Dani Fano

Dani Fano Ardanaz Donostian 1968an jaiotako ilustratzaile eta komikigile gipuzkoarra da, eta 2005 urtetik aurrera Xabiroi komiki aldizkariko koordinatzaile lanak egiten ditu.

Ilustratzaile moduan, Ikastolen Elkarterako lanak egin ditu, ipuingintzan eta material didaktikoen marrazketan: Olentzeroren oparia, Helikopteroa ikastolan, Hansel eta Gretel, Hiritik mendira...eta multimedia arloan Space Search ingelesa ikasteko CD saritua eta Txango CDa . Txalapartarako, ilustrazioak egin zituen Gari Berasaluzeke idatzitako Elkano: itsasoak emandako bizitza libururako. Azala egiteaz arduratu zen Donostiako Udaleko Liburutegi sareak kaleratutako "Azken hamarraldiko euskal komikiari buruzko Irakurketa Gida (2000-2009)" lanean.

Umore grafikoa landu zuen hainbat aldizkarietan: Mutxo! (1998-2000), Ardi Beltza (1999-2000), Kale Gorria(2000-2002),Elhuyar aldizkaria(2002-2010),

2001 eta 2002 urteen artean Ipurbeltzen Beto asmatzaile pertsonaia marraztu zuen.

Xabiroi aldizkaria sortu zenetik, 2005 urtean, koordinatzaile lanak egin ditu, eta aldizkari honetan agertu dira gero album formatuan argitaratutako bere lanak: gidoiak eta marrazkia egin zituen TeleAtoi: kalabaza haluzinogenoak (2005ean hasitako saila,albuma 2010ean) eta Anubis 3.0 (200xan hasitako saila,albuma 2012an) lanetarako, eta Kortsarioen Ostatua komikiaren gidoia, Guillermo Gonzalezen marrazkiekin(2005ean hasitako saila,albuma 2015ean).

2012an El Balanzin aldizkarian Harkaitz Canoren Pianoa edaten aritu da olerkiarekin istorioa sortu zuen, eta urte horretan Rumble aldizkariko azala egin zuen elkarrizketa argitaratu zen.https://addi.ehu.es/bitstream/handle/10810/16565/2015-DANI.FANO.%20Elkarrizketa.RUMBLE18.pdf?sequence=1&isAllowed=y

H28 aldizkarian parte hartzen du ere.

Ibilbide honek eta Xabiroi aldizkarirako koordinatzaile lanetan egileen arteko sare lanak egiteko helburua lortzeko ahaleginari esker, komikigintzari buruzko ikuspegi zabal bat eskuratu du Dani Fanok. Honen isla da medio ezberdinetan bere lana eta komikigintzari buruz argitaratutako elkarizketak.

http://www.berria.eus/paperekoa/1781/020/001/2014-07-17/euskal_herrian_egun_ia_inor_ez_da_bizi_komikiak_egitetik.htm

UEUko ikastaroetan eta hitzaldietan parte hartu izan du ere, eta 2016ean Komikigunean bere ibilbideari buruzko solasaldia egin zen.

Azken urteetan lan pertsonal baten sorkuntzan murgildua dago, Miguel Mármol El Salvadorreko Alderdi Komunistaren sortzaileetako bati buruzko komikia, eta 2013an “Arte para la memoria y arte para olvidar” hitzaldia eskaini zuen El Salvadorren.

Euskaraz argitaratutako komikiak

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2015	Kortsarioen ostatua	Ikastolen Elkartea/Xabiroi	Dani Fano	Guillermo Gonzalez	Euskaraz Jatorrizkoa		2011 06 Hasiera(Xabiroi Aldizkaria 23) 2013 10 Amaiera(Xabiroi Aldizkaria 30)
2012	Anubis 3.0	Ikastolen Elkartea/Xabiroi	Dani Fano	Dani Fano	Euskaraz jatorrizkoa		200x Hasiera(Xabiroi Aldizkaria 01) 20xx Amaiera(Xabiroi Aldizkaria xx)
2010 08 ABUZTUA	TeleATOI: kalabaza haluzinogenoak	Ikastolen Elkartea/Xabiroi	Dani Fano	Dani Fano	Euskaraz Jatorrizkoa		2005 Hasiera(Xabiroi Aldizkaria 01) 20xx Amaiera(Xabiroi Aldizkaria xx)