Bakun itzulpen zerbitzuak

Joseba Ossa Altzibarrek 1998an sortu zuen Bakun itzulpen eta argitalpen enpresa Arroa Behean, Zumaiatik 3 kilometrora; zerbitzu ugari eskaintzen dituzte, batik bat argitaletxeei (testuen sorkuntza, itzulpenak, zuzenketak, diseinua eta maketazioa...), baina baita nazioarteko erakunde, gizarte mugimendu eta GKEei ere.

Itzulpenez gain, mota guztietako argitalpen lanak ere egiten dituzte: liburuak, aldizkariak, foiletoak, gidak… Testuen sorkuntza, itzulpena eta zuzenketa, diseinua eta maketazioa, argazkiak, marrazkiak, koordinazioa eta egokitzapenak... grabazio estudio txiki bat ere badute. Itzultzaileez gain zuzentzaile talde bat ere badute.

KOMIKI ITZULPENAK

SALVAT/BRUÑO-ren eskutik argitaratu dira 2009tik aurrera Asterixen XX. mendeko komiki istorikoen berrargitalpenak eta baita XXI. mendean Uderzok eta ondoren Jean-Yves Ferri eta Didier Conradek egindako istorio berrien Espainiako Estatuko merkaturatzeak.

Bakun itzulpengintza enpresa arduratu zen euskarazko bertsioetaz: 2009an Joseba Ossa eta Usua Lasa lankidetzan aritu ziren 'Asterix eta Obelixen urtebetetzea: urrezko liburua' euskaratzeko: ondoren Usua Lasa izan zen edizio historikoaren 'Asterix Galiarra' lehen aletik hasita 10. aleraino itzultzaile nagusia, 7. eta 8. aleetan izan ezik, Ramon Iriartek itzuli baitzituen; 'Asterix eta piktoak' etapa berria ireki zuen komikiaren euskaratzailea ere Usua Lasa izan zen: 2013 urtean 'Zesarren Papiroa' Maddalen Arzallusekin batera euskaratu zuen, eta 2016 urtetik aurrera ('Asterix : Arbernoko ezkutua' eta 'Asterix Olinpiar Jokoetan' ale historikoetatik eta 'Asterix Italian' etapa berrikotik hasita) Maddalen Arzallus arduratu da euskarazko bertsioetaz.

Ondorioz Maddalen Arzallusek guztira Asterixen 12 komiki ekarri ditu euskarara, Jean-Yves Ferri eta Didier Conrad bikotearen 4 (azkena oraingoz 2021ean 'Asterix eta Grifoa' eta XX mendeko komiki klasikoen 9 ale.

* Asterix Bilduma Klasikoa

Beste komiki itzulpen lan batzuk

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022	Ezinbestean, ahizpak... Ahizpak Saila 1	Hachette Cómic	Christophe Cazenove / William	William	Frantsesez jatorrizkoa	Miren Garate / Bakun itzulpen zerbitzuak	2008 Les Sisters 1. Un air de famille Bamboo Édition
2022	Ahizpak gure estiloan Ahizpak Saila 2	Hachette Cómic	Christophe Cazenove / William	William	Frantsesez jatorrizkoa	Miren Garate / Bakun itzulpen zerbitzuak	2008 Les Sisters 2 'À la mode de chez nous' Bamboo Édition

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2013	Saba eta landare magikoa	Ttarttalo	Yann Dégruel	Yann Dégruel	Frantsesez jatorrizkoa	Ibon Plazaola Okariz	2012 Frantsesez Saba et la plante magique
2011	Elefantearen semea	Ttarttalo	Yann Dégruel (Rudyard Kipling-en ipuinean oinarritua)	Yann Dégruel	Frantsesetik itzulia	Ibon Plazaola eta Joxemi Hernandez	2010 L´EnFANT Délephant (Guy Delcourt Productions)
2011	Serafin eta basoko animaliak	Ttarttalo	David Chauvel	Jerome Lereculey	Frantsesetik itzulia	Ibon Plazaola eta Joxemi Hernandez	2008 Séraphin et les animaux de la forêt