Didier Conrad
Didier Conrad Marseillan 1959 urtean jaiotako komikilaria da, gidoigintzan eta marrazkigitzan aritzen dena eta ezagunago bihurtu dena 2013 urtetik aurrera Asterix pertsonaiaren album berrien marrazkilari bihurtzean.
Frantziar wikipediaren arabera 14 urtekin argitaratu zuen bere lehen lana Journal de Spirou komiki aldizkarian. 5 urte beranduago, 1978an Jason izeneko lehen komikia argitaratu zuen Mythic-en gidoiaz. Ondoren Yann gidoilariarekin bikotea osatu eta elkarlanean ibilbide luzea egin zuten Dupuis eta Glenat etxeetan.
Sophie Commenge gidoilariarekin ere ibilbide oparoa osatu zuen.
80,90 urteen artean komiki ugari argitaratu zituen eta 1996 urtetik aurrera El Doradorako bidea animazio filmerako lanak egin zituen(2000 urtean estreinatu zena) eta Yann-ekin lan berriak sortu zituen.
2011ko uztailaren 25ean Albert Uderzo eta Hachette Argitaletxeak Asterix pertsonaiaren abentura berrien marrazkilari gisara aurkeztu zuten Didier Conrad, handik aurrera Jean-Yves Ferri-ren gidoiekin lan egiteko. Aurkezpen horrekin Asterix pertsonaiaren sortzaile eta gidoilari Goscinny hil ondoren Uderzo marrazkilariaren esku geratu zen saila beste komikilari batzurekin argitaratzen jarraitzeko erabakia berretsi zen. (Igor Leturiaren Blogean informazio gehiago)
Asterixen ibilbide berrian, bi autore hauen lehen lana 2013an argitaratu zen, Asterix eta Piktoak, sailaren 35. albuma.
2 urtean behin argitaratzen dira Asterixen abenturak, eta sortzaile bikote berriak 5 album egin ditu elkarlanean, baina jakinarazi zuten posible zela 2021 urteko 'Asterix eta grifoa' ziklo honetako azkena izatea: Ferryk adierazi zuen istorio bakoitzak ia bi urteko dedikazioa eta ahalegin handia exigitzen duela, eta album berrietarako ideia indartsu argirik ez izatekotan Asterixen abenturen gidoilari lanak beste baten esku uzteko unea iritsi zitekeela.
Gauzak horrela, 2022ko abenduan jakinarazi zen Jean-Yves Ferriren ordez Fabcaro arduratuko zela Asterix eta Obelixen 40. albumaren gidoiaz eta 2023 urteko urriaren 26ran argitaratu da Asterixen 'Lirio zuria' komikia.
EUSKARAZ ARGITARATUTAKO KOMIKIAK
Asterix bildumaren album berriak
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2021 10 URRIA | Lirio zuria | SALVAT/BRUÑO Asterix Bilduma Klasikoa 40 | Fabcaro | Didier Conrad | Frantsesetik itzulia | Maddalen Arzallus Antia | 2023 10 urria 'L'Iris blanc' Les Editions Albert René |
| 2021 10 URRIA | Asterix eta grifoa | SALVAT/BRUÑO Asterix Bilduma Klasikoa 39 | Jean-Yves Ferri | Didier Conrad | Frantsesetik itzulia | Maddalen Arzallus Antia | 2021 10 urria 'Asterix et le griffon,' Les Editions Albert René |
| 2019 10 URRIA | Vertzingetorixen alaba | SALVAT/BRUÑO Asterix Bilduma Klasikoa 38 | Jean-Yves Ferri | Didier Conrad | Frantsesetik itzulia | Maddalen Arzallus Antia | 2019 10 urria La Fille de Vercingétorix Les Editions Albert René |
| 2017 10 URRIA | Asterix Italian | SALVAT/BRUÑO Asterix Bilduma Klasikoa 37 | Jean-Yves Ferri | Didier Conrad | Frantsesetik itzulia | Maddalen Arzallus Antia | 2016 10 URRIA Astérix et la Transitalique Les Editions Albert René |
| 2015 10 URRIA | Zesarren Papiroa | SALVAT/BRUÑO Asterix Bilduma Klasikoa 36 | Jean-Yves Ferri | Didier Conrad | Frantsesetik itzulia | Maddalen Arzallus Antia/Usua Lasa | 2015 10 URRIA Le Papyrus de César, Les Editions Albert René |
| 2013 10 URRIA | Asterix eta piktoak | SALVAT/BRUÑO Asterix Bilduma Klasikoa 35 | Jean-Yves Ferri | Didier Conrad | Frantsesetik itzulia | Usua Lasa | 2013 10 URRIA Astérix chez les Pictes,Les Edition Albert Rene |
