Harriet Ediciones

HARRIET EDICIONES ARGITALETXEA

2015 urtean Koro Muro eta bere anaia Gregorio Muro “Harriet” komikigileak 'Harriet Ediciones' argitaletxea sortzea erabaki zuten oso helburu zehatzekin: euskaraz, gaztelaniaz eta frantsesez komikiak argitaratzea, 80.hamarkadan berak eta beste autore batzuk sortutako komikiak berrargitaratzea, balore berrien lanak merkaturatzea, haur eta gazteentzako komiki eskaintza handitzea.... Frantziar komiki merkatuan zabaldu diren euskal autoreen lanak euskaraz eta gazteleraz argitaratzeko helburu zehatza ere bazuen.

2016 urtean Igor Leturiaren blogean azaldu zituen helburu guzti hauek, eta elkarrizketa honi esker komikigintzaren iragan,orainaldi eta etorkizunari buruzko bere ikuspuntua ezagutzeko aukera eduki genuen. 2018ko apirilean Berrian Mikel Lizarraldek elkarrizketa egin zion ere.

Arloa ezagutzen duen profesional gisara eta plangintza egonkor bati eutsiz, 2015etik aurrera 2-3 lan lerroetan egikaritu dira argitaletxea martxan jartzeko orduan Gregorio Murok zituen asmoak:

• 80. hamarkadan Harriet beraren gidoiez kaleratu ziren lan batzuk eta garai horretako beste lanak berrargitaratu ditu, "Justin Hiriart", "Jon eta Mirka", "Sorgin seinalea" eta "Mintxo" adibidez.

• Frantziar autore garaikideen albumak euskaraz era gazteleraz argitaratu ditu.

• Frantziar merkatuan komikiak argitaratu dituzten euskal autoren lanak euskaraz eta gazteleraz argitaratu ditu, tartean Marko euskal marrazkilariaren lanak. 2019tik aurrera Gregorio Muro "Harriet" bera frantziar merkatuan istorio berriak publikatzen hasi zen Glenat argitaletxearen eskutik, eta gaztelaniaz zein euskaraz Harriet Ediciones bidez merkaturatu ditu.

• Eta 2019an lehen aldiz euskal autore garaikideen euskarazko jatorrizko komiki bat argitaratu zuen: Yurre Ugarteren gidoiaz eta Joseviskyren marrazkiekin osatutako 'Joana Maiz', gaztelerazko bere bertsioarekin. Ondoren urtero argitaratu du Harrietek euskal egileen lanen bat, Eusko Jaurlaritzako komikigintzarako diru laguntzen deialdia baliatuta.

2015-2019, 5 KOMIKI URTERO URTERO

2015etik 2019ra 26 komiki argitaratu zituen Harrietek, euskara zein gaztelerazko bertsioetan. 2015ean Justin Hiriart komikiaren gaztelaniazko edizio osoa argitaratu zuen ere (euskaraz Ereinek argitarau zuen).

Hasierako urteetan Marko euskal marrazkilariaren 4 lan argitaratu zituen, Beka frantziar gidoilari bikotearekin azken urteetan sortutakoak. Jack Manini,Laurent Galandon gidoilarien lan bat baino gehiago euskaraz irakurri daitezke ere, Tiekoren 2 lan eta Bruno Duhamel-en 4 komiki ere.

2018an Harrietek argitaratutako emakume autoreen komiki kopurua handitu zen, Gwénola Morizur eta Marie Duvoisinen "Hasiera berri bat" komikiarekin eta Yllya marrazkilariaren "Isaline_rekin: aurretik Caroline Roque gidoilaria (BEKA sortzaile bikotearen erdia) eta Maëla Cosson koloreztatzaileak Marko marrazkilariarekin egindako lanak argitaratu zituen, baita Anlor marrazkilariak Laurent Galandonekin egindako lana ere.

2018 urtea amaitu baino lehen beste bi komiki argitaratu zituen Harrietek, tartean Berzosaren Mintxo komikiaren berrargitalpena.

Formatu aldetik, urte horretan komiki batzuk azal biguinean argitaratu zituen Harrietek.

Hurrenez hurren, lehen etapa honetan argitaratutako komiki kopurua hau izan zen: 2016an 4 komiki, 2017an 8, 2018an 7 eta 2019an 7 ere.

2019: BATETIK, JOANA MAIZ, BESTETIK HARRIET KOMIKI GIDOILARI BERRIRO ERE

2019an argitaratutako 7 komikien artean bi oso bereziak dira:

Batetik, Yurre Ugarteren gidoiaz eta Joseviskyren marrazkiekin osatutako "Joana Maiz" komikia argitaratuaz Harrietek zuzenean euskal autore garaikide baten lana euskaraz irakurtzeko aukera eskaini zuen lehen aldiz, eta era berean gaztelerazko itzulpenarekin publiko berrietara iristeko aukera eman zien euskararen munduan ezagunak diren bi autoreei.

Bestalde Gregorio Muro "Harriet" argitaletxearen arduradunak berak komiki bat argitaratu zuen: lehenik Glenat etxearen bidez Frantzian "La honte et l'oubli" sailaren lehen liburukia argitaratu zen, eta bigarren liburukia Frantzian argitaratzearekin batera euskaraz eta gazteleraz argitaratu zuen lan osoa Harriet Ediciones-ek, "Lotsa eta ahaztea" izenburupean. 1898ko Filipinetako Iraultza eta Espainia-AEB gerra kontatzen da bertan. Album honen bidez, Gregorio Muro komiki gidoigintzara itzuli da (Xabiroi aldizkarian argitaratutako istorio motxak ere kontuan izanda), eta horretarako Alex Macho marrazkilaria eta "Garluk" Agirre koloreztatzailea izan ditu lagun.

Aipatu beharra dago Joana Maiz proiektuak Eusko Jaurlaritzaren komikiak sortzeko diru laguntzaren sari bat jaso zuela.

2019an argitaratutako gainontzeko komikiei dagokionez, Frantziar merkatuan aurretik argitaratu ziren komikiak izan ziren: Isaline sailaren bigarren alea ere argitaratu zen urte horretan, eta José Carlos Fernandes portugaldarraren bigarren komiki bat irakurri daiteke euskaraz Aral itsasoa (lehen komikia Txalapartak argitaratutako 'Munduko bandarik txarrena' da). Autore berriak ere bildu dira Harrieten zerrendara: Didier Quella Guyot eta sortzaile bikotea bat, Deville MK / Girard Christophe.

Formatu aldetik, "Joana Maiz" eta "Virginia Hill: emakume librearen egunkaria" ez ziren Harrieten ohiko album formatuan argitaratu eta eleberri grafikoak deitutakoak nagusiki argitaratu ohi diren liburu formatuan argitaratu ziren.

2020

Webgunea erabat berritu zuen Harrietek eta komiki guztiak salgai dituzte bertan

Pandemiak liburugintzaren merkatuan ere izan zuen eraginaren ondoren, 2020 iraila arte ez ziren iritsi Harrieten komiki berriak zaleen eskuetara.

Frantzian argitaratutako 3 komiki ekarri zituen euskarara Harrietek.

• Tieko marrazkilariaren "Dortokaren promesa" Stephane Piatzszek gidoilariarekin elkarlanean
• 'Joseph', 'Puisqu'il faut des hommes' saileko lehen liburukia(euskarazko bertsioan 'Gizonak behar direnez gero'), Philippe Pelaezen gidoiaz eta Victor L. Pinelen irudiekin.
• Bruno Duhamel egilearen "Kontaktuberria" komikia.

Bistan denez,komikietako batzuk jada euskaraz lanak argitaratuta dituzten frantziar autoreenak dira (Tieko, Duhamel...) eta beste komiki batzuetan autore berriak ezagutarazi ditu Harriet etxeak.

Bestalde, lehen aldiz, Harrietek komikigintza hildoarekin batera haurrentzako ilustrazio liburu pare bat ere argitaratu zituen:: 'Gaztelua? Zein gaztelu?' (Antonio Sanchez/Carmela Trujillo) eta 'Barre eginarazten duen panpina' (F.J Porquet / Anabel Juste). Hildo berean, 2021 urtean "Kaeme" eta Mikel Murok "Galerna eta Kresala: gaztetasunaren iturria" ilustraziodun ipuina argitaratu zuten.

Harriet Ediciones-ek Plataforma de Editoriales Independientes de Cómic elkartearen sorreran hartu zuen parte, espainiako estatuko 11 argitaletxek osatutakoa: Cascaborra Ediciones, Ediciones La Cúpula, Fandogamia Editorial, GP Ediciones, Grafito Editorial, Harriet Ediciones, Karras, Nuevo Nueve, The Rocketman Project, Sallybooks eta Trilita Ediciones.

2020: 'HELIZE', EUSKAL SORTZAILEEN LAN BERRIA HARRIET ARGITALETXEAN

Iñaki Martinez Hernandez 'Iñaket' marrazkilariak "Helize" proiekturako jaso zuen Eusko Jaurlaritzaren 2019 urteko komikiak sortzeko diru-laguntzetako bat,Mikel Begoña gidoilariaren ideia batean oinarrituta,  eta  azaroan Harriet Edicionesek argitaratu zuen bi euskal sortzaile hauen lana.  Facebook-eko bere orrialdean argitaratu zituen sormen prozesuaren laginak

2021: JARRAITU INURRIARI, UNAI ELORRIAGA KOMIKIGINTZAN LEHEN ALDIZ

Maiatzean argitaratu ziren 'Isaline' sailaren hirugarren liburukia eta helduentzat Aurelien Ducoudray eta Arno Moninen 'Jules jauna' eleberri grafikoa.

Irailean 'Jarraitu inurriari' albuma argitaratu zen, Unai Elorriaga idazlearen gidoiaz Alex Orbek ilustratutako komikia. 

2021ean Euskarara ekarri zuen ere Harrietek 'Abelen bidaia', Sivan eta Bruno Duhamel Frantziar Estatuko komikigileen eskutik, baita 'Dortokaren promesa' sailaren bigarren liburukia.

Frantziar merkatuan bi liburukietan agertu eta gero, azaroan euskaraz eta gazteleraz Gregorio Muro "Harriet" beraren gidoiaz Ivan Gilek ilustratutako 'Mugako Dragoiak' komikia argitaratu zen (Garluk Agirreren koloreaz).

2022: FRANTZIAR KOMIKIGINTZA

2022ko udaberrian komiki hauek argitaratu zituen Harrietek

• 'Harald eta Ignir-en altxorra' sailaren bigarren eta azken alea.
• Ekoline (Stephen Desberg + Ana Teresa Martinez)
• Aztarna faltsuak (Bruno Duhamel)

Udaran Arnaud Plumeri/Bloz bikoteren 'Dinosauroak' saileko lehen alea iritsi da liburudenda eta liburutegietara, eta irailean Frantziar merkatutik Bruno Bessadi autorearen 'L'Ogre Lion' argitaratu du Harrietek.

Azaroan Duhamel komikigilearen ‘Inoiz ez: E eguna ' sailaren album berri bat argitaratu zen.

MANGA EUSKARAZ: KABE ZIGILUA

'Kabe' 'Harriet Ediciones' euskal argitaletxearen baitan 2022 urtean manga komikiak euskaraz argitaratzeko sortutako zigilu editoriala da. Berriak jaso zituen Koro Muro Harriet argitaletxeko kidearen hitzak "Duela pare bat urte, Euskal Herrian ematen ari den anomalia kultural batez ohartu ginen: euskarazko mangarik ez dagoela".

koldo Mitxelena kulturgunean emandako prentsaurrekoan aurkeztu zuten Tomomi Usui komikigilearen ‘Cube arts’ seriearen lehen alea: ondoren argitaratu diren beste guztiak bezala, Iker Alvarezek zuzenean japoniarretik euskarara ekarritako mangak dira eta hango irakurketa zentzuan argitaratu da, eskuinetik ezkerrera irakurri behar baita.

Laburbilduz, Harriet euskal argitaletxeak KABE_Argitalpen-zigilua-ren bidez 6 manga serie ezberdin argitaratu ditu 2024ko iraila bitarte.

2023: ANKER, HIRU ETXE SANTA MONICAN, IKER ETA IXONE, FRANTZIAR KOMIKIGINTZA...

Gregorio Muro "Harriet" beraren gidoiaz, Alex Machoren ilustrazioekin eta Garluk Agirreren koloreztatze lanarekin Frantziar estatuan Feroce komikiaren lehen liburukia argitaratu zen 2021an: 2023an euskaraz ale bakarrean argitaratu da istorio osoa 'Anker' izenburupean.  'Buc en  bulles ' jaialdian 2022ko album onenaren saria jaso zuen lehen atalak.

Frantziar komikigintzari dagokionez, Dinosauroak eta Ekoline sailen bigarren liburukiak argitaratu ziren udaberrian eta udazkenean 'Dortokaren promesa' sailaren 3. eta azken alea argitaratu ditu Harrietek, baita 'Lehoi-ogroa' sailaren bigarrena.

Eta esan bezala, manga euskaraz irakurtzeko aukera berriak eskainiko dituzte Kabe zigiluaren baitan.

Irailean Getxoko komiki azokan Iñaket irudiglea eta Mikel Begoñaren 'Hiru etxe Santa Monikan' aurkeztu zen.

Azaroan HernaniKomik azokan 'Iker eta Ixone' komikiaren berrargitaralpena aurkeztu zen, Gregorio Murok egile oso gisa (hau da, gidoigile eta marrazkigile) 1978 urtetik aurrera Ipurbeltz aldizkarian argitaratu zituen "Iker eta Ixone" petsonaien abenturen bilduma. Igor Leturiak idatzi du edizio berri honen itzaurrea eta bere blogean lan honi buruzko iruzkin zabala egin zuen.

Koro Muro elkarrizketatu zuen Berriak Hernanikomik ekimenaren harira

2024: MANGA, KOMIKIGINTZA FRANKO BELGIARRA... ERA 4 LAN EUSKAL EGILEEN ESKUTIK

Otsailean KABE Argitalpen-zigilupean Girls' Last Tour Sailaren 3. Zenbakia argitaratu da eta martxoan 'Wanted: Erretratu odoltsua' franko-belgiar ildoko albuma argitaratu da.

2023ko urrian Bruno Duhamel eta Isabelle Sivan Euskal Herrian bira bat egin zuten Frantziar Institutua eta Harriet Edicionesen arteko lankidetza bati esker; 2024ko urtarrilean bikoteak komiki album berri bat argitaratu zuen, 'Deux soeurs', eta ia aldiberean argitaratu zen euskaraz, apirilean, Harriet Edicionesen eskutik.

Kabe zigilupean udaberrian bi manga serie berri argitaratu ditu Harrietek: batetik Europan argitaratu gabe dagoen Rootport gidoilariaren eta Tomomi Usui irudigilearen  'Otaku bat jainko lanetan' argitaratu du Harrietek, eta baita 'Change the world' guztira 5 alez osatutako seriea.

2024ko irailean argitaratu dira ere batetik Asier Iturralde Gonzalez de Alaiza "Gaston" irudigilearen 'Egun bat Beti Berdin Tabernan' istorioa eta bestetik Gregorio Muro "Harriet-ek 'Mugako Dragoiak' sailaren "Azote" izenburuko bigarren liburukia merkaturatu: oraingoan Pedro Camello arduratuko da irudietaz eta Dani Seijas koloreaz.

Azaroko Hernanikomik jardunaldietan aurkeztu ziren Mikel Begoña gidoilariak eta Igor Sarralde Ussia irudigileak 'Argia iraungi zen tokia' komikia sortu dute eta lehen aldiz euskaraz argitaratu da Agustín Ferrer Casas komikigilearen lan bat, 'Ihes plana'. 

Lehoi-ogroa Saila amaierara iritsiko da 3. liburukiarekin: 'Hiru Lehoiak'

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024AZAROA	Argia iraungi zen tokia	Harriet Ediciones	Mikel Begoña	Igor Sarralde Ussia	Euskaraz Jatorrizkoa		2024, gazteleraz aldiberean.
2024 AZAROA	Ihes plana	Harriet Ediciones	Agustín Ferrer Casas	Agustín Ferrer Casas	Gazteleraz Jatorrizkoa, aldiberean euskaraz	Miel Angel Elustondo Etxeberria	2024 AZAROA Gazteleraz, 'Plan de Huida' (Grafito Ed.)
2024 IRAILA	Azote --- Mugako Dragoiak Bilduma --- Azote Saila	Harriet Ediciones	Gregorio Muro Harriet	Pedro Camello KOLOREA Seijas	Gazteleraz Jatorrizkoa	Miel Angel Elustondo Etxeberria	2024 iraila aldiberean gazteleraz eta euskaraz
2024 IRAILA	Egun bat Beti Berdin Tabernan Beti Berdin Taberna Saila	Harriet Ediciones	Asier Iturralde 'Gaston'	Asier Iturralde 'Gaston'	Euskaraz eta gazteleraz aldiberean	Miel Angel Elustondo Etxeberria	2024 IRAILA Aldiberean Euskaraz eta Gazteleraz
2024 09 IRAILA	Dinosaurs Sanctuary 4 / Dinosaurs Sanctuary Saila	Harriet Ediciones KABE Argitalpen-zigilua	Itaru Kinoshita	Itaru Kinoshita	Japonieratik itzulia	Iker Alvarez	2021 Shinchosa argitaletxeko Go Go Bunch aldizkarian ディノサン Dinosan
202409 IRAILA	Girls' Last Tour 4 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
2024 09 IRAILA	Girls' Last Tour 5 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
2024 09 IRAILA	Otaku bat Jainko Lanetan 2 / Otaku bat Jainko Lanetan Saila	Harriet Ediciones KABE Argitalpen-zigilua	Rootport	Tomomi Usui	Japonieratik itzulia	Iker Alvarez	2021 Japoniarrez Shinchosha argitaletxeko Comic Bunch aldizkarian 神と呼ばれたオタク / Kami to Yobareta Otaku / An otaku called God
2024 05 MAIATZA	Otaku bat Jainko Lanetan 1 / Otaku bat Jainko Lanetan Saila	Harriet Ediciones KABE Argitalpen-zigilua	Rootport	Tomomi Usui	Japonieratik itzulia	Iker Alvarez	2021 Japoniarrez Shinchosha argitaletxeko Comic Bunch aldizkarian 神と呼ばれたオタク / Kami to Yobareta Otaku / An otaku called God
2024 05 MAIATZA	Change the World 1 / Change the World Saila	Harriet Ediciones KABE Argitalpen-zigilua	Yuya Kanzaki	Yuya Kanzaki	Japonieratik itzulia	Iker Alvarez	2018 Shinchoosa argitaletxeko Comic Bunch aldizkarian (チェンジザワールド―今日から殺人鬼―) / Change the World: Kyou kara Satsujink / Bloodthirsty killer from today
2024 04 APIRLA	Bi ahizpa	Harriet Ediciones	Isabelle Sivan	Bruno Duhamel	Frantsesetik itzulia	Miel Angel Elustondo Etxeberria	2024, 'Deux soeurs' (Bamboo / Grand Angle)
2024 02 OTSAILA	Wanted: Erretratu odoltsua	Harriet Ediciones	David Boriau	Steven Dhondt	Frantsesetik itzulia	Miel Angel Elustondo Etxeberria	2023/07 Wanted, portrait de sang (Drakoo, Bamboo Édition taldearen baitan)
2024 02 OTSAILA	Girls' Last Tour 3 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
2023 AZAROA	Iker eta Ixone 1 Iker eta Ixone Bilduma (Berralgitalpena)	Harriet Ediciones	Gregorio Muro Harriet	Gregorio Muro Harriet	Euskaraz jatorrizkoa(1978)		1978 Ipurbeltz aldizkarian atalka eta hainbat liburukitan argitaratutako 'Orrazi magikoa', 'Gaizkiñe' eta 'Zahagi urrea' istorioak (Erein)
2023 11 AZAROA	Girls' Last Tour 2 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
2023 11 AZAROA	Dinosaurs Sanctuary 3 / Dinosaurs Sanctuary Saila	Harriet Ediciones KABE Argitalpen-zigilua	Itaru Kinoshita	Itaru Kinoshita	Japonieratik itzulia	Iker Alvarez	2021 Shinchosa argitaletxeko Go Go Bunch aldizkarian ディノサン Dinosan
2023 09 IRAILA	Hiru etxe Santa Monikan	Harriet Ediciones	Mikel Begoña	Iñaket	Euskaraz Jatorrizkoa		2023, gazteleraz aldiberean
2023 09 IRAILA	Dortokaren promesa 3 Dortokaren promesa Saila	Harriet Ediciones	Stephane Piatzszek	Tieko	Frantsesetik itzulia	Miel Angel Elustondo Etxeberria	2023/03 La promesse de la Tortue 3(Bamboo Édition)
09 IRAILA	Lehoi-ogroa 2 Hiru Lehoiak Lehoi-ogroa Saila	Harriet Ediciones	Bruno Bessadi	Bruno Bessadi	Frantsesetik itzulia	Miel Angel Elustondo Etxeberria	2023 urtarrila, 'Les Trois Lions'(Drakoo, Bamboo Édition taldearen baitan)
2023 09 IRAILA	Heroines Game 3 / Heroines Game Saila	Harriet Ediciones KABE Argitalpen-zigilua	Tabasa Iori	Tabasa Iori	Japonieratik itzulia	Iker Alvarez	2017/2019 Shinchosa argitaletxeko Go Go Bunch aldizkarian (ヒロインズゲーム) Heroines Game
2023 09 IRAILA	Girls' Last Tour 1 / Girls' Last Tour Saila	Harriet Ediciones KABE Argitalpen-zigilua	Tsukumizu	Tsukumizu	Japonieratik itzulia	Iker Alvarez	2014-2018 Shinchosa argitaletxeko Go Go Bunch aldizkarian 少女終末旅行 / Shoujo Shuumatsu Ryokou
2023 09 IRAILA	Dinosaurs Sanctuary 1 / Dinosaurs Sanctuary Saila	Harriet Ediciones KABE Argitalpen-zigilua	Itaru Kinoshita	Itaru Kinoshita	Japonieratik itzulia	Iker Alvarez	2021 Shinchosa argitaletxeko Go Go Bunch aldizkarian ディノサン Dinosan
2023 05 MAIATZA	Dinosaurs Sanctuary 2 / Dinosaurs Sanctuary Saila	Harriet Ediciones KABE Argitalpen-zigilua	Itaru Kinoshita	Itaru Kinoshita	Japonieratik itzulia	Iker Alvarez	2021 Shinchosa argitaletxeko Go Go Bunch aldizkarian ディノサン Dinosan
2023 05 MAIATZA	Dinosauroak 2 Dinosauroak Saila	Harriet Ediciones	Arnaud Plumeri	Bloz	Frantsesetik itzulia	Miel Angel Elustondo Etxeberria	2011 'Les dinosaures en bande dessinée -2', Frantsesez, Bamboo Édition
2023 05 MAIATZA	Ekoline: Pariseko margolaria Ekoline Saila 2	Harriet Ediciones	Stephen Desberg	Teresa Martínez	Frantsesetik itzulia	Miel Angel Elustondo Etxeberria	2023 01 Urtarrila 'Ecoline'2, Frantsesez Bamboo Édition (Grand Angle)
2023 04 APIRILA	Cube Arts 3 / Cube Arts Saila	Harriet Ediciones KABE Argitalpen-zigilua	Tomomi Usui	Tomomi Usui	Japonieratik itzulia	Iker Alvarez	2018-2019 キューブアーツ Japoniarrez Shinchosha argitaletxeko Comic Bunch aldizkarian
2023 05 MAIATZA	Heroines Game 2 / Heroines Game Saila	Harriet Ediciones KABE Argitalpen-zigilua	Tabasa Iori	Tabasa Iori	Japonieratik itzulia	Iker Alvarez	2017/2019 Shinchosa argitaletxeko Go Go Bunch aldizkarian (ヒロインズゲーム) Heroines Game
2023 04 APIRILA	Heroines Game 1 / Heroines Game Saila	Harriet Ediciones KABE Argitalpen-zigilua	Tabasa Iori	Tabasa Iori	Japonieratik itzulia	Iker Alvarez	2017/2019 Shinchosa argitaletxeko Go Go Bunch aldizkarian (ヒロインズゲーム) Heroines Game
2023 02 OTSAILA	Anker	Harriet Ediciones	Gregorio Muro Harriet	Alex Macho KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2021 lehen liburukia frantsesez 'Taïga de sang' (Glenat), 2023 urtean integralak euskaraz eta gazteleraz
2023 02 OTSAILA	Cube Arts 2 / Cube Arts Saila	Harriet Ediciones KABE Argitalpen-zigilua	Tomomi Usui	Tomomi Usui	Japonieratik itzulia	Iker Alvarez	2018-2019 キューブアーツ Japoniarrez Shinchosha argitaletxeko Comic Bunch aldizkarian
2022 11 AZAROA	Cube Arts 1 / Cube Arts Saila	Harriet Ediciones KABE Argitalpen-zigilua	Tomomi Usui	Tomomi Usui	Japonieratik itzulia	Iker Alvarez	2018-2019 キューブアーツ Japoniarrez Shinchosha argitaletxeko Comic Bunch aldizkarian
2022 11 AZAROA	Inoiz ez: E Eguna / Inoiz ez Saila 2	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2022 09 iraila, 'Jamais: Le Jour J', Frantsesez (Grand Angle)
2022 09 IRAILA	Lehoi-ogroa 1 Lehoi barbaroa Lehoi-ogroa Saila	Harriet Ediciones	Bruno Bessadi	Bruno Bessadi	Frantsesetik itzulia	Miel Angel Elustondo Etxeberria	2022 urtarrila, 'Le lion barbare'(Drakoo, Bamboo Édition taldearen baitan)
2022 07 UZTAILA	Dinosauroak 1 Dinosauroak Saila	Harriet Ediciones	Arnaud Plumeri	Bloz	Frantsesetik itzulia	Miel Angel Elustondo Etxeberria	2010 'Les dinosaures en bande dessinée', Frantsesez, Bamboo Édition
2022 04 APIRILA	Ekoline Ekoline Saila	Harriet Ediciones	Stephen Desberg	Teresa Martínez	Frantsesetik itzulia	Miel Angel Elustondo Etxeberria	2021 06 Ekaina 'Ecoline', Frantsesez, Bamboo Édition (Grand Angle)
2022 04 APIRILA	Aztarna faltsuak	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2021 06 Ekaina 'Fausses pistes', Frantsesez (Grand Angle)
2022 04 APIRILA	Harald eta Ignir-en altxorra 2	Harriet Ediciones	Matthieu Brivet	Antoine Brivet	Jatorrizkoa frantsesez	Miel Angel Elustondo Etxeberria	2020 01 frantsesez (Bamboo Editions)
202111 AZAROA	Mugako Dragoiak	Harriet Ediciones	Gregorio Muro Harriet	Iván Gil KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2021eko maiatza (Les Dragons de la frontière-La piste de Santa Fe, Glenat) eta 2021ko azaroan 2. liburukia frantsesez (Les Dragons de la frontière-Cuerno Verde, Glenat)
2021 11 AZAROA	Dortokaren promesa 2 Dortokaren promesa Saila	Harriet Ediciones	Stephane Piatzszek	Tieko	Frantsesetik itzulia	Miel Angel Elustondo Etxeberria	2021/06 La promesse de la Tortue 2(Bamboo Édition)
2021 09 IRAILA	Abelen bidaia	Harriet Ediciones	Isabelle Sivan	Bruno Duhamel	Frantsesetik itzulia	Miel Angel Elustondo Etxeberria	2014, 'Le Voyage d’Abel' (Les Amaranthes) /2020 (Grand Angle)
2021 09 IRAILA	Jarraitu inurriari	Harriet Ediciones	Unai Elorriaga	Alex Orbe	Edizio bana euskaraz eta gazteleraz		2021, aldiberean euskaraz eta gazteleraz
2021 05 MAIATZA	Isaline 3: txakurrezko sorginkeria	Harriet Ediciones	Maxe L'Hermenier	Yllya	Frantsesetik itzulia	Miel Angel Elustondo Etxeberria	2017, Isaline: Sorcellerie magichienne, Frantsesez (Bamboo)
2021 05 MAIATZA	Jules jauna	Harriet Ediciones	Aurelien Ducoudray	Arno Monin	Frantsesetik itzulia	Miel Angel Elustondo Etxeberria	2019, 'Monsieur Jules', Frantsesez (Bamboo/Grand Angle)
2020 11 AZAROA	Helize	Harriet Ediciones	Mikel Begoña	Iñaket	Euskaraz Jatorrizkoa		2020, gazteleraz aldiberean Hélice
2020 10 URRIA	Kontaktuberria	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2019 08 abuztua #Nouveaucontact, Frantsesez (Grand Angle)
2020 09 IRAILA Dortokaren promesa Saila	Dortokaren promesa 1	Harriet Ediciones	Stephane Piatzszek	Tieko	Frantsesetik itzulia	Miel Angel Elustondo Etxeberria	2020/06, La promesse de la Tortue (Bamboo Édition)
2020 09 IRAILA	Gizonak behar direnez gero1.Joseph	Harriet Ediciones	Philippe Pelaez	Victor L. Pinel	Frantsesetik itzulia	Miel Angel Elustondo Etxeberria	2020/06, Puisqu'il faut des hommes (Bamboo Édition)
2019 10 URRIA	Joana Maiz	Harriet Ediciones	Yurre Ugarte	Joseba Larratxe Josevisky	Euskaraz Jatorrizkoa		2019
201910 URRIA	Lotsa eta ahaztea	Harriet Ediciones	Gregorio Muro Harriet	Alex Macho KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2019 05 MAIATZA La Honte et l'oubli, Frantsesez (Glenat)
2019 10 URRIA	Virginia Hill:emakume librearen egunkaria	Harriet Ediciones	MkDeville	Christophe Girard	Jatorrizkoa frantsesez	Miel Angel Elustondo Etxeberria	2018 Jatorrizkoa frantsesez Virginia Hill journal d´une affranchie (Les Enfants Rouges)
2019 10 URRIA	Oroiminaren uhartea	Harriet Ediciones	Didier Quella-Guyot	Sébastien Morice	Frantsesetik itzulia	Miel Angel Elustondo Etxeberria	2017ko urrian frantsesez L'île aux remords (Bamboo editions)
2019 10 URRIA	Isaline 2 Sorginkeri izoztua	Harriet Ediciones	Maxe L'Hermenier	Yllya	Frantsesetik itzulia	Miel Angel Elustondo Etxeberria	2016, Isaline: Sorcellerie givrée, Frantsesez (Bamboo)
2019 05 MAIATZA	Harald eta Ignir-en altxorra	Harriet Ediciones	Matthieu Brivet	Antoine Brivet	Jatorrizkoa frantsesez	Miel Angel Elustondo Etxeberria	2019 01 frantsesez (Bamboo Editions)
2019 05 MAIATZA	Aral itsasoa	Harriet Ediciones	José Carlos Fernandes	Roberto Gomes	Jatorrizkoa Ingelesez	Miel Angel Elustondo Etxeberria	2011ean ingelesez (Blackboxsyndicate), 2019ko maiatzean aldiberean frantsesez (Editions Du Long Bec) eta euskaraz zein gazteleraz Harriet Ediciones-ek
2018 12 ABENDUA	Mintxo	Harriet Ediciones	Miguel Berzosa	Miguel Berzosa	Euskaraz		2018-12 Berrargitalpena. Ereinek 1978an ere argitaratu zuen Mintxoren bilduma bat.
2018 12 ABENDUA	Elefantearen tristura	Harriet Ediciones	Nicolas Antona	Nina Jacqmin	Jatorrizkoa frantsesez	Miel Angel Elustondo Etxeberria	2016/01 La tristesse de l'éléphanth (Editorial Les Enfants Rouges)
201810 URRIA	Mutuaren hitza	Harriet Ediciones	Laurent Galandon	Fréderic Blier	Frantsesetik itzulia	Miel Angel Elustondo Etxeberria	2016/04 La Parole du muet (Bamboo) 1. Le géant et l'effeuilleuse 2017/04 2. La bergère et le malfrat Frantsesez
201810 URRIA	Hasiera berri bat	Harriet Ediciones	Gwénola Morizur	Marie Duvoisin	Frantsesetik itzulia	Miel Angel Elustondo Etxeberria	2018/02 Nos embellies (Bamboo)
201810 URRIA	Tomoë:	Harriet Ediciones	Jack Manini	Tieko	Frantsesetik itzulia	Miel Angel Elustondo Etxeberria	2017/03 Tomoë (Bamboo Édition) 1. Déesse de l'eau 2018/04 2. Le miroir divin
2018 05 MAIATZA	Isaline: sukaldaritzako sorginkeria	Harriet Ediciones	Maxe L'Hermenier	Yllya	Frantsesetik itzulia	Miel Angel Elustondo Etxeberria	2015, Isaline: Sorcellerie culinaire, Frantsesez (Bamboo)
2018 05 MAIATZA	Inoiz ez	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2018 01 urtarrila, Jamais, Frantsesez (Banboo)
2017 12 ABENDUA	Itzulera	Harriet Ediciones	Bruno Duhamel	Bruno Duhamel	Frantsesetik itzulia	Miel Angel Elustondo Etxeberria	2017 02 OTSAILA, Le retour, Frantsesez (Banboo)
2017 10 URRIA	Sorgin Seinalea (Edizio Osoa) (Berralgitalpena)	HARRIET EDICIONES	Gregorio Muro "Harriet"	Daniel Redondo	Euskaraz jatorrizkoa(1985)	Miel Angel Elustondo Etxeberria(Edizio honetarako)	1985 Sorgin Seinalea(Habeko Mik)
2017 09 IRAILA	Neska hura hegan hasi zen eguna	Harriet Ediciones	BEKA	Marko	Frantsesetik itzulia	Miel Angel Elustondo Etxeberria	2017 08 ABUZTUA Le jour où elle a pris son envol, Frantsesez (Bamboo Editions)
2017 08 ABUZTUA	Zulo bat oroimenean	Harriet Ediciones	Roger Seiter	Pascal Regnauld	Frantsesetik itzulia	?	2015 1. Gila Monster 2015 2016 2. Combien de temps un homme peut-il survivre sans respirer ? Trou de Mémoire Saila Éditions du Long Bec
2017 05 MAIATZA	Wounded	Harriet Ediciones	Damien Marie	Loïc Malnati	Frantsesetik itzulia	Joanes Urkixo Beitia	2010-2011: Wounded Saila, Frantsesez (Bamboo Editions) 1.L'ombre du photographe (2010) 2.Les Limbes de Jack (2011)
2017 05 MAIATZA	Inozoen errua	Harriet Ediciones	Laurent Galandon	Anlor	Frantsesetik itzulia	Joanes Urkixo Beitia	2011-2013: Les innocents coupables Saila, Frantsesez (Bamboo Editions) 1.La Fuite(2011) 2.La Trahison (2012) 3.La Liberté (2013) Frantsesez(Bamboo Édition)
2017 03 MARTXOA	Hegoak Astinduz	Harriet Ediciones	Laurent Galandon	Arno Monin	Frantsesetik itzulia	Joanes Urkixo Beitia	(2006) L'Envolée sauvage Saila (Bamboo) 1. La Dame Blanche(2006) 2.Les Autours des palombes, (2007) Oraindik euskaratu gabe 3. Le Lapin d'Alice (2012) 4. La Boîte aux souvenirs (2013)
2017 01 URTARRILA	Autobusa berriro bera gabe abiatu zen egunekoa	Harriet Ediciones	BEKA	Marko	Frantsesetik itzulia	Joanes Urkixo Beitia	2016 08 ABUZTUA Frantsesez Le jour où le bus est repartit sans elle (Bamboo)
2016 09 IRAILA	SOS Lusitania	Harriet Ediciones	Patrice Ordas/Patrick Cothias	Jack Manini	Frantsesetik itzulia	Joanes Urkixo Beitia	2013 Lehen zatia (Bamboo) 2014 Bigarren zatia (Bamboo) 2015 Hirugarren zatia (Bamboo) 2016 Osoa Gazteleraz (Harriet Ediciones)
2016 09 IRAILA	Jon eta Mirka (Edizio Osoa) (Berralgitalpena)	HARRIET EDICIONES	Gregorio Muro "Harriet"	Daniel Redondo	Euskaraz jatorrizkoa(1983)	Arkaitz Almortza Muro (Edizio honetarako)	1983 Espedizio galdua(Erein) 1990 Bihotz hormatuak (Habeko Mik)
2016 05 MAIATZA	Txinara bidaia	Harriet Ediciones	BEKA	Marko	Frantsesetik itzulia	Arkaitz Almortza Muro / Juan Mari Zurutuza	2013 Frantsesez(Bamboo) 2014 Gazteleraz (Harriet Ediciones)
2016 05 MAIATZA	Indiara bidaia	Harriet Ediciones	BEKA	Marko	Frantsesetik itzulia	Arkaitz Almortza Muro / Juan Mari Zurutuza	2013 Frantsesez(Bamboo) 2014 Gazteleraz (Harriet Ediciones)

GUZTIRA
EUSKARAZ ARGITARATUTAKO 43 KOMIKI

HARRIET EDICIONES-EKIN HARREMANA DUTEN BESTE LANAK

Harriet Ediciones-en lehendabiziko argitalpena Justin Hiriart komikiaren gaztelaniazko Edizio Osoa izan zen: Gregorio Muro “Harriet” argitaletxeko arduradunak sortu zuen pertsonai hori 80. hamarkadan. 2015 urtean Euskaraz bilduma argitaratzeko ardura Ereinek hartu zuen eta gazteleraz Harriet Ediciones-ek.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2015 10 URRIA	Justin Hiriart (Edizio Osoa) (Berralgitalpena)	Erein	Gregorio Muro "Harriet"	Francisco Fructuoso Esparza	Euskaraz Jatorrizkoa	Arkaitz Almortza Muro	1983 Itsas gorritan (Erein) 1989 Izotzetako tranpa(Erein) 1989 Sekretua (Erein) - Brulota (Ipurbeltz aldizkarian alez alez) - Satanen itsasontzia (Ipurbeltz aldizkarian alez alez) Ttarttalo argitaletxeak gazteleraz argitarau zituen 1987 Frantsesez Le brûlot (Glenat) 1987 Le navire de Satan (Glenat)

ARGITALETXEAREN WEB GUNEA ETA SARE SOZIALAK

www.harrietediciones.es

Facebook Harriet Ediciones