Elias Taño

Elías Taño 1983 urtean Tenerifen jaio eta gaur egun Valentzian bizi den artista grafikoa da. 2021eko otsailean euskaraz Jaungoikoa, Aberria, Foruak eta Altsasu komikia argitaratu zuen 'Antsoain Komiki Boom' Jardunaldien antolatzaileen laguntzaz.

Lehen ikasketak Tenerifeko Fernando Estévez arte eta diseinu eskolan egin zituen, Bartzelonan jarraitu zituen ikasketak eta 2004 urtean Valentziara joan zen formakuntzarekin jarraitzeko asmoz: hiri horretan garatu du bere irudigile, komikigile eta sortzaile ibilbide gehiena, bertan fanzine eta autoedizioaren munduan murgildu zen eta elkarlan esperientzia ugaritan parte hartzen du.

Diseinugile grafiko bezala lan egiten du, autoedizio proiektuetan parte hartzen du eta gizarte mugimendu anitzekin elkarlanean aritzen da. Dissenycv atariari adierazi zionez arte soziala baino arte politikoa aldarrikatzen du eta irudigile lanbideari buruzko hausnarketa zorrotzak egiten ditu, sektorearentzako lan baldintza duinak aldarrikatuaz. Associació de Professionals de la Il·lustració Valencianako kide da, eta bestalde klaseak ematen ditu Valentziako Unibertsitatean..

2011 urtean 'Arros Negre'fanzinearen lehen alea argitaratu zuten; 2014 urtean Bartzelonako komiki Azokan sari bat jaso zuen eta 2017 urtean 7. eta oraingoz azken alea argitaratu zuten. 'Color carne', eta 'Alta tensión' fanzineetan argitaraTu ditu lanak ondoren. 'Armadillo' fanzinean argitaratu zituen lanak ere, eta adibidez 2014ko 2. alean ("En los bosques, perdido" lemapean argitaratu zena) 20 bat sortzaileren artean zenbait euskaldunek ere parte hartu zuten. Irati Fernandez, Iratxe Lopez de Muniain, Joseba Larratxe, Laida Muruzabal...

2011 urtean ere Carla Chillidarekin batra "Atirohecho" proiektua jarri zuen martxan antzerkirako karteleria eta animazio baliabideak sortzeko. Ordudanik "Atirohecho" konpainiarako eta betse anzterki taldeentzako egin dute lan (Teatro del Barrio, Institut Valencià de Cultura…)

Musika taldeekin lankidetzan aritu da ere, Maluks taldearekin adibidez baina baita El Drogasekin ere.

2012 urtean Injuveko komiki sariketa irabazi zuen.

2019 urtean italian eta 2020 urtean gazteleraz 'Los Delitos de Papel' ordurarteko lanen bilduma argitatu zuen.

2018 ALTSASUKO GAZTEEI BURUZKO HORMA-IRUDIAK

Estilo ezberdinak erabiltzea gustatzen zaio Tañori, eta horma-irudfien munduan 'Brigada Ramona Parra' Txileko kolektiboak diktadurapean erabilitako teknika moldatu du, artistak horma-iudiaren marra nagusiak egin eta gero herritarrek kolorez betetzen dituzte lanak.

2018ko udaran Elias Tañok Valentziako Sagunt hiriko 'Mes que murs' jardunaldietan parte hartu zuen, eta bertako merkatuko paretetan aldarrikapen ezberdinen artean altsasuko gazteekin elkartasunezko irudi eta hitz batzuk marraztu zituen.

Ondoren Valentzia hirian beste horma-írudi bat egin zuen, baina epe laburrean ezabatu zuten. Valentziako Udalak zenbait horma-irudi eta graffiti adierazpen artistiko gisara hartzen ditu eta soilik ezabatzen ditu arrazakeria, homofobia, indarkleriaren apologia, partidismoa... eta antzeko arrazoiengatik, eta Udalean eztabaida sortu zen adierazpen askatasunari buruz,horma-irudiak Altsasun erasotuko Guardia Zibil eta neskalagunak iraintzen zituelakoan. Beste esparru batean horma-irudia egiteko baimena eman zioten, ezabatua izan zen berriz eta hirugarrenez margotu zuenean ezezagun batek spray-ez tapatu zituen hitzak.

2018ko iralean Altsasuko Burunda frontoian horma-irudi berri bat margotu zuen Tañok 'A tiro hecho' kolektiboko kidea den Carla Chillida eta hainbat boluntarioen laguntzaz.

2020 'DIOS, PATRIA, FUEROS Y ALTSASU' KOMIKIA

Guaixe Sakanako atariari kontatu zion bezela, "Bilboko lagun batzuekin sortu zitzaidan komiki bat egitearen ideia. Gallina Vascako lagunekin hitz egitean bururatu zitzaidan gure ikuspuntutik kontatu beharrean, hori nahiko ongi azalduta dagoela, haien ikuspuntutik egitea". Koxka tabernaren aurrean izandako iskanbilaren eta ondorengoen kontakizuna eskaintzen du, eta epaiketako probak oinarri hartuta gaia ironizatu du Tañok: "Nola egin zuten ikerketa, nortzuk salatu zituzten eta zergatik…".

2021 LEHEN KOMIKIA EUSKARAZ

2021eko otsailean euskaraz Jaungoikoa, Aberria, Foruak eta Altsasu komikia argitaratu zuen Tañok 'Antsoain Komiki Boom' Jardunaldien antolatzaileen laguntzaz: Jarddunealdietan parte hartu zuen eta Txokogorrin horma-irudi berri bat egin zuen.

KOMIKI PROIEKTU BERRIAK

Beste proiektuen artean, "El Romancero Violento" komikia lantzebn ari da Elías Taño, inoiz elkar ezagutu ez zuten Lorca eta Pasoliniri buruzko harreman "ukroniko" bati buruz. Italian argitaratuko da, eta gazteleraz zein euskaraz argitaratzeko aukera aztertzen ari dira.

EUSKARAZ IRAKURRI DAITEKEEN AUTOREAREN KOMIKIA

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021 02 OTSAILA	Jaungoikoa, Aberria, Foruak eta Altsasu	Antsoain Komiki Boom	Elias Taño	Elias Taño	Gazteleraz jatorrizkoa	?	2020 10 URRIA Gazteleraz: Dios, Patria, Fueros y Altsasu (Egilea Editore)