Emilio Ruiz

Emilio Ruiz Santanderren 1960 urtean jaiotako sortzailea da, Arte ederrak Valentzian ikasi ondoren argazkilaritza eta ikusentzunezkoen munduan lan egin duena, profesional eta artista moduan.

Euskaraz irakurri daiteke Emilio Ruizen gidoiaz Ana Miralles marraztutako Waluk komikia, Astiberrik 2017an argitaratua.

90. hamarkadan komikien gidoigintzari ekin zion eta Ana Miralles marrazkilararekin lankidedetzan El Brillo de una Mirada albuma argitaratu zuten, lan harreman emankorrari hasiera emanez; 1998 Diario de Avisos egunkariaren komiki saria irabazi zuten Juan Eslava Galán idazlearen En busca del unicornio liburuaren komiki egokitzapenarengatik.

2009an De mano en mano komikia sortu zuten (De Ponent), eta 2011ean Muraqqa ere, mogolen gortean artista den emakume baten istorioa.

2011ean sortu zuen Ana Miralles marrazkilariarekin Wáluk komikia eta izen bereko Hartz zuri horri buruzko lan hau Estatu Espainiar eta Frantziarrean, Brasilen eta EE.BBetan argitaratu zen;

Waluk sailaren bigarren liburukia gazteleraz 2017an argitaratu zuten, eta urte horretan argitaratu zen lehen atalaren euskarazko bertsioa: 2018an bigarren atala euskaraz argitaratu zen "Bidaia handia" izenburupean

Emilio Ruiz eta Ana Mirallesek 2019ko apirilean argitaratu zuten Waluk Sailaren hirugarren atala, eta aldiberean argitaratu zen euskaraz.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2019 04 APIRILA	Waluk 3: Txakur handiaren bidea	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2019, Waluk La ruta del Can Mayor Astiberri
2018 ABENDUA	Waluk 2: Bidaia handia	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2017, Waluk La gran travesiaAstiberri
2017 URRIA	Waluk	Astiberri	Emilio Ruiz	Ana Miralles	Gazteleratik itzulia	Bego Montorio Uribarren	2011, Waluk Astiberri