Álvaro Ortiz

Álvaro Ortiz Alvero 1983 urtean Zaragozan jaiotako komikigilea da. Komikigintzan ibilbide oparoa izan du; euskaraz 2022 urtean Astiberrik 'Iratxo txikia eta shatranj partida' bere komikia argitaratu zuen Txikiberri sailean.

Diseinu Grafikoa ikasi zuen Escuela Superior de Diseño de Aragón ikastetxean eta ilustrazioa Bartzelonako Escola Massana-n.

Autoedizioan aritu zen, 'Tapa roja' y 'Lanza en astillero' album kolektiboetan argitaratu zituen lanak, 'Dos veces breve' fantzinean... eta beste sariketen artean 2003ko Injuve lehiaketa irabazi zuen.

2004 urtean 'Julia y el verano muerto' argitaratu zuen (aurretik istorio labur moduan) eta 2009an 'Julia y la voz de la ballena' (Edicions de Ponent.)

'Fjorden' komikia autoeditatu  eta gero Bilboko AlhóndigaKomik beka  irabazi zuen Angoulêmeko Maison des Auteurs-en egonaldia egiteko: Cenizas komikia sortu zuen bertan (Astiberri, 2012)

Zenbait lan kolektiboetan komikiak argitaratu eta gero 2014an Murderabilia argitaratu zuen (Astiberri) eta Erroman beste egonaldi bat egin eta gero 2015an ' Rituales'; aipatutako lan hauetako asko Frantziar Estatuan ere argitaratu zituen.

2016ean Bartzelonako Salo del Comic Jaialdian autore onenen sarirako izendatuen artean izan zen.

Argitaratu dituen azken lanak hauek izan dira:

• Dos holandeses en Nápoles (Astiberri, 2016)
• Viajes (Astiberri, 2016)
• El murciélago sale a por birras (¡Caramba!, 2020)
• PDRO y MAILI (¡Caramba!, 2021)

2022 urtean Astiberrik 'La pequeña genia y la partida de shatranj' bere komikia argitaratu zuen Txikiberri sailean, euskarazko bertsioa ere izan zuena. Haurrentzako espreski sortutako Álvaro Ortiz-en lehen lana da: Valentziako Komiki Azokan haurrentzako komiki onenari Antifaz 2023 saria eman zioten eta Babelia gehigarriak 2022 urteko komiki onenen zerrendan sartu zuen.

Cenizas komikia argitaratu zeneko 10. urteurrenean, Astiberrik album honen edizio zabaldua merkaturatu zuen: 32 orrialde gehigarri ditu eta bertan zirriborroak, storyboard-ak, pertsonaien estudioak eta egilearen iruzkinak jasotzen dira; edizio estatubatuarra izan zuen 'Cenizas' lanak eta 2023 urtean Harvey sarietarako izendatuen artean egin zen, nazioarteko lanik onenaren kategorian.

Iratxo txikiaren istorioek jarraipena izango dute eta 2024ko apirilean argitaratu da 'Iratxo txikia eta ibarreko munstroa' komikia.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 MAIATZA	Iratxo txikia eta shatranj partida	Astiberri Txikiberri Argitalpen-zigilua	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2022 'La pequeña genia y la partida de shatranj'(Astiberri)
2024 APIRILA	Iratxo txikia eta ibarreko munstroa	Astiberri Txikiberri Argitalpen-zigilua	Álvaro Ortiz	Álvaro Ortiz	Jatorrizkoa gazteleraz	Bego Montorio Uribarren	2024 'La pequeña genia y el monstruo del valle'(Astiberri)