Argia/Komunikazio Biziagoa

Argia —1980 arte, Zeruko Argia— euskarazko aldizkari jeneralista da, aktiboan dagoen zaharrena. Astekaria da paperean, eta edizio jarraitua du sarean. Argitalpen taldeak Lasarte-Orian du egoitza nagusia.

Xabier Letona Biterik Euskarazko Kazetaritzaren lehen kongresurako horrela deskribatu zuen Komunikazio Biziagoa: 80ko hamarkadaren hasieratik 1998ra arte Zeruko Argia izan da Argia argitaratu duen enpresa, eta data horretatik aurrera, aldiz, Komunikazio Biziagoa SAL. Operazio honekin jabego eta egitura aldetik enpresa eguneratu egin genuen. Argia egiteaz gain, beste zenbait produktu ere kaleratzen ditu, esate baterako, Euskal Kulturaren Urtekaria, Larrun pentsamendu aldizkaria, edo tako egutegia. Horiez gain, beste esparru batzuk ere sortu ditu. Argitalpenena da bat, liburu eta jokoen produkzioaz arduratzen dena eta, azpimarratuko nuke azken urteetan egin dugun Interneteko ahalegina, besteak beste Haria moduko prentsa bilketa zerbitzua argitaratzen duena. Aipatu beharrekoa da, halaber, duela gutxi gure taldera egindako ekarpen berria, aspaldian agertu izan dugu denbora-pasekiko gure interesa eta iaz interes hori gauzatu genuen Luma denbora-pasa hilabetekaria geure proiektura ekarriz.

Wikipediaren arabera Argia astekariaren enpresa argitaratzailea Komunikazio Biziagoa SAL da. Enpresa honek Iametza, Antza eta Adur komunikazio enpresekin Ametzagaña enpresa taldea osatzen du. Ametzagaiña A.I.E. irabazi asmorik gabeko erakundea da. Taldearen helburua, Ametzagaiña webgunean irakurri daitekeenez[12], enpresa bakoitzak duen eginkizunetan bata besteari laguntzea da, hots, elkarlanean aritzea, teknologia berriak ikertu eta garatzea eta proiektu berriak sortzea. Esan bezala, enpresa bakoitzak ekarpen desberdinak egiten dizkio taldeari: Antza grafikogintzaz arduratzen da; iAmetza, teknologiaz, eta Adur, software ingeniaritzaz.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2010	Okatxu	Argia/Komunikazio Biziagoa Euskal Herriko Artzainak/Kukuxumuxu	Mattin Irigoien	Asisko (kolorea Adur Larrea)	Euskaraz Jatorrizkoa		2009/2010ean Argia aldizkarian atalez atal
2003 11 AZAROA	Gartxot	Komunikazio Biziagoa / Argia / Absurde	Asisko	Marko Armspach (marrazkiak) Jokin Larrea (kolorea)	Euskaraz Jatorrizkoa		2003ko Maiatzaren 18an Argia aldizkarian hasi ziren argitaratzen zatika eta ondoren argitaratu zen album moduan
1996 link=http://www.komikipedia.eus/index.php?title=I’am Pellot, Biba Festa	I’am Pellot, Biba Festa	Argia	Asisko	Asisko	Euskaraz Jatorrizkoa		Argia aldizkarian hasi ziren komikiak argitaratzen zatika eta ondoren argitaratu zen album moduan