Teresa Castro
Teresa Castro Gutiérrez 1968 urtean Donostian jaiotako marrazkilaria da.
LSB, Ana komikia sortzeagatik da ezaguna, eta beste pertsonai batzuekin ere komikiak sortu ditu, adibidez Lola, limpiadora de la Moncloa eta Hada ColHada.
2017ko irailean Gipuzkoako Hitzari elkarrizketa eskaini zion Teresa Castrok, eta horrela adierazi zituen komikiak marrazteko erabakiaren nondik norakoak: “Nik neuk irakurri nahi nituen istorioak kontatzeko hasi nintzen”
“Komikietan badago emakume lesbianen erreferentziaren bat edo beste, baina AEBetako edo Frantziako errealitatea islatzen dute horiek guztiek. Euskal Herrian bizi den emakume lesbiana bat izaki, begirada gertukoagoa falta zitzaigula ikusi nuen”.
Horrela Ana Lopez Suarez Burgos / L.S.B,Ana komiki pertsonaia sortu zuen: autorearen webgunean kontatzen denez “lesbiana izanagatik LGTBI kolektiboarekin zerikusia duten hainbat egoera eta arazoei aurre egiten diena baikortasun eta umore onez”
Pertsonaia sortu eta gero, erregulartasunez argitaratzeko euskarrien faltan, tarte batean geldirik egon zen proiektua.
Pertsonaiak ibilbide sendoagoa hartu zuen 2013an Gehitu Euskal Herriko gay, lesbiana, bisexual eta transexualen elkartearen lauhilabeteroko aldizkarian argitaratzeko aukera eskaini ziotenean.
BILDUMA
LSB, Anaren istorioak liburu bakar batean gazteleraz eta euskaraz biltzeko asmoz, 2017an Gipuzkoako Foru Aldundiaren Meta kanpainaren barruan komiki bat argitaratzeko Goteo plataformaren baitan finantzaketa kolektiborako proiektu bat jarri zuen martxan.
Komikia doan banatzeko asmoa izan zuten hasieratik eta interesa sortu zuela ikusita, hizkuntza ezberdinetara itzultzeko diru bilketa ere antolatu zuten: inglesa, frantsesa, alemana, katalana, galegoa…
Proiektuaren webgunean irakurri zitekenez “Gehituk Euskal Herriko eskoletan eta kirol edo aisialdi taldeetan burutzen dituen Sexuafektibitate eta genero aniztasunaren inguruko tailerretan erabiliko du komikia”
Halaber, Mugen Gainetik elkartearen bidez Latinoamerikan LGTBI arloan lan egiten duten elkarteen eskura jartzeko helburua zuen komikiak ere.
Proiektuak 9.700 euro bildu zituen eta 2018ko apirilean aurkeztu zen bilduma
HITZALDIAK ETA EMAKUMEAK ETA KOMIKIA TXOSTENTXOA
Gaiaren inguruan sentsibilizazioa sortzeko, herriz herri hitzaldiak eman zituen 2017ko udazkenean: Beasainen, Eibarren, Donostian, Basaurin…
LSB, Ana pertsonaiaren ingurukoak kontatzeaz gain, komikigintzan emakumeen protagonismoa eta presentzia islatzen duten lanen aipamena egiten zuen, eta hitzaldian erabilitako erreferentziekin sortutako zerrenda sarean jarri zuen eskuragarri
EUSKARAZ ARGITARATUTAKO LANAK
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | PROIEKTUAREN ARDURADUNA |
|---|---|---|---|---|---|---|---|
| LSBAna | Autoedizioa | Teresa Castro | Teresa Castro | Edizio Eleanitza | Teresa Castro marrazkilaria |
AUTOREARI BURUZKO INFORMAZIOA SAREAN
https://teresacastrocomics.wordpress.com/
