Uxue Alberdi

Uxue Alberdi Estibaritz (Elgoibarren 1984 urtean jaiotako euskal idazle eta bertsolaria da. Kazetaritza ikasketak burutu zituen eta Wikipediaren arabera idazle eta bertsolariaz gain "Literatura tailerren irakasle, iritzi artikulugile, itzultzaile, irakurle-taldeen gidari, letragile eta beste hainbat alorretan aritzen da lanean. Ainhoa Agirreazaldegirekin batera Bertso Eskola Feminista delakoa jarri zuen abian." Komikigitzan, 2023 urtean 'Surflaria' komikia merkaturatu zuen Ikastolen Elkarteak, Uxue Alberdik Susanna Martin irudigilearekin elklarlanean sortutakoa: 2020ko urritik ari ziren Xabiroi aldizkarian atalez atal istorioa argitaratzen.

2003 Durangoko Julene Azpeitia Bertso paper lehiaketak irabazi zuen, 2006an Xenpelar Saria eta 2008an, bertsolari gazteen Osinalde Saria. Bere Lehen plazak izan ziren, gai-emaile eta antolatzaile gisa Elgoibarren, 2004an, Gabonetako bertso jaialdian eta bertsolari gisa 2006an, Plazatik Gaztetxera txapelketan.

BDB Bertsolaritzaren datu-basean jasotzen dira bertsolari bezala egindakoak.

Ipuin eta eleberrigintzan, 2005ean idazle gazteentzako Igartza bekari esker idatzi zuen bere lehen liburua: 'Aulki bat elurretan' (2007). 2007an Joseba Jaka Beka irabazi eta gero 'Aulki-jokoa' ipuin liburua sortu zuen 2009an. 2013an 'Euli-giro' ipuin bilduma argitaratu zuen.

Besteren artean, 2017 urtean argitaratu zuen 'Jenisjoplin', 2020ean Dendaostekoak...

Haur eta gazte literaturaren alorrean 2011ean 'Ezin dut, eta zer?' idatzi zuen eta ondoren, besterenn artean, 'Marizikina naiz, eta zer?, 'Zure denboraren truke', 'Poza'...

2015ean argitaratutako 'Besarkada' lanarekin Haur eta Gazte Literaturako Euskadi Saria irabazi zuen 2016an, eta 2020an euskarazko saiakeraren Euskadi Literatura Saria 'Kontrako eztarritik: emakume bertsolarien testigantzak' lanarekin.

Idazleak.eus webgunean zerrendatzen dira bere literatur lanak

KOMIKIGINTZA

2019ko urriko Xabiroi aldizkariko 53. alean 'Su txikia' komiki laburra argitaratu zen: Uxue Alberdi arduratu zen nagusiki gidoiaz eta Susanna Martin marrazkietaz.

Urtebete beranduago, 2020ko urriko Xabiroi aldizkariko 57. alean Surflaria sailari hasiera eman zitzaion: Uxue Alberdi arduratu zen nagusiki gidoiaz eta Susanna Martin marrazkietaz. 2023ko ekaineko Xabiroi komikiaren 63. alean argitaratu zen azken atala eta albuma irailean merkaturatu zen.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	JATORRIZKOAREN URTEA
2023 Iraila	Surflaria	Ikastolen Elkartea/Xabiroi	Uxue Alberdi	Susanna Martín	Euskaraz jatorrizkoa	2020tik atalka Xabiroi aldizkarian: urriko 57. zenbakitik 2023ko ekaineko 63. zenbakira.