Stephen Desberg

Stephen Desberg 1954an Bruselan jaiotako belgiar komiki gidoilaria da, eta Frantzan 2020 urtean komiki gehien saldu zituzten 10 komikigilen artean sailkatu zen.

Wikipediaren arabera txikitatik zinema (bere aita Metro Goldwyn Mayer konpainiako banatzailea zen) eta komikiak izan zituen eskura: Michel Deligneren komiki dendako ohiko bezeroa izan zen, eta honen eskutik argitaratu zuen bere lehen lan bat eta honek jarri zituen Spirou aldizkariko komikigieekin harremanetan:  Tillieux (Jess Long eta Tif et Tondu sailak), Benn, Pierre Seron, Raymond Macherot, Eric Maltaite...

80. hamarkada bitartean haur eta gazte komikigintzan aritu zen, musika munduan ere saiakerak egin zituen, eta garai horretan hasi zen helduentzako komikigintzan, Dupuis etxetik Casterman etxera mugituta eta Will eta Johan De Moor irudigileekin lankidetzan. Angulemako Komiki Jaialdian 2 sari jaso zituen. 2000 urtetik aurrera arrakasta izan zuen  IR$ eta Le Scorpion sailekin, eta ordudanik frankobelgiar komikigintzako autore ezagunena bihurtu da.

EUSKARAZ ARGITARATUTAKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 04 APIRILA	Ekoline	Harriet Ediciones	Stephen Desberg	Teresa Martínez	Frantsesetik itzulia	Miel Angel Elustondo Etxeberria	2021 06 Ekaina 'Ecoline', Frantsesez, Bamboo Édition (Grand Angle)
2023 05 MAIATZA	Ekoline: Pariseko margolaria Ekoline Saila 2	Harriet Ediciones	Stephen Desberg	Teresa Martínez	Frantsesetik itzulia	Miel Angel Elustondo Etxeberria	2023 01 Urtarrila 'Ecoline'2, Frantsesez Bamboo Édition (Grand Angle)