Mattin

Iñaki Martiarena Otxotorena, Mattin, Donostian 1967 urtean jaiotako komikigilea da.

Wikipedian argitaratu den informazioaren arabera, Informazio Zientzietan lizentziatu zen eta hainbat alorretan aritu da ilustratzaile, hala nola umorean, grafismoan, diseinuan, komikian, karikaturan...

Komikiak argitaratu ditu, besteak beste Argian, Bagerak plazaratutako Irutxulo aldizkarian , Napartheiden, Euskaldunon Egunkarian, Ipurbeltzen, Gaztezulon, AEK-k argitaratzen duen Aizu! aldizkarian, eta Berrian.

Gaur egun Belardo pertsonaiaren istorioak marrazten ditu larunbatero Berria egunkariko Mantangorri umeentzako gehigarrian, eta lehenago —Espainiako justiziak itxiarazi zuen arte— Euskaldunon Egunkarian.

Andoni Tolosaren bidez hasi zen Argia aldizkarian komikiak argitaratzen: Tolosa 1987 urteko iraletik Bokarta inspektorea pertsonaiaren komikien gidoiak egiten zituen, eta hasiera horretan Iñaki Bakedano arduratu zen marrazkietaz. 1988 urtean, apirilaren 3ko data zeraman 1.193. alean, Bakedanoren ordez Mattin hasi zen pertsonaia marrazten. Andoni Tolosak kontatzen duenez, gerora kantari moduan ezaguna izango zen Morau ezizena Mattinek asmatu zuen, Capitan Trueno komiki pertsonaiaren gidoilari zen Victor Moraren omenez.

Moraurekin lankidetza urte askotan luzatu da, Mattinek ilustrazio lanak egin baititu bere diska gehienetan, baita animazioak ere.

1989 urtetik aurrera, Mattin Argiako TXT komiki gehigarriaren arduraduna izan zen. Garai berean Naparhteid fanzinean argitaratu ziten lanak garai berean.

1988 Eusko Jaurlaritzako Komiki Saria jaso zuen eta 1989an Portugaleteko Udalaren Komiki Saria.

Zenbait gizarte mugimenduentzat kartel, pegatina eta beste euskarrietarako irudiak sortu ditu (antimilitaristak, zezenketen aurkakoak, AHTaren aurkakoak...). Besteren artean, 1995ean Manu Gomezen bertsoekin osatutako intsumisioaren aldeko Zulo beltzean liburukian agertu ziren Mattinen marrazkiak, eta 2004. urtean Ez naiz pegata hutsa!: Gladys eguzkiarekin maitemindu zenekoa liburua argitaratu zuten, Gladys del Estal ekologistaren heriotzaren 25. urteurrenean. Donostiako Sator alaia metroaren aurkako mugimenduaren logotipoa sortu zuen ere.

Ipuin kontalaritza eta ilustrazioa nahasten zituen proiektuetan aritu da: 1999an Ixabel Agirresaroberekin Irudipuinak izenekoan Euskal Herriko ipuin klasikoetan oinarritutako ikuskizuna sortu zuen. Bakarka ere uztartu ditu marrazkigintza eta kontalaritza.

1994 urtean hasi zen Euskaldunon Egunkarian iritzia atalean komiki zintak egiten, 2000 urtea bitartean. Tirabirak proiektuan ikus daitezke etapa horretako lanak. Urte berean Irutxulo Donostiako aldizkarirako Moko eta Karmele pertsonaiak sortu zituen.

1995 urtean Baleike Zumaiako aldizkariak antolatutako Komiki Lehiaketan saritua izan zen.

1996 urtean Errenteria-Oreretan Karikaturen erakusketa egin zuen.

1998an hasi zen Haur eta Gazte Literaturako bere lehen argitalpenekin, eta, harrez gero, liburu ugari ilustratu ditu. Mitxel Muruak idatzi eta Mattinek ilustratutako Maripuzker liburua Bratislavako Ilustraziogileen XIX. Lehiaketarako hautatua izan zen eta 2011n, Haize adina liburuarekin (Cristinaenea Fundazioa) . Galtzagorri Elkarteak OEPLIrekin lankidetzan proposatu zituen hautagaitza hauek.

Estitxu eta Ixiar Argia umorearen atzean oinaze

Wikipedian Mattinek urtez urte sortutako komikietako pertsonaien zerrendatu zituzten:

   1888- Argia aldizkaria: Bokarta detektibea  (Andoni Tolosa gidoilaria)
   1991- Irutxulo aldizkaria : Moko eta Karmele
   1991- Entzun aldizkaria : No future, no present
   1991- Aizu aldizkaria : Irrintzia

2001 Euskaldunon Egunkarianko Xingola haurrentzako gehigarrian Belardo belar meta. 2003tik aurrera Berria egunkariaren Mantangorri gehigarrian,larunbateko haur gehigarrian,

   1996- Ipurbeltz haur aldizkaria: Kattalingorri neska ilegorriaren abenturak
   
   2000-2007- Gaztetxulo aldizkaria : Ander+Graun

   2013. urtean, Mattinek marraztutako 1813-2013 Sua itzali,hiria piztu komikia argitaratu zuen Donostia Sutan 1813-2013 Elkarteak.

   2016 urtean Zarrakamalda komikia argitaratu zuen Txalaparta Argitaletxeak

2016ean Altzaporru komiki liburu kolektiboan hartu zuen parte (Komunikazio biziagoa/Argia)

2017an Portugaleteko Uri Urena XXXI. komiki lehiaketaren saria irabazi zuen, Lore denda lanagatik.

2018 urtean Andoni Tolosa "Morau" abeslariak  Egunsentiak alperrentzat diska kaleratu zuen eta kantariaren beste lan batzuekin egin zuen bezala Mattinek alderdi grafikoa landu zuen, kasu honetan linograbatuaren teknika erabilita.

2011 urtetik aurrera erakusketen bidez ere ezagutaratzera eman ditu bere lanak, teknika ezberdinak erabiliaz: marrazkiak, tinta txinatarra, akuarelak, linograbatuak...