Paula Estévez

Paula Estévez del Diego Donostian 1984an jaiotako ilustratzailea, komikigilea eta musikaria da.

Wikipediaren arabera Arte Ederrak ikasi zituen, argazkigintzan eta ikus-entzunezkoetan espezializatuz. Ikasketak amaitu ondoren Berlinen 4 urte pasa zituen eta han ekin zion berriz ere marrazteari. Berrian elkarrizketatu zuten eta bere ibilbidearen berri eman zuen bertan.

Bere lana batez ere komiki, ilustrazio eta animaziora zuzendu du.

Beste kide batzuekin batera autoedizio ekimen ezberdinak sustatu ditu, adibidez Guillotina Donostiako lehen Autoedizio Topaketen antolaketan: 2014ko udaberrian besteren artean Mikel Larraioz eta Maite Caballero izan zituen kide antolakuntzan, Donostiako eta inguruetako mugimendu editorial underground-a ikusgai egiteko helburuarekin.

Autoedizioaren bidetik ere, Paula Estévezen lanak aldizkari, komiki eta fanzine ezberdinetan agertu dira: Hijos Acabados, Berlin Scrawling, So International Zine...

Argia, Cáñamo eta Gaztezulorako egin ditu ilustrazioak. Berrian, besteren artean, Erresistentzia Kutxa ekimenean parte hartu zuen eta DK Etxean proiektuan

Besteren artean Cristobal Balenciaga Museoa , Elhuyar, Cristina Enea Fundazioa eta beste erakunde batzuentzat ere lan egin du.

Horrez gain, 2017tik Oki Moki pop-punk taldean jotzen du; hainbat musika taldeen kontzertuetarako afitxak eta diskoen azalak egin ditu: Arrotzak, Melenas, The Grace of Dionysus...

LIBURU ILUSTRATUAK ETA KOMIKIGINTZA

Paula Estévezek Tupust! Kolektiboan parte hartu du:2016 urtean hasi zen gorpuzten, Donostian emakume ilustratzaile eta komikigileen arteko bilkurak egiten hasi zirenean; hasiera batean komiki argitarapen bat partekatzea izan zen helburua, baina pausoka komikigintza eta feminismoa lotzen dituen kolektiboa osatuaz joan da. Harreman eta elkarlan honen lehen adierazpen publikoa 2019 urtean Txalapartak argitaratu zuen 'Tupust! #1 Ni' komiki antologia izan zen. Hogei sortzailek hartu zuten parte liburuko hamalau komikiak sortzen.. 2024 bitarte beste 2 antologia argitaratu dituzte autoedizioaren bidetik: Paula Estévezek Ni/Zu/Gu trilogian parte hartu du, eta kolektibo bezala lanean jarraituko duten arren, antologien etapa hori amaitutzat eman dute.

2017 urtean Ainara Azpiazu Axpi-rekin Arraroa album ilustratua sortu zuen Estévezek eta lan honengatik Etxepare Saria jaso zuten.

2019ean Gasteizko 'Inmersiones' deialdia irabazi zuen eta 2020 urtean Zarautzen emakumeen eguneko kartel lehiaketa.

Beste marrazkilariekin batera Tabakalerako KomikiLabea/Komikiaren astean parte hartu zuen. Komikiguneak antolatuko Izkutukoak erakusketa zikloan parte hartu zuen ere.

2021 urtean Gipuzkoako Foru Aldundiak sustatutako 'Egile' sarien baitan 'Gauerdian' album ilustratua egiteko laguntza jaso zuen. Urte berean Portugaleteko komiki lehiaketan bigarren saria irabazi zuen.

2023 urteean 'Dating advices for young ladies' komiki autoeditatuan parte hartu zuen, Maite Caballero eta Ainize Sarasolarekin batera; Paula Estévezen komikia euskaraz sortu zen 'Laranja-azala' izenburuarekin: Clara da bertan protagonista eta telefono bidezko harreman batean hasten da mutil batekin eta bere pentsamenduetan murgilaraziko gaitu, beti bere sentimenduak azaleratuz.

2024 LINBO PLANETA KOMIKIA

2017 urtean Dejabu antzerki taldeak "Linbo Planeta" antzezlana estreinatu zuen.

2023an Paula Estévezek Eusko Jaurlaritzaren komiki sorkuntzarako diru laguntzetako bat jaso zuen izen bereko komikia sortzeko, eta 2024ko azaroan argitaratu da.

EGILEAREN LANAK EUSKARAZ

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2024 AZAROA	Linbo planeta	Elkar	Dejabu Antzerki Konpainia	Paula Estévez	Euskaraz		2024 Azaroa

EGILEAK EUSKARAZKO ANTOLOGIETAN ARGITARATUTAKO LANAK

TUPUST! ANTOLOGIAK 2019-2021-2024 URTEETAN ARGITARATUTAKO LIBURUKIAK	ARGITARATZAILEA Lehen liburukia Txalaparta 2./3. liburukiak Egilea editore	2019	2021	2024	AMAIERARA IRITSI DEN SAILA
GIDOIA	MARRAZKIAK	JATORRIZKO HIZKUNTZA
Tupust! Kolektiboa	Tupust! Kolektiboa	Euskaraz jatorrizkoa