Aiert Zubigarai "3izkai"

Aiert Zubigarai "3izkai" Elorrion jaiotako ilustratzailea da. 2025 urtean 'Elgeta 1937. Emakumeen memoria' komikia argitaratu zuen.

Igor Leturiak bere blogean kontatu zuen bezala "Komiki hau ekimen zabalago baten parte da, 'Emakumeon Memoria 1937 - Intxortatik Artxandara' ekimena hain zuzen ere, eta asmoa da komiki gehiago egitea, Bilboren erorketa bitartean beste herri batzuen hartzeen (Elorrio, Eibar, Durango, Zornotza, Larrabetzu, Basauri...) eta horietan emakumeei egindako basakerien berri emanez."

Ekimen zabal honen lehen isla 2020an atera zuten txosten da: egitasmoaren azalpena, testuinguru historikoar... Guzti hau Zubigarairen ilustrazio ugariz lagunduta.

ILUSTRATZAILE ETA KOMIKIGILE

Aiert Zubigarairen komiki lanak “H28” aldizkari saretirikoan eta “La gallina vasca” aldizkarian agertu izan dira.

2012 urtean Debagoieneko marrazkilari talde batek 'Zapla' fantzinea sortu zuen eta Zubigaraik komikiak argitaratu zituen bertan.

Urte horietan Zubigarai jarduera anitzetan hartu zuen parte:AEDren Literaturjauzien hirugarren edizioaren barruan komikigintza ikastaroa eskaini zuen, Donibane Lohizunen Euskal Herriko marrazkilarien SketchCrawl topaketan parte hartu zuen, besteren artean Marko Armspach (Uztaritze), Gorka Belasko (Artzentales), Olga Aguirre (Irun), Pili Azkarate (Bergara), Ricardo Azkargorta (Bergara), Kepa Bilbao (Laudio...

Rikardo Ajuriak idatzitako “Jatorriak. Elorrio. Orígenes. San Agustin 1053 – Elorrio 1356” libururako ilustrazioak ere egin zituen.

36ko gerran emakumeek bizi izandakoak

https://goiena.eus logoa 36ko gerran emakumeek bizi izandakoa jasoko du komiki batean Aiert Zubigarai elorrioarrak Larraitz Zeberio Lekuona 2020ko ira. 25a, 09:04 36ko gerran emakumeek bizi izandakoa jasoko du komiki batean Aiert Zubigarai elorrioarrak Aiert Zubigarai 'Emakumeon memoria 1937' liburuarekin.

Intxorta 1937 kultur elkartearekin batera kaleratutako Emakumeon memoria 1937 liburua aurkeztu zuen atzo, Espaloian. Elgetako Memoria Astearen barruan egiten den bigarren aurkezpena da. Fikziozko pertsonaiekin baina benetako gertaerekin osatuko du komikia.

Aiert Zubigarai Bizkai elorriarrak Emakumeon memoria 1937 liburua aurkeztu zuen atzo Espaloian. Handiagoa den proiektu baten aurrerapena da. "110-120 orriko komikia osatu nahi dut. Komikilari bat eta soziologo bat izango dira Elgetatik abiatu eta Artxandaraino eramango gaituen bidaiaren haria. Herriz herri geldialdiak egingo dituzte, eta herri bakoitzean emakume nagusi batek gerra garaiko gertaerak kontatuko dizkie", azaltzen du komikigileak. Kapitulua izango dute komikian Elorriok, Elgetak, Eibarrek, Durangok eta Bilbok, eta ez da beste herri batzuk gehitzeko aukera baztertzen.

Pertsonaiak fikziozkoak izango dira, baina gertaerak ez. "Han eta hemen jasotako benetako gertaerak dira, baina komikian ez ditut beti jatorrizko kokalekuarekin lotuko, eta ekidingo dugu, baita ere, betiko biktimismoan eta heroismoan jaustea".

Fanzineak aterako ditu poliki-poliki komikigileak, eta Elgetakoa izango da lehenengoa. "Espero dut Elgetako kapitulua Durangoko Azokarako prest egotea. Hemezortzi orrialdeko fanzinea izango da, eta Elgetako hitanoan argitaratuko dugu. Euskara batuan eta gazteleraz ere egongo da, QR bidez. Gidoia prest dago, eta marrazkien zirriborroak ere bai. Kapitulu guztiekin, gero, komiki bilduma osatuko dugu".

Fanzine horren lagina da liburu honetan jasotzen dena, eta horrekin batera testuinguru historikoa, frontearen kokapena, garaiko argazkiak, eta gertaeren kontakizuna egin duten emakumeetako batzuen erreferentzia.

Komikia Elgetako euskaraz ere ateratzeko asmoa dago.