Bertsozale Elkartea

Euskal Herriko Bertsozale Elkartea bertsolaritza geroratzeko sortutako gizarte mugimendua da. 1987. urtean sortu zen, eta, bertsolaritzaz arduratzen diren bestelako eragile guztiekin batera, bertsolaritza zaintzea, sustatzea, ikertzea eta haren transmisioa eta etorkizuna bermatzea da beraren egitekoa.

Wikipediaren arabera 2.500 bazkide inguru ditu. Hiru lan ildotan egiten du lan Bertsozale Elkarteak: belaunaldiz belaunaldiko transmisioan, bertsotarako plazen sustapenean eta hedapenean, eta bertsolaritzaren ikerketan. Proiektuen artean entzutetsuena Bertsolari Txapelketa Nagusia da egun.

Elkartearen "ekosistema" osatzen dute Xenpelar Dokumentazio Zentroak, Mintzola Ahozko Lantegiak eta Lanku Kultur Zerbitzuek.

Bertsolari Aldizkaria argitaratzen du.

BERTSOLARITZA ETA KOMIKIGINTZA

Hitza ardatz duen bertsolaritzak beste arte eta kultura adierazpideekin uztartze anitzak izan ditu: musikarekin, literaturarekin, dantzarekin, antzerkigintzarekin, ikus-entzunezkoekin, arte plastikoekin... Hedabideetan bertsolarien presentzia ere, sorkuntza lanetan, aurkezle bezala, iritzi emaile, zutabegile... Bertsolari Aldizkarian hibridazioari ale bat eskaini zioten

komikigileek bertsoak eta bertsolariak erabili izan dituzte euren lanetan, eta adibidez Antton Olariagaren zintagintzan argi ikusi daiteke harreman hori.

Agian aurrekariren bat dagoen arren, 90. hamarkadatik aurrera marrazkigintza eta bertsolaritza elkarrekin agertu dira modu ezberdinetan.

1996 urtean 100 urte bete ziren  The Yellow Kid komikia argitaratu zenetik, bunbuiluak erabili zituen lehena eta arte sekuentzialaren adibide. Bertsolari Aldizkariaren 22. zenbakia urteurren honi gorazarre egin eta 'Bertsokomik' kontzeptuaren inguruan mamitu zen.

Bi atalez osatzen zen: batean bertsolariek prestatutako gidoiari marrazkigileek irudiak jarri zizkieten. Bigarrenean, berriz, bertsolariak marrazkigile ageri ziren. Parte hartu zuten sortzaileak bertsolarien artean Andoni Egaña, Sebastian Lizaso, Asier Iriondo, Xabier Silveira, Maddalen Lujanbio Joxean Agirre Bertsolariak eta irudigileen artean Jokin Mitxelena, Olariaga, Mattin, Jon Zabaleta, Asisko, Maite Martinez de Arenaza eta Txema Garzia.

1998an Arabako Bertsozale Elkarteak BERTSOkomik lehiaketa antolatu zuen.

2006 urtean sortu zen 'Gu eta gutarrak' taldea Igor Elortza eta Unai Iturriaga bertsolarien eta Josu Zabala musikariaren ekimenez 2007ko otsailetik 2008ko ekaina bitartean aritu ziren saioak eskaintzen, eta emanaldi bakoitzak berezitasun bat zuen: tokiko lagun sortzaile bat gonbidatzen zuten taulara. Ez ziren gutxi izan komikigileak.

2014 urtean EHUko Udako Unibertsitatean bertsolaritza eta beste sormen adierazpideen arteko harremanaz hausnarketa egin zen 'Bertsolaritza eta beste sorbideak' izenburupean. Unai Gaztelumendi bertsolari eta irudigilea izan zen ikastaroaren zuzendaria.

Maialen Lujanbiok "Bertsolaritza eta jendaurreko ikuskHitzunak" hitzaldia eskaini zuen,Andoni Egaña bertsolaritza eta hedabideetako kolaborazioei buruz aritu zen eta Unai Iturriaga bertsolaritza eta komikigintza izan zituen hizpide.

Iturriaga komikigintzan irudigile eta gidoilari aritua da.

BERTSOLARI ALDIZKARIA

Beñat Hach Embarekek aldizkariaren koordinatzailea da 2017tik eta Berriari elkarrizketa 2021ean

Komikigintzarekin ere apustua egin duzue azkenaldian.

Bertsozale komunitatea oso profil ezberdinetako jendeak osatzen du, eta bada talde zabal bat, zeinak bertsolaritza gustuko duen, baina baita beste kultur adierazpide batzuk ere. Komikigintza ere bada askotariko jendearengana iristeko bide bat, eta horretan gabiltza. Neguan Gaztelumendi anaiekin komiki bat publikatuko dugu: Bidea da borroka.

Bertsozale belaunaldi berriengana iristea lortu duzue?

Esango nuke iritsi garela, bereziki komiki, podcast eta halakoen bidez. Paperekoari dagokionez, etxe askotan bertsozaletasuna belaunaldiz belaunaldi pasatu da, eta etxe askotan jarraitzen dute aldizkaria jasotzen 30 urteren ondoren. Baina badugu zer asmatu. Bertsolari eta bertsozale gazteak parte hartzen ari dira aldizkarian, eta jarraitu behar dugu horretan, haientzat aldizkaria espazio interesgarria izan dadin bertsolaritza ikusten duten bezala kontatzeko. Hori izan liteke erronka nagusia.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021	Bidea da borroka	Bertsozale Elkartea (Bertsolari Aldizkaria 124. zenbakia)	Beñat Gaztelumendi	Unai Gaztelumendi	Euskaraz Jatorrizkoa		2021 11 AZAROA
2019	Nori	Bertsozale Elkartea (Bertsolari Aldizkaria 116. zenbakia)	Xabi Paya /Patxi Gallego	Patxi Gallego	Euskaraz Jatorrizkoa		2017ko neguko 107. Bertsolari aldizkarian Nori komikia hasi zen argitaratzen atalez atal.
2017	Arditutakoak	Bertsozale Elkartea (Bertsolari Aldizkaria 108. zenbakia)	Mikel Begoña	Adur Larrea	Euskaraz Jatorrizkoa		2017 11 AZAROA
2015	Nork	Bertsozale Elkartea (Bertsolari Aldizkaria 100. zenbakia)	Xabi Paya /Patxi Gallego	Patxi Gallego	Euskaraz Jatorrizkoa		Bertsolari aldizkariaren 89.zenbakian, 2013ko martxoan, Hamar bertsolaritxo komikia argitaratzeari ekin zion, Agate Krixtinen gidoiaz eta Patxi Gallegoren marrazkiekin
1996	Bertsokomik	Bertsozale Elkartea (Bertsolari Aldizkaria 22. zenbakia)	Andoni Egaña Sebastian Lizaso Asier Iriondo Jokin Mitxelena Xabier Silveira Maddalen Lujanbio Joxean Agirre	Olariaga Mattin Jon Zabaleta Asisko Maite Martinez de Arenaza Txema Garzia	Euskaraz Jatorrizkoa		1996 07 UZTAILA