Miguel Gallardo

Miguel Ángel Gallardo Paredes (Lleida, Katalunia, 1955eko abenduaren 27a - Bartzelona, Katalunia, 2022ko otsailaren 21a) katalan marrazkilaria izan zen.

Arte Ederretako ikasketak egin nahi izan zituen baina ez zuten onartu eta Massanna Arte eta Lanbide Eskolan egin zituen ikasketak. Lur Hiztegi entziklopedikoan jaso zenaren arabera "1977. urtean hasi zen marrazkilari profesional gisa lanean."

Bere lehendabiziko lanpostua Andreu marrazki bizidunen estudioan eskuratu zuen, eta bertan ezagutu zuen Juanito Mediavilla; komikigintzan elkarrekin jarduteko asmoekin utzi zuten estudioa eta Star aldizkarian argitartu zituuen lehen lanak.

1977 urtean Felipe Borrallok "Revuelta en el frenopático" testua idatzi zuen 'La claraboya" fanzinean, eta Gallardo/Mediavilla bikoteak komikiratu zuten eta Disco Expres aldizkarian argitaratu zuten. Mediavilla gidoigintzan eta Gallardo irudiekin, lehen istorioetako pertsonaiak aldizkirari anitzetan argitaratu ziren.

Eragin handia izan zuten komikiek giro alternatiboan, eta Iñigo eta Fermin Muguruza anaiek idatzitako Kortaturen kanten letretan komikizaletasunaren eragina nabaria da. Kortaturen lehen diskatik komikietako pertsonaiak eta hitzak erabili zituzten kanten letrak egiteko, eta batez ere 'El vivora' eta 'Makoki' aldizkaritik hartu zituzten lehen erreferentzia hauek.

Batetik aipatu bezala Felipe Borrallo//Gallardo/Mediavilla egindako lana eta bestetik 1983tik Montesol marrazkilariak asmatutako 'Don Vito' pertsonaia inspirazio iturri hartuta, Kortatuk 1985 urteko diskan plazaratu zuen 'Don Vito y la revuelta en el frenopático' kanta. Pamiela argitaletxe nafarrak 1985ean argitaratu zuen ere Montesolen 'Don Vito' albuma.

2022 urtean zendu zen Miguel Gallardo, eta Fermin Muguruzak aitortza egin zion sare sozialetan : "Agur estimat Miguel, gran inspiració amb Makoki, enorme inspiració amb Maria, el teu suport a @Black_Is_Beltza va ser molt important, i el teu afecte a la teva companya Karin, treballadora també a la segona part AINHOA, imprescindible.

Fins sempre."

Esan bezala, 80. hamarkadan Gallardo aldizkari askotan kolaboratzen hasi zen (Pepito Magefesa saila Mediavilla gabe, 'OTAN sí, OTAN no' albuma, 'Los sueños del Niñato', 'Perro Nick' saila... 1982tik 1985era Makoki pertsonaiak lorturiko arrakastari esker aldizkari bat sortu zen bere izenarekin. 1989an aldizkaria berpiztu zen eta bertan Azagra, Vazquez, Mauro Entrialgo... eta beste autore ugarik hartu zuten parte.

komikigintza satirikoa utzi gabe formatu anitzetan lan egin zuen: 1995 urtetik auerra kutsu biografikoko lan batzuk egin zituen, adibidez bere aita errepublikazaleari buruzko 'Un largo silencio' komikia ('Nosotros somos los muertos' fanzinean lehenik eta bilduman 1997 urtean, De Ponent).

'María y yo' sortu zuen 2007 urtean bere alaba autistarekin partekatutako harreman eta bizipenetan oinarituta. Komikian kontatzen den istorioan oinarriturik, 'María y yo' dokumentala zuzendu zuen Félix Fernández de Castrok, eta 2010ean estreinatu zen zinemetan.

2014 urtetik aurrera Astiberri argitaletxea euskaraz komikiak merkaturatzen hasi zen eta 2014 urtean Miguel Gallardoren 'Maria eta biok' iritzi zen zaleen eskuetara

2015eana ldiberean gazteleraz eta euskaraz 'Mariak 20 urte ditu' argitaratu zuen.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2014	Maria eta biok	Astiberri	Miguel Gallardo / Maria Gallardo	Miguel Gallardo	Gazteleratik itzulia	Bego Montorio Uribarren	2007
2015	Mariak 20 urte ditu	Astiberri	Miguel Gallardo / Maria Gallardo	Miguel Gallardo	Gazteleratik itzulia	Bego Montorio Uribarren	2015 (Astiberri)