Ian Nose

Ian Nose izenaren atzean 1984 urtean Oñatin jaiotako Ioannes Busca dago: arkitektura ikasketak egin zituen, marrazkilaria eta diseinatzailea da, bideo lanak egin ditu... Madrid, Mexiko D.F eta Puerto Ricon bizi izan da, eta gaur egun Philadelphian bizi da.

Aaron anaiarekin batera Laino mehe komikizaleon ataria jarri zuen martxan eta Ioannesek webgunearen logoa diseinatu zuen.

Euskaraz,ingelesez, gazteleraz eta katalanez argitaratzen ditu bere lanak,formatu digitalean eta plataforma ezberdinetan (Facebook, Instagram, tumblr, Twitter, Frozeen...) eta bilduma moduan eskuragarri daude Amazon eta beste plataforma batzuren bidez, digitalean eta paperean. Argitaraturako komiki batzuk osorik eta beste batzuen laginak irakurgai daude Frozen webgunean.

Bere webgunean egindako lanen informazio zabala du: 1997 urtetik egindako komiki batzuk ikusi daitezke bertan.

2011-2015 'Ed Framed': Sare Sozialak eta bildumak

2011 urtetik 2015 urterarte EdFramed izeneko eguneroko komiki zinta egin zuen jarraikortasunez.

'EdFramed' saileko lehen bilduma 2016ko maiatzean argitaratu zuen eta 2011ko azarotik 2012ko urtarrilera egindako zintekin osatu zuen.

Beste etapa batean, 2015eko lehen 3 hilabeteetan "2. Denboraldia" izeneko zintak sareratu zituen eta urte bereko irailean hasi zen 3. denboraldiko zintak argitaratzen.

Urrenez urren, 2016 eta 2018an argitaratu ziren zinta horien bildumak

Euskaraz,ingelesez eta gazteleraz liburuki banatan eskuratu daitezke, eta bakoitzean batazbeste 58 zinta jasotzen dira.

Komiki albumak

'EdFramed' sailaz gain, 2015 urtearen amaieran,Espainiar Estatuko hauteskunde orokorrak gaitzat hartuta, "Antxitxiketan lasterketa demokratikoa" saila hasi zuen Facebook, Instagram eta Frozeen atarietan komikiak argitaratuaz. Abenduaren 28an ekin zion bigarren atalari. Bi Lan hauen bildumak hurrenez hurren 2016 eta 2017 urteetan argitaratu zituen.

2017ko martxoan "Non Legimus: The War of The Words" komikia argitaratu zuen, Gabriel Alejandroren gidoiarekin, eta Puerto Ricoko Bayamón-en ospatu zen Tintero Comics jaialdian aurkeztu zen: ingelesez,euskaraz, gazteleraz eta katalanez eskuragarri jarri zen.

2018an ere "Puerto Ricon ere egiten du euria" komikia argitaratu zuen eta 'Ed Framed' sailaren 3. liburukia.

Ian Noseren lan hauek bataz beste 24 orrialdetakoak izaten dira, egilearen webguneko dendan paperean edo digitalean eskuratu daitezkenak.

2018ko Veneziako Arkitektura Bienaleko Espainiako pabilioiean  ikusgai jarri ziren Ian Noseren bi lan:

Batetik Antxintxiketan: Lasterketa demokratikoa komikiko euskarazko bertsioaren formatu handiko 25 panelekin erakusketa osatu zen.

Bestetik, 'Edframed' sailaren hasierako zinta batzuk ere ingelesez egon ziren ikusgai.

Ian Nosek ingelesez eman zuen berria eta Bizkaie atarian euskaraz kontatu zuten. Deia egunkariak elkarrizketa egin zion.

2020-2024 Ed Framed 4. eta 5. denboraldiak

2020ko martxoaren 26tik ekainaren 23ra astez aste, Ed Framed pertsonaia eta COVID19 pandemia garaia gaitzat hartuta hainbat zinta sareratu zituen: 2020ko abuztuan  sailaren 4. liburukian jaso ziren guztiak paper formatuan eta formatu elektronikoan.

4 urte beranduago 2024ko ekainaren 14ean ekin zion Ed Framed sailaren 5. Denboraldiko zintak argitaratzeari.

AUTOREAREN LANAK EUSKARAZ

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2020 08 ABUZTUA	Ed Framed 4	Egilea editore/Ahabi Comics	Ian Nose	Ian Nose	Edizio eleanitza		2020ko martxoaren 26tik ekainaren 23ra astez aste argitaratutako zintak
2018 ABENDUA	Ed Framed 3	Egilea editore/Ahabi Comics	Ian Nose	Ian Nose	Edizio eleanitza		2015eko irailetik 2018 urtea barne argitaratutako zintak
2018 03 MARTXOA	Puerto Ricon ere egiten du euria	Egilea editore/Ahabi Comics	Ian Nose	Ian Nose	Edizio eleanitza		2018ko martxoan
2017 03 MARTXOA	Non Legimus: Hitzen gerra	Egilea editore/Ahabi Comics	Gabriel Alejandro	Ian Nose	Edizio eleanitza	Euskarazko edizioa Ekhi Galdos	2017 03 Non Legimus: The War of The Words, Puerto Rico
2017 07 UZTAILA	Antxintxiketan, lasterketa Demokratikoa 2	Egilea editore/Ahabi Comics	Ian Nose	Ian Nose	Edizio eleanitza		2015ean Internet sarean eta 2016ean paperean eta formatu digitalean 9 orrialde gehiagorekin
2016 12 ABENDUA	Antxintxiketan, lasterketa Demokratikoa 1	Egilea editore/Ahabi Comics	Ian Nose	Ian Nose	Edizio eleanitza		2015ean Internet sarean eta 2016ean paperean eta formatu digitalean
2016 8 ABUZTUA	Ed Framed 2	Egilea editore/Ahabi Comics	Ian Nose	Ian Nose	Edizio eleanitza		2015eko urtarriletik martxora argitaratutako zintak
2016 5 MAIATZA	Ed Framed 1	Egilea editore/Ahabi Comics	Ian Nose	Ian Nose	Edizio eleanitza		2011 azarotik 2012ko urtarrilera argitaratutako zintak