Esther López Epelde

Esther López Epelde Altzon jaio eta Bartzelonan bizi den itzultzaile eta zuzentzailea da. Beste itzulpen lanen artean, 2019an argitaratu zen «Superpatata 1. Superpatataren jatorria» komikia itzuli zuen eta sail honen dozena bat album ekarri ditu euskarara.

Hona bere burua deskribatzeko Linkedinen erabilitako hitzak  :

Urteak daramatzat itzultzaile gisa lanean; zuzentzaile gisa, aldiz, gutxixeago. Dena den, bietan behar bezala aritzeko gai naiz. Testu zehatz eta ulergarriak sortzea da nire helburua, irakurleari lana arintzea. Gainera, erraz bezain bizkor moldatzen naiz idazki mota guztietara, gogotsu. Autodidaktatzat dut nire burua, baina lanbidean aurrera egiteko eta ezaupideak berritzeko ikasketa formalak ere egin ditut. Izan ere, beti nago ikasteko prest; are gehiago: ikasteko beharra daukat beti. Talde-lanean ere gustura aritzen naiz eta lankideekin harreman atsegin eta zintzoak sortzea ateratzen zait, berez.

Euskal Herriko Unibertsitatean, Madriden eta Bartzelonako Universitat Autònoma eta Pompeu Fabran egin zituen ikasketak.

Euskara, gaztelera eta katalana izaten dira bere lanerako ohiko hizkuntzak, eta berak egindako itzulpenen artean daude «Superbotereen liburu aparta» eta matematika arloko hezkuntza materiala; zuzenketa arloan, Börkur Sigurbjörnsson-en 999 Abroad liburuaren gaztelaniazko zuzenketa lana egin zuen.

Informazio gehiago About.me eta Linkedin webguneetan

2022 urtean'Nahaspila kosmikoa' Superpatata pertsonaiaren abentura berrien bildumaren euskarazko bertsioaz arduratu zen.

Lehen liburukia 2022ko martxoan argitaratu zen, bigarrena 2023ko urtarrilean eta 2024ko Maiatzean SuperPatata pertsonaiaren Nahaspila kosmikoa sailaren 3. liburukia argitaratuko da: 'Estolderian'. Honekin amaiera emango zaio espazioko trilogia honi.

EUSKARARA ITZULITAKO LANAK

SUPERPATATAREN JATORRIA SAILA

2019 URTARRILA Superpatata 1/1 Superpatataren jatorria	2019 APIRILA Superpatata 1/2 Zort III.a, Errege Estralurtarra	2019 APIRILA Superpatata 1/3 Denboraren ataritxoa	2019 MAIATZA Superpatata 1/4 Malezia maltzurraren mendekua	2019 MAIATZA Superpatata 1/5 Torloju Irakaslearen robotak	2019 EKAINA Superpatata 1/6 Supersuperpatata	2019 EKAINA Superpatata 1/7 Zital Doktorearen errebantxa
2019 URRIA Superpatata 1/8 Augusta Handimandiren gutizia arriskutsuak 1. zatia	2019 ABENDUA Superpatata 1/9 Augusta Handimandiren gutizia arriskutsuak 2. zatia	2020 AZAROA Superpatata 1/10 Erdi arora bidaia	2020ean 'Superpatataren jatorria' bildumako 10. eta azken alea argitaratu zen.
JATORRIZKO HIZKUNTZA HERRIALDEA	EUSKARAZKO BERTSIOAREN ARGITARATZAILEA	GIDOIA	MARRAZKIAK	ITZULTZAILEA	JATORRIZKO ARGITARATZAILEA	ARGITARAPEN DATAK
2011tik Gazteleraz eta katalanez 2019tik euskaraz	Bang Ediciones / Mamut Comics	Artur Laperla	Artur Laperla	Esther López Epelde	Bang Ediciones / Mamut Comics	2011tik 2020ra

SUPERPATATA: NAHASPILA KOSMIKOA SAILA

2022 MARTXOA Superpatata 2/1 Bare erregearen itzulera	2023 URTARRILA Superpatata 2/2 Bare erregearen mendekua	2024 EKAINA Superpatata 2/3 Estolderian	2024ean 'Nahaspila kosmikoa' saileko 3. eta azken alea argitaratu zen.
JATORRIZKO HIZKUNTZA HERRIALDEA	EUSKARAZKO BERTSIOAREN ARGITARATZAILEA	GIDOIA	MARRAZKIAK	ITZULTZAILEA	JATORRIZKO ARGITARATZAILEA	ARGITARAPEN DATAK
2022tik aldiberean katalanez, gazteleraz, euskaraz	Bang Ediciones / Mamut Comics	Artur Laperla	Artur Laperla	Esther López Epelde	Bang Ediciones / Mamut Comics	2022tik 2024ra