Amaia Telleria

1993 urtean Idiazabalen jaiotako idazlea da.

Amaia Telleria Idiazabalen 1993 urtean jaiotako idazlea da.

Galtzagorri atariaren arabera, Lehen Hezkuntzako Gradua egin ondoren Idazle Eskolan graduondokoa egin zuen.

Ipuingintzan, zenbait aldizkarietan argitaratu zituen bere lanak eta sariak ere jaso zituzten bere lan batzuk: 'Geranioen iraultza' (Gordexola Harana eta Koldo Eleizalde sariak), 'Oihartzunak gordetako sekretua' (Errenteria Hiria lehiaketan saritua) ...

2020an argitaratu zuen bere lehen eleberria, 'Haize-Lekuak' eta 2021 urtean 'Pitzatuta gaude denok!'. Alberdania argitaletxeak euskaraz zein gazteleraz argitaratu ditu lan hauek

2020 urtean 36ko gerra garaiko bere familiari buruzko lanarekin 'Elur gorrituaren egunak' lanarekin Karmele Igartua lehiaketan aipamen berezia jaso zuen, eta Instagram bidez ezagutu zuen Laida Ruiz-ekin elkarlanean eleberri grafiko bat sortzeko prozesuan murgildu ziren.

2021ean, gazte literatura arloko bere lehenengo lana argitaratu zen: 'Zuhara: Itsasoaren deia', eta jada hiru liburuki ditu sail honek. Laida Ruiz ilustratzaileak jantzi zituen irudiz itsaslamina gazte honen istorioak.

2023ko azaroan argitaratu zen  'Elur gorrituaren egunak' eleberri grafikoa eta Hernanikomik azokan aurkeztu zuten lan hau eta azaroaren 23an Idiazabalen egin zen beste aurkezpen bat.

DATA	IZENBURUA	ARGITARATZAILEA	GIDOIA	MARRAZKIAK
2023 AZAROA	Elur gorrituaren egunak	Denon Artean Cenlit	Amaia Telleria	Laida Ruiz