Garluk Agirre

Ekaitz 'Garluk' Agirre Donostian 1979 urtean jaiotako irudigile, kolorista eta komikigilea da.

Bilboko Arte Ederretako Fakultatean egin zituen ikasketak, pintura espezialitatean, eta 2004. urtera arte Parisko Ëcole supérieure des arts et industries-en egon zen ikasten.

Creabulles atariari eskainitako elkarrizketan adierazi zuen haur garaitik izan dela komikizalea: Astérix et Obélix, Conan,Marvel-eko Venom... Lucky Luke izan omen zen bere komiki maitatuena eta "Gabai" sailaren kalitateak txunditu zuen; urte batzuk beranduago jabetu zen Juan Luis Landa, Stesó... eta beste egile interesgarriak zeudela txikitako irakurketa horien sortzaile taldean.

Bere lan ibilbidean publizitate, ilustrazio eta pintura-lanak uztartu ditu, eta 2019an komikigintzan murgildu arte ikus-entzunezkoen arloan aritu da: Zuzendari artistikoa izan da (Don Miguel), atzealdeak egin ditu (Black is Beltza), "matte painter" lanak (La Gran Carrera) eta storyboard-ak a (A escondidas)

Gregorio Muro  'Harriet' komiki editore eta gidoilariarekin harremanetan egon zen "Tempo inverso" laburmetraiaren sortze prozesuan, eta Murok komikiak koloreztatzeko proposamena luzatu zion Agirreri; froga bat egin zuen Glénat etxerako eta 2019an "La Honte et l’Oubli" izan zen bere lehen koloreztatze lana (irudiak, Alex Macho) eta jarraian  'Ah, ça ira!' komikirako egin zuen lan (irudiak, Julen Ribas, Delcourt argitaletxea)

2021 urtean 'Harriet'n gidoiekin berriz ere 'Les Dragons de la Frontière' (irudiak, Iván Gil) eta'Féroce' (irudiak, Macho) komikiak koloreztatu ditu.

Frantziar merkatuan argitaratu dira lan hauek lehenik eta Harriet Edicionesek ekarri ditu euskarara.

Harrietekin lankidetzan aritzen zen bitartean,  2019an hasi zen 'Sasi artean Elgeta' komikia argitaratzen Xabiroi aldizkariaren 52. zenbakian: Trikitixa Elkartea eta Ikastolen Elkartearen arteko lankidetzari esker Koldo Izagirreren gidoiaz, Dani Fanoren marrazkiekin eta Garluk Agirreren kolorearekin: 2021eko ekaineko 60. zenbakian argitaratu zen azken atala, albuma urte bereko urrian aurkeztu zen eta Getxoko Komiki Azokan albumak sinatzen egon ziren autoreak.

albumaren aurkezpeneanDani Fanok komikia taldean sortzearen garrantzia esaldi batean laburtu zuen: batek egiten duena hartuta, hura gorago eramaten ahalegintzen da hurrengoa. “Koldok idatzitakoa pixka bat gorago eramaten ahalegindu naiz”. Garluken lana ere goraipatu du Fanok: [[“Lehen aldia zen kolorista batekin lan egiten nuela, eta kolorista on batekin lan egitea egokitu zait; berari esker ikasi dut ez dela marrazkia koloreztatu behar, baizik eta istorioa, eta narrazioari eta giroari lagundu behar diela: emaitza begi bistakoa da”]]

Koloreztatzeaz gain marrazkilari gisara ere egiten du lan: Petit à Petit argitaletxeak frantziar estatuko hainbat hiriri buruzko komikiak argitaratu ditu hainbat marrazkilarik elkarlanean egindako albumetan: 2021 urtean 'Bayonne: Du castrum à Vauban' komikian parte hartu zuen, Jean-Claude Bartoll gidoilariaren eskutik, eta beste hiri batzuei buruzko proiektuetan aritu da.

2022ko abenduko Xabiroi aldizkariaren 66. zenbakian Garbiñe Ubedaren gidoiaz eta Garluk-en irudiekin komiki sail berri bati haisera eeman zioten: 'Maurizia. Biziminaren hotsa' , Maurizia Aldeiturriaga panderojolearen bizitzari buruzko lana. Aldizkaria 3 hilabetean behin argitaratzen denez, azken atala 2025 urttean argitaratuko da.

Gregorio Muro "Harriet"-en gidoiaz, Alex Machoren ilustrazioekin eta Garluk Agirreren koloreztatze lanarekin Frantziar estatuan Feroce komikiaren lehen liburukia argitaratu zen 2022an: 2023an euskaraz ale bakarrean argitaratu da istorio osoa 'Anker' izenburupean.  'Buc en  bulles ' jaialdian 2022ko album onenaren saria jaso zuen lehen atalak.

KOLORISTA GISARA EGINDAKO EUSKARAZKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2023 02 OTSAILA	Anker	Harriet Ediciones	Gregorio Muro Harriet	Alex Macho KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2021 lehen liburukia frantsesez 'Taïga de sang' (Glenat), 2023 urtean integralak euskaraz eta gazteleraz
202111 AZAROA	Mugako Dragoiak	Harriet Ediciones	Gregorio Muro Harriet	Iván Gil KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2021eko maiatza (Les Dragons de la frontière-La piste de Santa Fe, Glenat) eta 2021ko azaroan 2. liburukia frantsesez (Les Dragons de la frontière-Cuerno Verde, Glenat)
2021 09 IRAILA	Sasi artean Elgeta	Ikastolen Elkartea/Xabiroi	Koldo Izagirre	Dani Fano KOLOREA Garluk Agirre	Euskaraz Jatorrizkoa		2019ko Xabiroi aldizkariaren 52. zenbakian 'Sasi artean Elgeta' komikia argitaratzen hasi zen atalka eta 2021eko ekaineko 60. zenbakian argitaratu zen azken atala)
201910 URRIA	Lotsa eta ahaztea	Harriet Ediciones	Gregorio Muro Harriet	Alex Macho KOLOREA Garluk Agirre	Gazteleraz Jatorrizkoa	Miel Angel Elustondo Etxeberria	2019 05 MAIATZA La Honte et l'oubli, Frantsesez (Glenat)