Julen Ribas

Julen Ribas 1981 urtean Arrasaten jaiotako margolari, ilustratzaile eta komikigilea da.

Txikitatik marraztea maite bazuen ere, lehenik ikasketa zientifiko- teknikoak egin zituen, baina hauek alde batera lagata 1999an Arte Grafikoak ikasi zituen Bartzelonan.

Haur-liburugintzan, 2007 urtearen inguruan ETB Liburuak argitaletxerako Basajaun pertsonaiean oinarritutako sailarentzat ilustrazioak egin zituen (Basajaun eta zikoina txikia, Basajaun trikuak salbatzen, Basajaun: auzoko zaratasuak, Basajaunen oporrak, Zer gertatu da urarekin?…),

Irudigintzaz aparte, #Rockomikiak binomioaren beste adierazle bat dugu Julen Ribas, Ozen taldeko abeslari izan baitzen.

komikigintzan, 2005ean Sauré argitaletxearen bidez kaleratu zuen bere lehen albuma, Unai Busturiaren gidoiaz sortutako Numenak sailaren trilogiaren barne.

Xabiroi aldizkarirako 2008ko Maiatzean gidolari berri batekin sortu zituen komikiak, Iban Zaldua idazlearekin. Zaldua komikizale deklaratua da, baina Julen Ribasekin ekin zion lehen aldiz komikirako gidoigintzari eta elkarlanaren emaitza Azken garaipena'komikia izan zen. Bi sortzaileek elkarri egindako ekarpenak ezagutzeko ikus Azken Garaipena

Margogintzan, 2014ko urriana Arrasaten akuerala lanetan oinarritutako erakusketa bat egin zuen Nahikari tabernan. Nabarmen geratu zen tamaina txiki eta ertaineko formatuan lan egiteko gaitaduna eta argi ilunen artelo kontrasteak lortzeko gaitasuna.

2016ean Fantasiazko eta beldurrezko Zinemaren Asteak Iñaki Holgado komikigunearen bidez Euskadi Fantastikoa ekimenean parte hartzeko eskatu zion, eta azken 6 urtetako marrazki eta zirriborroekin (argitaratutako lanekin zein proiektuekin)erakusketa egin zen Donostiako Udal Liburutegian azaroan zehar.

2016ean ere Xabiroirako komiki sail berria hasi zuen, "Santa Familia" Eider Rodriguezen gidoiaz. Aurreikuspenen arabera, 2017ko urrian album bezala argitaratuko da.