Unai Iturriaga

UNAI ITURRIAGA ZUGAZA-ARTAZA

Unai Iturriaga Zugaza-Artaza Durangon jaio zen 1974ean. Arte Ederrak ikasi zituen.

Bertsolaritzan oso gazte hasi zen eta badirau, baina arlo ezberdinetan aritu izan da: Islada eta Berandu da gelditzeko liburuak idatzi zituen, 7 Eskale eta Gu ta gutarrak musika taldeetako kide, zinema gidoilari Olentzero eta subilaren lapurreta, Munduaren bira doan eta Eutsi! filmetan, eta 2017an Francoren bilobari gutuna antzezlanaren gidoia Igor Elortzarekin batera idazteagatik Donostia Antzerki Saria irabazi zuen.

Komikigintzan Iturriagaren gidoiaz eta Alex Sanviren marrazkiekin bi lan argitaratu dira, Udaberrik ankerrena (2011) eta Haur Besoetakoa, 2007 urtean Xabiroi aldizkarian argitaratzen hasi zen saila eta 2014 urtean Litxarrerien Jauna albumean osorik argitaratu zena.

Apurka apurka komiki marrazkilari bezela urratsak ematen hasi zen, eta 2013 urteko Bertsolari Txapelketa Nagusiko kanporaketei buruzko komikimotxak egin zituen.

2015 urtean Alfonso Zapiko asturiarraren marrazkiekin Diamanteak Urrea eta Ikatza komikia argitaratu zuen Athletic Club Fundazioaren eskutik.

2016 urtean Altza Porru komiki lan kolektiboan hartu zuen parte.

H28 Aldizkarian Zugaz/art izenpean komikiak argitaratzeari ekin zion, tartean Piko ta Payo eta Dizerdio/Goroldio bikoteen istorioak.

Jakin eta Gaur8 aldizkarietan ere argitaratu ditu komikiak, azken honetan Amaia Ballesteros, Exprai eta Axpirekin Irritzia atala partekatuaz.

Beste lanen artean, 2017an Jon Maiaren Berriak jaio ginen libururako ilustrazioak eta umore grafikoko marrazkiak.

Euskaraz argitaratutako komikiak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2015 10 URRIA	Diamanteak Urrea eta Ikatza	Athletic Club Fundazioa	Unai Iturriaga	Alfonso Zapico	Euskaraz Jatorrizkoa		2015
2014 10 URRIA	Haur besoetakoa: Litxarrerien jauna	Ikastolen Elkartea/Xabiroi	Unai Iturriaga	Alex San Vicente Sanvi	Euskaraz Jatorrizkoa		2007ko azaroan hasi ziren Haur Besoetakoa pertsonaiaren komikiak Xabiroi aldizkarian. Albumean istorio horien artean aukeratutako batzuk biltzen ditu, baina azken orrialdea espreski albumerako sortua izan zen
2011	Udaberririk ankerrena	Elkar (Durango 1936 Kultur Elkartearen ekimenez)	Unai Iturriaga	Alex San Vicente Sanvi	Euskaraz jatorrizkoa		2011
GUZTIRA : 3 KOMIKI

Beste komkigileekin partekatutako komikiak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
04 APIRILA	Altza porru	Komunikazio Biziagoa / Argia	Obrarena Jakoba Errekondo Komiki bakoitzarena: Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa	Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa	Euskaraz jatorrizkoa		2016 04 APIRILA

http://www.naiz.eus/eu/hemeroteca/gaur8/sections/irritzia