Igor Sarralde Ussia

Igor Sarralde Ussia Getxon jaiotako ilustratzaile eta komikigilea da. Arte Ederretako ikasketak egin zituen Leioan eta Bartzelonako Escola Joso: Centre de Cómic i Arts Visuals eskolan Art grafic ikasketak burutu zituen.

Kataluniako Museu Nacional d 'Art-en eta Bartzelonako Komiki Azokan egin ditu erakusketak.

2020 eta 2022 urteean, hurrenez hurren, Asier Gorostidirekin lankidetzan 'Euskal Herriko animaliak. Ugaztunak' eta ‘Euskal Herriko animaliak. Ornogabeak’ lanak argitaratu zituen

2021 urtean Getxoarte-ren baitan "Artista bat auzoan" ekimenaren barruan bideo bat egin zuen.

2023 urtean Getxoko Kulturetxeak bultzatutako Sormen Deialdiaren barruan 'Sinestesia Drawing Band' proiektua aurkeztu zuen, eta zuzenean ilustratu zituen urte horretako Jazz eta Folk jaialdietako emanaldiak, bi ekitaldien testigantza grafikoa emanez. 2024 urtean Getxoko Jazzaldiaren 47. edizioko kartela egin zuen, eta kartela egiteko nabarmendu den ezaugarri bat izan da "Christophe Blain edota Blutch komikigile frantziarren trazuak eta azken horren kolore konbinazioak dakartza burura."

Egileak Instagram kontuan erakusten ditu bere lanak

KOMIKIGINTZA

2020 urtean XXXIV. Portugalete Uri Urena Komiki-Lehiaketan euskarazko egile onenari emandako akzesita irabazi zuen 'Sagarra eta gezia' lanarekin, eta Mikel Begoña komiki gidoilaria berarekin harremanetan jarri zen proiektu bat elkarlanean sortzeko. Harriet argitaletxeari proposatu zioten lana argitatzea, eta 2023 urtean irabazi zuen Eusko Jaurlaritzako komiki sorkuntzarako diru laguntzetako batean: honen ondorioz, 'Argia iraungi zen tokia' komikia 2024ko azaroan argitaratu du Harriet Edicionesek.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024AZAROA	Argia iraungi zen tokia	Harriet Ediciones	Mikel Begoña	Igor Sarralde Ussia	Euskaraz Jatorrizkoa		2024, gazteleraz aldiberean.