Inge Eguiluz

Inge Eguiluz Montes Bilbon 1978 urtean jaiotako irudigile eta Komiki gidoilaria da. Egun Parisen bizi da. 2014 urtean Sauré argitaletxerako komiki gidoiak sortu zituen, euskarri digitalean merkaturatu zirenak eta 2021 urtean paperezko liburuki bakarrean argitaratu zirenak.

Txikitatik marraztu izan du, eta 1996 urtean Biologia ikasketak hasi zituen EHUn: unibertsitate berean 2008 urtean Arte Ederretan lizentziatu zen.

Ilustrazioa eta diseinu grafikoa dira bere lan esparruak, baina animazioan ere aritu da eta 2008 urtean sari bat jaso zuen III. EITB Kultura bideo lehiaketan. AVNIA aldizkarirako eta Zócalo fanzinerako lanak egin ditu.

2014 urtean Sauré argitaletxerako 2 komiki gidoi sortu zituen Henri Rosseau eta Van Gogheri buruz: Moratha arduratu zen marrazkietaz. Euskarri digitalean argitaratu ziren komiki guztiak.

2021 urtean istorio horiek paperean argitaratu ziren liburuki bakarrean, eta horiei gehitu zitzaien Morathak 2010 urtean Goyari buruz sortutakoa.

PAPEREAN SAUREK ARGITARATUTAKO EUSKARAZKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2021	Francisco de Goya, Henri Rousseau eta Van Gogh: mihisetik komikira	Saure	Inge Eguiluz/Moratha	Moratha	Jatorrizkoa gazteleraz	Inaxio Lopez de Arana	2010/2014 urteen artean argitaratu ziren istorio hauek euskarri digitalean 3 komiki ezberdinetan

EUSKARRI DIGITALEAN SAUREK ARGITARATUTAKO EUSKARAZKO KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2010	Arte bizia 1: Goya	Saure	Moratha	Moratha	Jatorrizkoa gazteleraz	Inaxio Lopez de Arana	2010
2014	Arte bizia 2: Douanier-en sagarra	Saure	Inge Eguiluz	Moratha	Jatorrizkoa gazteleraz	Inaxio Lopez de Arana	2014
2014	Arte bizia 3: Van Goghen belarri erdia	Saure	Inge Eguiluz	Moratha	Jatorrizkoa gazteleraz	Inaxio Lopez de Arana	2014