Ttarttalo

Ttarttalo argitaletxea 1983 urtean Donostian sortu zen eta komikigintzari lotua egon zen hasieratik.

90. hamarkadan Elkar Fundazioaren barne sartu zen, eta ordudanik komiki argitalpen bakanagoak izan dira; ordudanik Ttarttaloren produkzio gehiena narratiba, gizarte zein historia lanak, sukaldaritza edota haurrentzako liburuak izan dira: album ilustratuak eta ipuinak, 5 komiki, ezagutza liburuak, jolastekoak, denbora-pasak eta jokoak...

80./90. HAMARKADAK

70. hamarkadaren amaieran eta 80. hasieran Ereinen baitan sortu zen Ipurbeltzen eta Eusko Jaurlaritzak argitaratutako 'Habeko mik' aldizkarian atalka agertu ziren istorio batzuk album moduan merkaturatu ziren ere, euskaraz noski, baina komiki hauetako batzuk Frantziar merkatuan harrakasta izaten hasi ziren: Fructuoso, Berzosa eta Redondo irudigileekin elkarlanean aritu zen Harriet gidoigilea eta Ibarrola komikigilearen kasua izan zen, eta lan hauek gazteleraz argitaratzeko bidea Ttarttalo argitaletxeak eman zien. Paraleloki, euskaraz beste komiki mota batzuk ere merkaturatu zituen argitaletxeak.

Argitarapen bakoitza ez zen ekintza soltea izan, plangintza zehatz bati jarraitutako egitasmoa baizik, Tebeosfera atarian nabarmendu den bezala.

Horrela, Ttarttaloren eskutik argitaratu ziren Harriet eta Fructuosoren 'Justin Iriart' pertsonaiaren saileko gaztelerazko albumak: 1983an 'Mar de sangre', 1984ean 'Viaje maldito' eta 1985ean 'El secreto': lan hauen euskarazko bertsioak Ereinek argitaratu zituen: 1983an 'Itsas gorritan', 1989an Izotzetako tranpa eta 1989an 'Sekretua'.

Ttarttalok gazteleraz Harriet eta Berzosaren 'Titez' pertsonaiaren saila soilik gaztelaniaz argitaratu zuen: 1983an 'Gentuza' eta 1985an 'Muerte de un camello'.

Harrietek Redondorekin ostutako bikotearen kasuan, 1984an 'Ion eta Mirka' pertsonaien saileko 'La expedición perdida' argitaratu zuen Ttarttalok (euskaraz urte bat lehenago Ereinen eskutik 'Ion eta Mirka: espedizio galdua'). Katalanez ere argitaratu zuen Ttarttalok Komiki hau. Autore hauen 'La marca de la bruja' (euskaraz 'Sorgin seinalea', Habeko mik) ere argitaratu zen.

Hildo honetako azken lanak 1985 urtean José Ibarrolaren 'Las fronteras de Artrain. La piedra dormida'/'Arria Lotan' eta soilik gazteleraz 1986ean argitaratu zen 'Orfeo. Compañía Monteverdi' izan ziren.

Ttarttalok 1985-1988 urteen artean Winsor McCayk sortutako 'Little Nemo' sailaren 5 liburuki argitaratu zituen: euskaraz argitaratu ziren 1905eko urritik 1910ko abuztua bitarteko istorioak, eta klasiko honen koloretan argitaratutako gaztelerazko lehen edizio osoa izan zen.

Haurrentzako 1987ak Oscar Goñiren 'Munstrouak' argitaratu zen ( gaztelaniaz 'Los Monsters') eta 1991 urtean Robin Hood pertsonaiari buruzko 16 orrialdetako komiki labur bat.

1989 urtean komikigintzari buruzko lan bat argitaratu zuen: José María Unsainen  'Antecedentes del cómic en Euskadi (1894-1939)'

Lan honekin amaitu zen Ttarttalok egindako bidearen lehen zatia.

ELKAR FUNDAZIOAREN BAITAN

Elkar Fundazioaren parte bihurtuta, gazteleraz 1999 urtean Tasio komikigilearen zinten bilduma argitaratu zuen, eta XXI mendean zehar haurrentzako 5 komiki argitaratu ditu.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022	Desberdinen Kluba	Ttarttalo	Cati Baur	Cati Baur / Koloreztatzea Christophe Bouchard,	Frantsesez jatorrizkoa	?	2021 'Le club des inadapté.e.s', Rue de Sèvres Editeur
2022	Ongi etorri Kokoloara	Ttarttalo	Pauline Pinson / Ivan Rabbiosi / Dewi Noiry	Dewi Noiry	Frantsesez jatorrizkoa	?	2022 'Bienvenue a Kokoloa', Actes Sud Editeur
2021	24 ordu Harri Aroan	Ttarttalo	Lan Cook	Laurent Kling	Ingelesetik itzulia	?	2021 03 24 Hours In the Stone Age (Usborne Publishing Ltd)
2016	Alizia eta antzara jokoa	Ttarttalo	Lola Moral	Sergio García	Frantsesetik itzulia	Miren Agur Meabe	2012 Frantsesez(Delcourt) Alicia et le jeu de l'oie
2013	Saba eta landare magikoa	Ttarttalo	Yann Dégruel	Yann Dégruel	Frantsesez jatorrizkoa	Ibon Plazaola Okariz	2012 Frantsesez Saba et la plante magique
2011	Elefantearen semea	Ttarttalo	Yann Dégruel (Rudyard Kipling-en ipuinean oinarritua)	Yann Dégruel	Frantsesetik itzulia	Ibon Plazaola eta Joxemi Hernandez	2010 L´EnFANT Délephant (Guy Delcourt Productions)
2011	Serafin eta basoko animaliak	Ttarttalo	David Chauvel	Jerome Lereculey	Frantsesetik itzulia	Ibon Plazaola eta Joxemi Hernandez	2008 Séraphin et les animaux de la forêt