«Marko»: berrikuspenen arteko aldeak

23:48, 4 azaroa 2017(e)ko berrikuspena

marko

Edukiak

1 MARKO
2 EUSKARAZ ARGITARATUTAKO KOMIKIAK
3 ALDIZKARIETAKO PARTAIDETZA
4 WEBGUNE ETA SARE SOZIAL PERTSONALAK
5 ELKARRIZKETAK,ARTIKULUAK...

MARKO

Marc Armspach "Marko" marrazkilaria 1969 urtean jaio zen Bordelen (Frantzia). 11 urterekin Franquin komikilariaren lanak bideratu zuen marrazkigintzara. Baionan egin zituen ikasketak, arte plastikoetan trebatuz eta Pauen Arte Ederrak ikasi zituen.

1985 urtean L 'Histoire de la ville de Bayonne et de sa region komikia argitaratu zuen.

1989 urtean marrazkilari profesional gisara Studio Ellipse-en egin zuen lan, “Babar” elefantearen marrazki bizidunen sailerako. Beranduago Lotura Films-erako ere marrazki bizidunak landu zituen.

Iparraldeko hainbat mugimenduen kanpainetarako marrazkiak egin zituen, eta Har Hitza! aldizkarian 1991tik 1994ra argitaratu zituen bere lanak, Marraz kitza! bilduman kaleratu zirenak(1995, Har Hitza!)

90.hamarkadan Kukubiltxo taldearekin lanean aritu zen storyboard, pertsonai eta dekoratuen diseinuan Orreaga ikuskizunerako : izen bereko komikia argitaratu zuen 1991 urtean (Sua Edizioak) Beñat Lefever-en gidoiarekin.

1991 urtetik aurrera Napartheid komiki aldizkarian argitaratu zituen bere komikiak.

Garai horretan Xirrista eta Kometa haur aldizkarientzat marrazten aritu zen.

Pedro Mari komikia 1995 urtean argitaratu zuen (Arturo Campion Kultur Elkartea / IKA)

1995 eta 1999 urteen artean Argiarako Markok "Errobiko Pirañak" zinta egin zuen.

1997 urtean Absurde lantaldea osatu zuen Asisko Urmenetarekin. Hainbat lanen artean, Marijan kanta zan diskarako marrazkiak egin zituzten.

2001 urtetik aurrera beste kide batzuekin eta Olier marrazkilari eta gidoilariarekin Kebawe kolektiboan aritu zen. Olier-ekin ibilbide luzea egin du, Euskal Herriko Kazetarako komikiak egin zituzten eta Agence Barbare saila egin zuten (4 album) eta 2011 urtean frantsesez Olier gidoilariarekin “Les Godillots” sailari eman zion hasiera, lehen mundu gerran kokatutako istorioak. Xabiroi aldizkarian ere Haratago saileana aritu dira.

Argia aldizkarian ere Asisko Urmeneta eta Jokin Larrearekin elkarlanean Gartxot komikia argitaratu zuen (album formatuan 2003an, Komunikazio Biziagoa / Argia / Absurde) Urte horretan Korsikako Nazioarteko Komiki Jaialdian Mediterraneo saria irabazi zuten eta Bretoierara itzulia izan zen.

2012 urtetik aurrera Beka gidoilari bikotearekin munduko lurralde ezberdinetan gertatzen diren abenturak komikiratu ditu, eta horietatik “Voyage en Chine”, “Voyage en Inde” eta "Le jour où le bus est reparti sans elle" 2016ean eta Le jour où elle a pris son envol 2017an: euskaraz eta gazteleraz 2017 urtean argitaratu zituen bi lan hauek Harriet etxeak.

Inaki Holgadorekin eta beste autore batzuekin lankidetzan 2014ean frantsesez Aio Zitelli! argitaratu zuen (Aletak itzuli zune gaztelerara) eta 2017an Verdun lana argitaratu zuen.

Vivre avec... saileko umore grafikoko lanak interneten eta liburuan (2016) argitaratu ditu.

Xabiroi eta H28 aldizkarietan argitaratu ditu komikiak.

Absurde eta Kebawe garaietatik Facebook eta Twitter garaietaraino, flash animazioen egile eta irakasle gisara ere, internet sarean presentzia handia izan du beti Markok.

Liburu anitzen ilustratzaile da, Ikastoletako Urtxintxa materialetako irudigile, Jimmy Arrabit trio taldearen kontzertuetan marraztu, jatorrizko Kukuxumuxu taldeko irudigile eta KatukiXaguyaki-n topatu daitezke ere bere irudiak.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2017 09 IRAILA	Neska hura hegan hasi zen eguna	Harriet Ediciones	BEKA	Marko	Frantsesetik itzulia	Joanes Urkixo Beitia	2017 08 ABUZTUA Le jour où elle a pris son envol, Frantsesez (Bamboo Editions)
2017 01 URTARRILA	Autobusa berriro bera gabe abiatu zen egunekoa	Harriet Ediciones	BEKA	Marko	Frantsesetik itzulia	Joanes Urkixo Beitia	2016 08 ABUZTUA Frantsesez Le jour où le bus est repartit sans elle (Bamboo)
2016 05 MAIATZA	Txinara bidaia	Harriet Ediciones	BEKA	Marko	Frantsesetik itzulia	Arkaitz Almortza Muro / Juan Mari Zurutuza	2013 Frantsesez(Bamboo) 2014 Gazteleraz (Harriet Ediciones)
2016 05 MAIATZA	Indiara bidaia	Harriet Ediciones	BEKA	Marko	Frantsesetik itzulia	Arkaitz Almortza Muro / Juan Mari Zurutuza	2013 Frantsesez(Bamboo) 2014 Gazteleraz (Harriet Ediciones)
2003 11 AZAROA	Gartxot	Komunikazio Biziagoa / Argia / Absurde	Asisko	Marko Armspach (marrazkiak) Jokin Larrea (kolorea)	Euskaraz Jatorrizkoa		2003ko Maiatzaren 18an Argia aldizkarian hasi ziren argitaratzen zatika eta ondoren argitaratu zen album moduan
1995	Pedro Mari	Arturo Campion Kultur Elkartea / IKA	J.O, Arturo Campionen ipuin bat jatorri	Marko Armspach	Euskaraz Jatorrizkoa	Hartzea/Sagrario/Nekane	1995
1991 Abendua	Orreaga	Sua Edizioak	Beñat Lefever	Marko Armspach	Euskaraz Jatorrizkoa	Itxaro Borda/Ermiñe M.Belaustegigoitia	1991 Abendua