PORTUGALETEKO URI URENA KOMIKI LEHIAKETA

ANTOLATZAILEAK	Portugaleteko Udala.
LANAK AURKEZTEKO EPEA	2021 urteko maiatzak 7 (azken edizioetan otsailean edo martxoan izaten da lanak aurkezteko epearen itxiera) Lanak postaz edo Portugaleten bertan aurkeztu daitezke helbide honetan: Santa Klara kulturtegia Portugalete Uri Urena Komiki-Lehiaketa Casilda Iturrizar kalea, 10 48920 Portugalete (Bizkaia)
GAIAK:	Komikiaren gaia librea da, baina pertsonaia nagusiak jatorrizkoak izan behar dira; hots, egileak berak sortuak eta argitaratu gabeak.
LANEN EZAUGARRIAK	zuri-beltzetan edo koloretan aurkez daitezke lanak. KOMIKIA: komiki kategoriako lanek launa orrialde izango dute, behar bezalako errotuluak daramatzatela, zenbaki eta guzti. DIN A-4 neurrikoa izango da, edo horren heinekoa, eta formatoa, azkenik, bertikala. Inprimaturik aurkeztuko dira. KOMIKI BANDA: komiki banda kategoriako lanek, behar bezalako errotuluak daramatzatela, 19 x 8 cm-ko tamaina izango dute, edo horren heinekoa, eta horizontalak izango dira. Bineta bitan edo gehiagotan bana daitezke. Inprimaturik aurkeztuko dira.
LEHIAKIDEEN JATORRIA	Ez dago jatorri mugarik. Portugaleteko egile onenari Akzesita: 300 € eta trofeoa
HIZKUNTZAK	Euskaraz edo gazteleraz aurkeztu daitezke lanak kategortia guztietan. Akzesita, euskarazko egile onenari: 300 € eta trofeoa
ADINAK	KOMIKIA KATEGORIAN Gazte akzesita, 16 urtetik beherako onenari (200 € eta trofeoa) Beste hiru sari gainontzeko partaideentzat KOMIKI BANDA KATEGORIA Akzesita, 18 urtetik beherako onenari (100 € eta trofeoa) Beste sari bat adinez nagusikoentzat
SARIAK	KOMIKI KATEGORIA LEHEN SARIA “PORTUGALETE URI URENA”: 1.700 € eta trofeoa BIGARREN SARIA: 1.250 € eta trofeoa HIRUGARREN SARIA: 900 € eta trofeoa Akzesita, euskarazko egile onenari: 300 € eta trofeoa Akzesita, Portugaleteko egile onenari: 300 € eta trofeoa Gazte akzesita, 16 urtetik beherako onenari 200 € eta trofeoa KOMIKI BANDA KATEGORIA LEHEN SARIA 300 € eta trofeoa Akzesita, 18 urtetik beherako onenari 100 € eta trofeoa
INFORMAZIO GEHIAGO	2021 EDIZIOKO OINARRIAK

2021 urtean “PORTUGALETE URI URENA” XXXV. KOMIKI LEHIAKETA antolatu da. Lanak aurkezteko azken eguna: 2021 urteko maiatzak 7 (azken edizioetan otsailean edo martxoan izaten da lanak aurkezteko epearen itxiera)

1987 urtean hasi zen Portugaleteko Udala urtero komiki lehiaketa antolatzen, eta beraz orain arte indarrean dagoen lehiaketarik zaharrena da.

Hasierako edizioetan gaztelaniazko komikiak soilik onartzen ziren, baina laster hasi ziren euskarazkoak onartzen eta berariazko akzesita sortu zuten euskarazko lan onenarentzat.

Euskal Herriko eta estatu espainiarreko komikigile ugarik hartu dute parte bertan eta sariak eskuratu dituzte: euskal herritarren artean batzuk aipatzeagatik Álvaro Ortega, Patxi Gallego, Amaia Ballesteros, Rober Garay, JaviRoyo, Gastón Majarenas, Josu Mitxelena Unsain, "Mattin", Ainara Azpiazu "Axpi", Santiago Valenzuela García, Borja Crespo, Kaiet Bengoetxea, Concceta Probanza... 2018an adibidez 132lan aurkeztu ziren (aurreko urtean baino %30 gehiago).

Lehen deialdietan zuri-beltzeko komikiak bakarrik onartu ziren, baina bosgarrenetik aurrera koloretan lanak aurkezteko aukera zabaldu zen.

1995 urtean, IX. edizioan, euskarazko izena ere erabiltzen hasi ziren apurka apurka: Portugalete Uri Urena Komiki-Lehiaketa

Hamabosgarren deialditik aurrera "tira komikoa" modalitatea sartu zen.

Aldizkari bat argitaratu ohi du lan irabazleekin: Portugaleteko udal zerbitzuetan edo Getxoko Azokan eskuratu ahal izaten da. 2011 urtean 25. edizioa antolatu zela ospatzeko ordurarteko irabazle guztien lanekin bilduma osatu zen.

Tebeosfera atarian informazio historikoa