Nabarralde

Nabarralde Fundazioa 2001 urtean sortu zen eta Nafarroako memoria kolektiboa berreskuratu eta ezagutaraztea helburu duen elkarte bat da.

Nabarralderen webgunean azaltzen denez "Ikerketa-proiektu gisa eraikitzen da: ezagutza, sustapena, bilgunea… eta funtsezko helburua du, hain justu, kulturaren, historiaren eta gizatalde gisa eratzen gaituen guztiaren zabalkunde handiena egitea."

Horretarako hainbat jarduera sustatzen ditu: hitzaldiak, jardunaldiak, ekitaldiak, era argitalpenak.

Nabarralde izeneko aldizkariaz gain, liburu ugari argitaratu ditu, tartean komikiak.

2016 urtean 'Eneko Aritza. Lehen errege baskoia' komikia argitaratu zuen Nabarraldek, Angel Rekalderen gidoiaz eta Joseba Larratxe Joseviskyren marrazkiekin.

Ondoren urtero argitaratu dute komiki berri bat euskal komikigintzaren azken hamarkadetan nabarmendu diren irudigileekin: Adur Larrea, Axpi, Asisko, Iñaket, Amaia Ballesteros...

3 aletan Angel Rekalde arduratu da gidoietaz eta gainontzekoetan Mikel Begoña, Miren Mindegia eta Asisko, azken kasu honetan gidoilari/irudigile lanak eginez.

2021eko irailean Nafarroako Komiki Azokan aurkeztu zen 'Benjamin Tuterakoaren bidaia handia' komikia, Mikel Begoña eta Iñaket komikigileen elkarlanaren emaitza, eta Azokak erakusketa eskaini zion Nabarraldek urte hauetan guztietan egindako komiki bildumari.

2022ko ekainaren 15ean "Amaiur. Gaztelu baltza" komikia aurkeztu zen Sabino Arana Fundazioaren egoitzan. Ale honen gidoiaz Angel Rekalde arduratu zen eta irudiak Amaia Ballesterosek sortu zituen.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 06 EKAINA	Amaiur: gaztelu baltza	Nabarralde / Sabino Arana Fundazioa	Angel Rekalde	Amaia Ballesteros	Bi edizio, euskaraz eta gazteleraz	?	2021, gazteleraz aldiberean
2021 09 IRAILA	Benjamin Tuterakoaren bidaia aparta	Nabarralde	Mikel Begoña	Iñaket	Euskaraz Jatorrizkoa		2021, gazteleraz aldiberean
2020 ABENDUA	Foixeko Katalina	Nabarralde	Angel Rekalde	Ainara Azpiazu Axpi	Bi edizio, euskaraz eta gazteleraz	?	2020 12 ABENDUA
2019	1620 Nafarroa Beheregaina	Nabarralde	Asisko	Asisko	Euskaraz jatorrizkoa		2019 11 Azaroa
2018	Maria Zugarramurdikoa eta sorginduak izan ziren emakumeak	Nabarralde	Miren Mindegia	Adur Larrea	2 edizio, euskaraz/gazteleraz		2018 11 Azaroa
2016	Eneko Aritza. Lehen errege baskoia	Nabarralde	Angel Rekalde	Joseba Larratxe Josevisky	2 edizio, euskaraz/gazteleraz	Miren Mindegia	2016 11 azaroa