Kike Infame

Kike Infame Bilbon 1975 urtean jaiotako irdudigilea da, Infame & Co izena ere erabiltzen duena. Txikitan Spirit (Will Eisner)bezalako komikiekin gozatzen zuen, helduaroan Rubén Pellejero, Elena Odriozola, El Roto, Federico del Barrio, Taniguchi...

Fanzinegintzan aritutakoa, 2007 urtean 'Historias del olvido' komiki kolektiboan parte hartu zuen: Luciano Saracino eta Javier de Isusiren testuekin,lan honen irudigintzan aritu ziren Raquel Alzate,David Rubín, Paco Roca, David Lafuente, DaniMaiz, Infame&Co, Manu Ortega, Leticia Ruifernández, Abril Barrado eta Alex Orbe; Dolmen etxeak argitaratu zuen.

Urte berean Dolmen etxearekin ere 'Quatroccento' monografikoa egin zuen: lan kolektibo berri honetan, Kike Infame arduratu zen lau idaztle ezberdinen genero anitzetako lanak irudikatzeaz.

2008an 'El hombre que vino del cielo' (Astiberri) izan zen Infameren lehenengo istorio luzea; 2009an 'Corina y el pistolero' sortu zuen (Dolmen),Luciano Saracinoren gidoiarekin.

2010 urtetik Euskal irudigileak elkartearekin (APIE-EIEP bere sorreran) solasaldi eta elkarrizketa saioetako gidari izan da. Basauri-Komik eta Getxoko Komiki Azokan ere jarduerak antolatzen parte hartu du.

2012 urtean hasi zen Bilbao24horas.com atarian komikigileekin egindako elkarrizketa luze eta sakonak argitaratzen; 'Guía del Cómic' atarian argitaratu dira hauetako batzuk eta baita euskaraz ere Igor Leturiaren Blogean.

Getxoko komiki Azokako webguneko biografiaren arabera komikiari eta ilustrazioari buruzko mahai-inguru eta jarduera anitz antolatu, elkarrizketa luzeak zuzendu eta 'Z' aldizkarirako erreseinak eta elkarrizketak egin ditu ere.

2017 urtean Mikel Begoñarekin batera ['Komikia:euskal komikia 1975-2017 El cómic vasco'] liburua argitaratu zuen. 

Liburuaren aurkezpenarekin batera erakusketa bat antolatu zen: 2021 urtean erakusketa gaurkotu zen, eta 1975 urtetik gaur arte komikigintzak Euskal Herrian izan duen bilakaeraren ikuspegi orokor bat eskaintzen du, azken hiru urteotako ekoizpenaren laginekin: 'Komikia, 1975tik' erakusketa Bizkaiko Foru Aldundiak antolatzen duen Ibiltari programaren barne Bakioko Txakolingunean, Amorebieta-Etxanon, Plentzian... izan da erakusgai.

Autoedizioaren bidetik 'Morirse en Bilbao' seriearen egilea ere bada Señor Verderekin lankidetzan.