Al Borde films

2015.urtean Bilbon sortutako ekoiztetxe independentea da Al Borde films. Heuren webgunean hauxe diote: "Dokumentalak egiten ditugu, hori da gure pasioa. Identitateak sortzen laguntzen duten istorioak maite ditugu, errealitate desberdinak ezagutzera eramaten gaituztenak, elkarrekin trukatu, konpartitu, ikasi eta eraldatzeko bidean"

Ekimen sozialdun kooperatiba txikia da, ekoiztutako proiektuek Creative Commons lizentziak dituzte. Software librean oinarritzen dira lanean. "Erabiltzen dugun teknologiaren erdia bigarren eskukoa da. Gustatuko litzaiguke esatea beste erdia gutxienez konfliktutik at dagoela, baina hori lortzera heltzeko badago bidea oraindik." ikuspuntu feministatik egiten dute lan "gure proiektuen bitartez rolak desmontatu eta istorioak berreraikiz".

REAS sarean parte hartzen dute eta bi komikiren sortze prozesuan hartu dute parte.