Gehitu

Gehitu Euskal Herriko lesbiana, gay, trans eta bisexualen eskubideen aldeko irabazi asmorik gabeko elkartea da, 1997an Donostian (Gipuzkoa) sortua. Elkartearen helburua da gay, lesbiana, bisexual eta transgeneroek dituzten eskubideak oso-osorik ontzat hartuak izatea, sexu afektibitatea eta genero nortasuna garatu ahal izateko beharrezkoa deritzoten duintasunaz eta berdintasunaz gozatzeko, eta arlo honetan gizarte eta lege bazterketa oro amaiaraztea.

GEHITU-k hainbat jarduera eta proiektu garatzen ditu: hitzaldiak, ekainaren 28ko gay pride egunari lotutako ekitaldiak, jardunaldi monografikoak, Nazioarteko Zinemaldian “Sebastiane” sariak ematen ditu... Bestelako ekitaldiak ere antolatzen ditu aldian behin: ibilaldiak eta kirol ekitaldiak oro har, txangoak, asteburuko irteerak, festak... Bazterketaren aurka ere lan egiten du, batez ere komunikabideetan, erakunde publikoen aurrean eta hezkuntza-arloan.

Gehitu Magazine aldizkaria argitaratzen du, eta bertan argitaratu ziren lehen aldiz L.S.B Ana-ren komikiak

'Harrotasunezko binetak' izenburuko Monografiko bat argitaratu zuen aldizkariaren 2018ko 101 zenbakian, nagusiki gaztelaniaz eta euskarazko testu edo istorioren batekin

Komikigintza eta sentsibilizazioa uztartuz, 2018 urtetik Mugen Gainetik elkartearekin batera Erdialdeko Amerikako eta Euskal Herriko komikigile eta aktibisten elkarlanetik sustatutako komikiak argitaratu ditu Gehituk eta hainbat erakusketa antolatu dira komiki lan hauen inguruan.

Proiektu honetan parte hartu duten euskal egileak: Mamen Moreu Bibibián, Susanna Martín... Teresa Castro ale bakoitzean istorio bat ilustratzeaz gain egitasmoaren koordinazioan aritu da.

EUSKARAZ ARGITARATUTAKO LANAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2018 04 APIRILA	LSBAna	Egilea editore / Crowfunding bidez / Gehitu / Mugen Gainetik	Teresa Castro	Teresa Castro	Edizio Eleanitza	Itziar Barrenetxea / Begoña Vargas / Irene Elorza / Izaskun Azurmendi	2018ko Apirila

HAINBAT AUTOREEKIN ARGITARATUTAKO KOMIKI ANTOLOGIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2022 12 ABENDUA	Garena Gara LBT Emakumeen eta Pertsona Ez Bitarren komiki transozeanikoak	Gehitu / Mugen Gainetik	Teresa Castro/ Leslie Xamara/Andrea Conde Elkano/Dani CyC/Chris G. Represa/Mamen Moreu Bibibián/ReyRey/Eider Santos/Lola Verónica Vasquez	Teresa Castro/Andrea Conde Elkano/Dani CyC/Chris G. Represa/Mamen Moreu Bibibián/ReyRey/Eider Santos/Lola Verónica Vasquez	Jatorrizkoa Gazteleraz/Bi edizio aldiberean, gazteleraz eta euskaraz	?	2022 abendua
2021 10 URRIA	Beste Aldetik Hemengo eta hango trans emakumeen bizipenak komikian	Gehitu / Mugen Gainetik	Teresa Castro/Fergie Barahona/Susanna Martín/Sydney Hilton/Amalia Leiva/Estuarta Recinos/María José Manzano/Catalina Parra/Elsa Ruiz/Sara Soler/Xulia Vicente/Aitzole Araneta	Teresa Castro/Sydney Hilton/María José Manzano/Susanna Martín/Catalina Parra/Elsa Ruiz/Sara Soler/Xulia Vicente	Jatorrizkoa Gazteleraz/Bi edizio aldiberean, gazteleraz eta euskaraz	?	2021 urria
2019 01 URTARRILA	Opil eta Muxilen binetak komiki lesbikoak bi ertzetatik	Gehitu / Mugen Gainetik	Susanna Martín / Teresa Castro / Belizza Buzollo Carla Berrocal / Sheila Alvarado / Nacha Wollenweider / Victoria Rubio / Katherine Supnem / Miriam Muñoz / Xulia Vicente	Susanna Martín / Teresa Castro / Belizza Buzollo Carla Berrocal / Sheila Alvarado / Nacha Wollenweider / Victoria Rubio / Katherine Supnem / Miriam Muñoz / Xulia Vicente	Jatorrizkoa Gazteleraz/Bi edizio aldiberean, gazteleraz eta euskaraz	?	2019 Viñetas de tortas y bollos (Gehitu eta Mugen Gainetik)