Maite Rosende

Maite Rosende Donostian, 1991 urtean jaiotako irudigile, ilustratzaile eta horma irudi margolaria da. Beste lanen artean, 2021 urtean Bang!/Mamut argitaletxearen eskutik 'Guruyi' komikia argitaratu zuen katalanez eta gaztelaniaz: Jon Lorente yoga irakasleak idatzitako istorioa eta karta jokoa barnebiltzen ditu komikiak.

Tabakalerako webgunearen arabera, Batxiler Artistikoa ikasi zuen eta amaitzean Bartzelonako Goi Mailako Arte eta Diseinu Eskolan pintura muraleko gradua ikasi zuen eta ondoren Ilustrazio arloko Goi Mailako zikloa egin zuen Llotja Eskolan.

Hainbat diziplina artistikotan trebatzen jarraitu zuen, baita diseinu grafikoan, argazkigintzan eta bideo-edizioan ere.

Gaur egun freelance gisa egiten du lan ikus-entzunezko piezen, kartelen eta ilustrazioen enkarguak eginez, bere lan pertsonalak albo batera utzi gabe.

https://www.irudika.eus/eu/user/991 Irudika katalogoaren arabera 2016 urtean hasi zuen bere ibilbide profesionala, eta autorearen hitzetan "Estudié ilustración y pintura mural. Me gusta perderme en lo simple, crear imágenes donde el color y la forma son los protagonistas. Me inspira la forma en la que los niños ven el mundo."

2022an Aiete Kultur Etxeko Ilustratzailearen Txokoan bere lanaren laginak ikusgai egon ziren.

Euskal Irudigileak eta Galtzagorri Elkarteetako kide da.

Haur eta helduentzat ilustrazio tailerrak eman ditu Donostiako arte gune desberdinetan, Zaldi Urdinan, Kontadoresen Undermounten, besteak beste; eta hainbat erakunderentzat ilustrazio eta diseinu grafikoaren alorreko lanak egin izan ditu.

Kartelgintzan lan ugari eginikoa da eta 2015, 2016 eta 2017an irabazi zuen Donostiako Zinemaldiaren kartel lehiaketa, sail desberdinetarako eginiko lanekin.

Muralismoaren alorrean ere lan egiten du, eta 2021ean Donostiako Altza Apain Kaleko Arte Topaketetan eta Zaragozako Asalto Jaialdian hartu zuen parte.  Erakunde ezberdinentzat ilustrazio eta diseinu grafikoaren alorreko lanak egin izan ditu.

Ilustratzailearen Txokoan parte hartzeaz gain, bakarkako zein taldekako erakusketak egin ditu Donostiako Arteuparte Galerian eta Zaldi Urdina gunean, Tolosako Gko galerian eta Aranburu jauregian... Eta https://www.europapress.es/euskera/noticia-ekoetxea-urdaibaik-inplikatuak-erakusketa-inauguratu-du-gjhei-buruzko-bederatzi-euskal-ilustratzaileren-ikuspegia-20220315184839.html 2022 urtean Urdaibaiko Ekoetxeak sustutako 'Inplikatuak' erakusketan parte hartu zuen, beste 8 euskal ilustratzailekin batera : Yolanda Mosquera (Amurrio, 1973), Janire Orduna (Bilbo, 1987), Lorena Martinez (Irun, 1973), Sandra Garayoa (Donostia, 1993), Belen Moreno (Donostia, 1966), Lucia Bonilla (Bilbo, 1976), Irati Eguren (Durango, 1981) eta Ainara Azpiazu (Hernani, 1980) .

Kolore biziko ilustrazio dinamiko eta geometrikoak egiten ditu teknika ezberdinak erabiliz. Haurrek mundua ikusteko duten m o d u a k inspiratzen dutenetakoa da eta, horregatik, agian, bere marrazkiak beti mugimenduan daude. 

Ez dio beldurrik marrazteari, bere iritziz marrazteko ez omen da “asko pentsatu behar”. Marraztuz “ondo pasatzea”da Rosenderen helburua.

LIBURUEN ILUSTRAZIOGINTZA ETA KOMIKIA

2026 urtean Puño eta Carmen Saldaña egileekin elkarlanean 'El viaje de la luz. Navidades, solsticios y fiestas de invierno del mundo' libururako ilustrazioak egin zituen. Lan honi esker Madrileko Udalak antolatutako liburuaren diseinuari zegokion saria eskuratu zuen eta Iberoamerikar Ilustrazio katalogoan agertu zen Rosenderen lana.

2021 urtean Bang!/Mamut argitaletxearen eskutik 'Guruyi' komikia argitaratu zuen katalanez eta gaztelaniaz: Jon Lorente yoga irakasleak idatzitako istorioa eta karta jokoa barnebiltzen ditu komikiak.

2022 urtean Rosendek ilustratu zuen Pello Añorgak sortutako 'Din dilin dan' euskal ahozko tradiziotik jasotako kantu, poema eta testuez osatutako liburua (Denonartean argitaletxea)