Alex Macho

Alex Macho Bilbon 1974 urtean jaiotako marrazkilaria da

Donostiako Komiki Azokaren webgunean jasotzen denez, "Arte Ederrak ikasi zituen. Dibulitoon eta Lotura Films-entzat animazio, layout eta story board-eko marrazkilari gisa lan egin du. Concept Art-eko lanak egin ditu, baita zinema lan batzuk ere Nacho Vigalondo-rentzat."

2005 urtean Xirika gazteentzako kazetak Komiki eta gidoi lehiaketa bana antolatu zituen, eta 2006ean argitaratu zuen , "Kakarraldo konspirazioa" albuma, lehiaketako 3 komiki laburrekin eta "Kakarraldo konspirazioa" komiki luzearekin: azken honen egileak Joana Etxebarria, Aitor Balda, Alex Macho eta Andeka Ríos izan ziren, eta azken biek egin zituzten irudiak.

2008tik aurrera Alex Machok Urtxintxa Eskolarako material didaktikoa ilustratu zuen ere; orain arteko azken ilustrazio lanak 2018an Jasone Osororen "Jara" saileko liburuetarako egin ditu.

Komikigintzarekin jarraituz, 2010ean argitaratu zen "Irungo Alardea" komikia, Joanes Urkixoren gidoiaz eta Machoren irudiz.

2016ean Gregorio Muro "Harriet"-ekin "Errezelen atzetik" 7 orriko istorioa egin zuen Xabiroi aldizkariko 42. zenbakian argitaratzeko: ikusentzunezkoen arloko lagun batek aurkeztu omen zituen bi autoreak, eta Angoulemeko komiki azokara zenbait proiektu eraman zituzten argitaletxeei aurkezteko.

Horrela kontatzen du Harriet-ek Mikel Lizarraldek Berrian egin zion elkarrizketan:

"Gaur egun marrazkilari oso onak daude Euskal Herrian, eta haietako batzuekin hasi naiz lanean. Azkenean Alex Machorekin landuko dudan proiektu bat onartu dute Frantzian, eta dagoeneko lanean ari gara. Ekaitz Agirre arduratuko da koloreaz. Lotsa eta oroimina deituko da, eta Filipinetan dago kokatua, AEBen eta Espainiaren arteko gerra garaian. Beste proiektu batzuk ere baditugu esku artean..."

Bide hori elkarrekin jorratzen hasi ondoren, Glenat etxerako “La honte et l’oubli” komikia sortu zuten; proiektuaren lehen albuma frantzian argitaratu da jada: bigarren albuma 2019ko irailerako dago aurreikusita, eta https://eibar.org/blogak/e-gorblog Igor Leturiak bere blogean jakinarazi zuen garai berean Harriet etxeari esker euskaraz zein gaztelaniaz liburuki banatan irakurtzeko aukera izango zela.

Azkenean euskaraz  "Lotsa eta ahaztea" izenburua izango du eta 2019ko Getxoko Komiki Azokan aurkeztuko da.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2019 10 URRIA	Lotsa eta ahaztea	Harriet Ediciones	Gregorio Muro Harriet	Alex Macho	Gazteleraz Jatorrizkoa	Miel Angel Elustondo	2015 05 MAIATZA La Honte et l'oubli, Frantsesez (Glenat)
2010 06 EKAINA	Lotsa eta ahaztea	San Martzial Alardea Irunen	San Martzial Alardeko Batzordea	Joanes Urkixo Beitia	Alex Macho	Edizio Elebiduna		2010 06 EKAINA
2016	Kakarraldo konspirazioa	Xirika	Joana Etxebarria / Aitor Balda / Alex Macho / Andeka Rios	Alex Macho / Andeka Rios	Euskaraz jatorrizkoa		2006