016 04 APIRILA