Jorge Alderete

Jorge Alderete, Dr. Alderete ezizenez ezagunagoa argentinar Patagoniako Santa Cruz-en 1971 urtean jaiotako marrazkilari, diseinatzaile, eta animatzailea da.

Wikipediaaren arabera 1989an, 18 urte zituelarik La Plata probintziara bidaiatu zuen komunikazio diseinua ikasteko La Platako Unibertsitateko Arte Ederren fakultatean. Ikasketak bukatu ostean hainbat aldizkari independenteren editore izan zen, eta Fierro eta Rolling Stones aldizkariekin elkarlanean ibili zen. 1998an Mexiko Hirira aldatu zen bere emazte Clarisarekin, eta geroztik han bizi da. 2006an Kong denda galeria sortu zuen, eta urte hartatik 2010era arte terraza kulturals egitasmoaren zuzendaria izan zen.

Juan Moraguesekin batera, Isotonic Records diskoetxea sortu zuen, rock instrumentalean espezializatua. 150 artelan baino gehiago diseinatu ditu munduko hainbat lekutako taldeen diskoetarako, besteak beste, Los Fabulosos Cadillacs, Andrés Calamaro eta Daniel Melero (Argentina), Lost Acapulco, Twin Tones (Mexiko) eta Straitjackets (Estatu Batuak).

Sonorama eta Sonorama Dos liburuak (Ed. La Caja de Cerillos) 2012an eta 2018an, hurrenez hurren, musikaren inguruan argitaratutako lana biltzen du.

Diseinatzaile eta ilustratzaile gisa egindako ibilbide luzean, hainbat telebistatarako lan egin du animatzaile independente gisa, besteak beste, MTV, Nickelodeon, Canal Fox eta Once TV telebistetarako.

Sonido Gallo Negro musika taldeko kidea da 2010etik, thereminista eta zuzeneko ilustratzaile gisa, adibidez Fabulosos Cadillacs taldearen 'La Salvación' biran taldearen ikuskizunetan zuzenean marraztuz.

2014. urtean Fermin Muguruza eta Harkaitz Canorekin lankidetzan 'Black is Beltza' bere lehen eleberri grafikoa argitaratu zuen euskaraz, catalanez, gazteleraz (Talka/ Bang edizioak), Mexikon (La Caja de Cerillos), Kolonbian (Rey Naranjo), Argentinan (Moebius editores) eta Japonian (RocketMusic).

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
201411 AZAROA	Black is Beltza	Talka / Bang Ediciones	Fermin Muguruza / Harkaitz Cano	Jorge Alderete	Euskaraz jatorrizkoa, edizio eleanitzak		2014 11 AZAROA