Fernando Sánchez Aranaz

Fernando Sánchez Aranaz 1953 urtean Donostian jaiotako historialari, idazle eta kazetaria da, 90. hamarkadatik Arabar lautadan bizi dena: kultura-kudeaketaren arloan lan egin du eta gizarte-mugimenduetan parte hartzen du, adibidez 2016 urtetik Alboan elkartean. Hainbat komunikabidetako kolaboratzailea da eta gizarte, kultur kudeaketa eta turismo gaiei buruzko lanak argitaratu ditu: hiru eleberri sortu ditu eta gai historikoei buruzko hainbat lan ere.

Fernando Sánchez Aranazek Martin Ttipia Kultur Elkartearen eskaera bat jaso zuen: elkarteak gaur Araba izenaz ezagutzen dugunaren oroimen historikoa berpizteko helburua du, lurralde hau aspaldi batean Nafarroako baskoi erresumaren parte izan zeneko garaiak gogoan, eta ezagutarazi nahi zuen Gaztelako Erresumako gudarosteak Nafarroako Erresumaren mendebaldeko lurraldea konkistatzeko kanpainaren baitan 1199-1200 urteen artean gertatu zen Gasteizko setioaren istorioa. Gidoi bat sortu zuen eta gero Aritz Ibarra irudigilearekin jarri ziren harremanetan, eta Ibarrak Hala bedi irratiari kontatu zionez horrela hasi zen 'Gasteiz 1200: defentsa amaigabea' komikiaren jaiotza prozesua.

Crowfunding baten bidez Aritz Ibarrak lortutako babesari esker, 2022an argitaratu du 'Gasteiz 1200: defentsa amaigabea' komikia Martin Ttipia Kultur Elkarteak Nabarralderekin lankidetzan.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 11 AZAROA	Gasteiz 1200: defentsa amaigabea	Nabarralde / Martin Ttipia elkartea	Fernando Sánchez Aranaz	Aritz Ibarra Agirrezabal	Bi edizio, euskaraz eta gazteleraz		2022 azaroa, euskaraz eta gazteleraz