Patxi Gallego
Patxi Gallego Palacios Errenterian 1973an jaiotako komikigile gipuzkoarra da, lanbidez DBH zikloko irakasle.
Fanzineetan argitaratzen hasi zen, Andoaingo Peste fanzinean adibidez.
Arte ederrak ikasi zituen Leioan.
1997 urtean Portugaleteko komiki lehiaketan txuri beltzezko atalean euskarazko bigarren saria jaso zuen Garagardoting komikiarengatik.
Oarsoaldeko "Lau Haizetara" aldizkarian argitaratu zituen komiki zintak, umore girokoak nabarmenduaz. Han agertu zen lehen aldiz Xabinaitor pertsonaia.
1999 urtean Orreaga Ibarraren "Nafarroan zehar: euskararen ibilbidea" libururako ilustrazioak egin zituen.
2000. urtean Saure Argitaletxearen eskutik "Epifanio y John Vaina: la carcajada del año" gaztelerazko komikia sortu zuen: Gallegoren istorioekin batera Yann Besrest-en testuak agertzen ziren, baina bi lanek elkarren artean harremanik izan gabe.
Irakaskuntzan urte beteko atsedena hartu eta komiki baten sorkuntzan murgildu zen: Elkarreko editore Xabier Mendiguren Elosegik egindako elkarrizketan Patxi Gallegok dio " nik beti izan dut horrelako zerbait egiteko gogoa, eta 30 urte ingurura iristerakoan, batzuei behintzat, bizitza honetan fundamentuzko zerbait egiteko garaia dela iruditzen zaigu;(...) Liburua lauzpabost obsesio pertsonal, zenbait kezka kultural eta momentuko zirkunstantzia politikoen isla bat da, nolabait, baina, batez ere, euskaldun batek euskaldunentzako egindako helduentzako komiki-liburua da, fikziozko istorio bat geure buruaz barre pixka bat egiteko. "
Urtebeteko lanaren ondoren, 2004an Pololoak trilogiaren lehen atala heldu zen liburudendetara Elkar Argitaletxearen eskutik: "Pololoak 1. Poxpoliñen lurriña"
Zaletu eta aditu askok bat egin dute komiki honek mugarria ezarri zuela euskal komikigintzan: formatua, belaunaldibaten bizipenak islatzeko gaitasuna, autobiografi erreal edo faltsuarekin jolastea,euskalkien erabilera, euskal gatazka eta sexualantzekomodua... Komiki edo marrazketa estilo ezberdinak erabiltzea eta testuak tartekatzea ere nabarmendu zen. Salmenta handiak, komunikabideetan elkarrizketa eta iruzkinak eta euskarazko komikigintza berriz ere kontuan hartzea ekarri zuela esan daiteke, eta segur aski lagungarri izan zen urte batzuk beranduando argitalpenkopruen hazkuntzan.
2006 urtean trilogiaren bigarren atala argitaratu zen, "Pololoak 2. Poxpoliñaren bahiketa" eta 2009an "Pololoak 3. Atxeritoko balada"
2010 urtean Gorringo konpainiak "Xabinaitor" antzezlana taularatu zuen.
Patxi Gallegok haurrentzako nahiz helduentzako liburuentzat ilustrazio lanak egin ditu: Garikoitz Berasaluzerekin Elurra ezin da erosi, Leire Bilbaorekin Martin, egon geldi, Katixa Agirrerekin Paularen seigarren atzamarra, Ana Jakarekin Marimutila naiz, Julen Gabiriarekin Nire aita ikusezina da, eta Xabier Mendiguren Elizegirekin Buelta bat aitontxuarekin, Pobreak gara eta Karabana batean bizi naiz...
2013ko otsailean Xabiroi aldizkariko 28.alean parte hartu zuen Patxi Gallego Basque Culinary komikiarekin, eta 2017ko otsaileko 43 alean Irati Xtrem orrialde bateko komikia argitaratu zuen.
H28 aldizkari saretirikoan parte hartu zuen, betse gaien artean politika, erlijioa eta marrazkilarien bizitzari buruzko komikiekin.
Jakoba Errekondok Altza Porru! proiekturako Patxi Gallegorekin kontutatu nahi izan zuen, baina azkenean kolaborazioa ezin izan zen gauzatu.
2015 urtean Ander Izagirreren Beruna patrikan txirrindularitzari buruzko libururako Tourmalet komikia marraztu zuen Gallegok, Julen Gabiriak euskaratutako ediziorako eta gazteleraz argitaratutako 7. ediziorako (jatorrizkoa 2012koa da)
NORK eta NORI
Bertsolari aldizkariaren 89.zenbakian, 2013ko martxoan, Hamar bertsolaritxo komikia argitaratzeari ekin zion Patxi Gallegok, Agate Krixpinen gidoiaz. Atalez atal komikia aldizkariko ale ezberdinetan argitaratu ondoren, 2015eko abenduan aldizkariko 100. zenbakia Nork komikia argitaratzeko erabili zuen Bertsozaleak Kultur Elkarteak, Xabi Payaren eta Patxi Gallegoren arteko elkarlanaren emaitza.
Nork hil du Andoni Egaña? galderari erantzuteko detektibe berezi batzuk euskal geografia zeharkatuko dute, eta Patxi Gallegok euskal politika eta kulturaren pertsonai ezberdinen karikaturak agertarazi zituen istorioan zehar.
2018ko apirilean Intxaurrondoko komiki solasaldietan komikiaren sorkuntza prozesuaz jardun ziren
PATXI GALLEGOREN KOMIKIAK EUSKARAZ
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 2019 | Nori | Bertsozale Elkartea (Bertsolari Aldizkariko 100. zenbakia) | Xabi Paya /Patxi Gallego | Patxi Gallego | Euskaraz Jatorrizkoa | 2017ko neguko 107. Bertsolari aldizkarian Nori komikia hasi zen argitaratzen atalez atal. | |
| 2015 | Nork | Bertsozale Elkartea (Bertsolari Aldizkariko 100. zenbakia) | Xabi Paya /Patxi Gallego | Patxi Gallego | Euskaraz Jatorrizkoa | Bertsolari aldizkariaren 89.zenbakian, 2013ko martxoan, Hamar bertsolaritxo komikia argitaratzeari ekin zion, Agate Krixtinen gidoiaz eta Patxi Gallegoren marrazkiekin | |
| 2009 | Pololoak 3. Atxeritoko balada | Elkar | Patxi Gallego | Patxi Gallego | Euskaraz Jatorrizkoa | 2009 | |
| 2006 | Pololoak 2. Poxpoliñaren bahiketa | Elkar | Patxi Gallego | Patxi Gallego | Euskaraz Jatorrizkoa | 2007 | |
| 2004 | Pololoak 1. Poxpoliñen lurriña | Elkar | Patxi Gallego | Patxi Gallego | Euskaraz Jatorrizkoa | 2004 |
