Marko
marko
Edukiak
MARKO
Marc Armspach "Marko" 1969 urtean jaio zen Bordelen (Frantzia). Baionan egin zituen ikasketak, arte plastikoetan trebatuz eta Pauen Arte Ederrak ikasi zituen.
1985 urtean L 'Histoire de la ville de Bayonne et de sa region komikia argitaratu zuen.
1989 urtean marrazkilari profesional gisara Studio Ellipse-en egin zuen lan, “Babar” elefantearen marrazki bizidunen sailerako.
Iparraldeko hainbat mugimenduen kanpainetarako marrazkiak egin zituen, eta Har Hitza! aldizkarian 1991tik 1994ra argitaratu zituen bere lanak Marraz kitza! bilduman kaleratu zirenak(1995, Har Hitza!)
90.hamarkadan Kukubiltxo taldearekin lanean aritu zen storyboard, pertsonai eta dekoratuen diseinuan Orreaga ikuskizunerako : izen bereko komikia argitaratu zuen 1991 urtean (Sua Edizioak) Beñat Lefever-en gidoiarekin.
1991 urtetik aurrera Napartheid komiki aldizkarian argitaratu zituen bere komikiak.
Garai horretan Xirrista eta Kometa haur aldizkarientzat marrazten aritu zen.
Pedro Mari komikia 1995 urtean argitaratu zuen (Arturo Campion Kultur Elkartea / IKA)
1997 urtean Absurde lantaldea osatu zuen Asisko Urmenetarekin. Argiarako "Urrobiko Pirañak" zinta egin zuen.
Argia aldizkarian ere Asisko Urmeneta eta Jokin Larrearekin elkarlanean Gartxot komikia argitaratu zuen (album formatuan 2003an, Komunikazio Biziagoa / Argia)
2011 urtean frantsesez Olier gidoilariarekin “Les Godillots” sailari eman zion hasiera, lehen mundu gerran kokatutako istorioak.
2012 urtetik aurrera Beka gidoilari bikotearekin munduko lurralde ezberdinetan gertatzen diren abenturak komikiratu ditu, eta horietatik “Voyage en Chine”, “Voyage en Inde” eta "Le jour où le bus est reparti sans elle", 2016 eta 2017 euskaraz eta gazteleraz argitaratu zituen Harriet etxeak. 2017an Markok Verdun lana argitaratu zuen frantsesez.
Xabiroi eta H28 aldizkarietan argitaratu ditu komikiak.
Liburu anitzen ilustratzaile da, Oskorriren Marijan kanta zan diskaren irudiak egin zituen Jimmy Arrabit trio taldearen kontzertuetan marrazatu, jatorrizko Kukuxumuxu taldeko irudigile eta KatukiXaguyaki-n topatu daitezke ere bere irudiak.
EUSKARAZ ARGITARATUTAKO KOMIKIAK
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2017 01 URTARRILA | Autobusa berriro bera gabe abiatu zen egunekoa | Harriet Ediciones | BEKA | Marko | Frantsesetik itzulia | Joanes Urkixo Beitia | 2016 08 ABUZTUA Frantsesez Le jour où le bus est repartit sans elle (Bamboo) |
| 2016 05 MAIATZA | Txinara bidaia | Harriet Ediciones | BEKA | Marko Armspach | Frantsesetik itzulia | Arkaitz Almortza Muro / Juan Mari Zurutuza | 2013 Frantsesez(Bamboo)
2014 Gazteleraz (Harriet Ediciones) |
| 2016 05 MAIATZA | Indiara bidaia | Harriet Ediciones | BEKA | Marko Armspach | Frantsesetik itzulia | Arkaitz Almortza Muro / Juan Mari Zurutuza | 2013 Frantsesez(Bamboo)
2014 Gazteleraz (Harriet Ediciones) |
BESTE AUTOREEKIN PARTEKATUTAKOAK
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2016 04 APIRILA | Altza porru | Komunikazio Biziagoa / Argia | Obrarena Jakoba Errekondo Komiki bakoitzarena: Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa | Ainara Azpiazu Axpi, Asisko, Joseba Larratxe Josevisky, Iñaki Martiarena Mattin, Olariaga, Unai Gaztelumendi, Unai Iturriaga, Zaldieroa | Euskaraz jatorrizkoa | 2016 04 APIRILA |
ALDIZKARIETAKO PARTAIDETZA
XABIROI H28
WEBGUNE ETA SARE SOZIAL PERTSONALAK
ELKARRIZKETAK,ARTIKULUAK...
http://www.euskomedia.org/aunamendi/19305
https://baztangohaizegoa.wordpress.com/2012/06/23/pedro-mari-konbentzio-gerra/
