Iñigo Goikoetxea Alargon
Iñigo Goikoetxea Hondarribian jaiotako komikigilea da. Arkitektura ikasketak egin zituen.
2017an argitaratu zuen bere lehen komiki albuma, Jaizkibel 20.
Hondarribiako Alardeko Jaiaren barne 2013an hasi zen parte hartzen Jaizkibel konpainia parekidean. Bere ekimenez eta beste kideekin partekatu gabe hasi zen komikia sortzen "Beti nahi izan dut komiki bat egin, eta Jaizkibelen borroka marraztea erabaki nuen”. “Ahalduntze eta borroka historia gogoangarria da, niretzat plazera izan da nire lehen komikia hau izatea. Gainera, komiki baterako gai ezin interesgarriagoa dela deritzot”.
Eta proiektua oso aurreratua zuenean erakutsi zien zirriborroa Jaizkibel konpainiakoei, eta hauen oneritzia jaso eta gero komikia bururaino eraman zuen.
“Ikerketa ez da gogorra, liburuak daudelako, baina bakarrik lan egitea bai egin zait gogorra. Ez nuen denbora asko, eta kontakizun grafikoan, eta alde estetikoan, asmatzen ari nintzen jakin gabe aurrera egitea gogorra egin zait”.
Lau azal prestatu zituen egileak, konpainiako jarraitzaileek facebook orrian aukeratu zezaten Jaizkibel konpainia. 20 urte komikiaren azala, eta herritarren botoen bitartez aukeratu zuten behin betikoa.
Lehenik euskarazko bertsioa argitaratu zen, Durangoko Azokarako, eta ondoren gaztelaniazkoa.
Bidasoalko Hitzan kontatzen denez, "Bi zatitan banatuta dago Jaizkibel konpainia 20 urte komikia. Batetik, alde historikoa jorratzen du, 1638ko setioaren kontakizuna egiten du, eta Hondarribiko herritarrek Guadalupeko Amari setiotik libratzen laguntzeagatik egin zioten agindua, hots, egungo Alardearen jatorria. Gainera, guda hartan eta, oro har, gertaera historikoetan emakumeek izan zuten parte hartzea balorean jarri nahi izan du marrazkilariak, “historiako emakume ahaztu guztiei omenaldi gisa balio dezala”."
Bigarren zatia Jaizkibel konpainiari eskaintzen zaio, Alardean parte hartzen saiatu ziren unetik gaur eguneraino.
Iruzkina Igor Leturiaren Blogean
Elkarrizketa Berria egunkarian
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 12 ABENDUA | Jaizkibel konpainia. 20 urte | Jaizkibel konpainia | Iñigo Goikoetxea Alargon | Iñigo Goikoetxea Alargon | Edizio Elebiduna | 2017 12 ABENDUA |
