2021
| DATA | IZENBURUA | ARGITARATZAILEA | GIDOIA | MARRAZKIAK | JATORRIZKO HIZKUNTZA | ITZULTZAILEA | JATORRIZKOAREN URTEA |
|---|---|---|---|---|---|---|---|
| 01 URTARRILA | BETI BERDIN Taberna Koronabirusaren garaian | Gaston Argitalpenak / Egilea Editore | Asier Iturralde | Asier Iturralde | Euskaraz jatorrizkoa, gazteleraz aldiberean | 2021 01 URTARRILA Euskaraz eta Gazteleraz | |
| 01 URTARRILA | Jaungoikoa, Aberria, Foruak eta Altsasu | Antsoain Komiki Boom | Elias Taño | Elias Taño | Gazteleraz jatorrizkoa | ? | 2020 10 URRIA Gazteleraz: Dios, Patria, Fueros y Altsasu (Egilea Editore) |
| 01 URTARRILA | Kattalin ez da jaio | Zoila Ascasibar | Eider Moreno Zubiaga | Eider Moreno Zubiaga | Euskaraz | 2021 01 URTARRILA Euskaraz eta Gazteleraz | |
| 03 MARTXOA | Patti eta inurriak | Astiberri Txikiberri bilduma | Anouk Ricard | Anouk Ricard | Jatorrizkoa frantsesez | Bego Montorio Uribarren | 2010 'Patty et les fourmis' (Gallimard Bd) |
| 2021 04 APIRILA | Biga 2. Super laguna! | Astiberri Txikiberri bilduma | Romain Pujol | Vincent Caut | Jatorrizkoa frantsesez | Jon Muñoz | 2014 Avni 2(Milan editeur) |
| 04 APIRILA | Armadiloaren igarkizuna | Farmazia Beltza | Zerocalcare | Zerocalcare | Italieraz jatorrizkoa | Koldo Izagirre | 2011 urtean 'La profezia dell'armadillo' (Edizioni Graficart); 2012an BAO Publishing: euskarazko edizioa argitaletxe honen 'Artist Edition' edizioaren azala du) |
| 05 MAIATZA | Isaline 3: txakurrezko sorginkeria | Harriet Ediciones | Maxe L'Hermenier | Yllya | Frantsesez jatorrizkoa | Miel Angel Elustondo Etxeberria | 2017, Isaline: Sorcellerie magichienne, Frantsesez (Bamboo) |
| 05 MAIATZA | Jules jauna | Harriet Ediciones | Aurelien Ducoudray | Arno Monin | Frantsesez jatorrizkoa | Miel Angel Elustondo Etxeberria | 2019, 'Monsieur Jules', Frantsesez (Bamboo/Grand Angle) |
| 06 EKAINA | Claude eta Morino 2. Zorionak zuri! Claude eta Morino Saila | Astiberri Txikiberri bilduma | Adrien Albert | Adrien Albert | Frantsesez jatorrizkoa | Bego Montorio Uribarren | 2019, "Claude et Morino 2" Joyeux Anniversaire!, Editions L'école des loisirs |
| 06 EKAINA | Unamuno. Gizona eta arrazoia | Gallo de Oro | Borja Crespo | Alex Orbe | Gazteleraz jatorrizkoa | Iurgi Arginzoniz | 2021, Aldiberean gazteleraz jatorrizkoa 'Unamuno. El hombre y la razón' |
| 06 EKAINA | Orreagako kronikak 1 Errolanen elezaharra / Orreagako kronikak Saila | Erein | Juan Luis Landa | Juan Luis Landa | frantsesez eta ia aldiberean euskaraz | Koro Navarro | 2021 04 apirila frantseses, Glenat 'Chroniques de Roncevaux - Tome 1 La Légende de Roland' |
| 06 EKAINA | Francisco de Goya, Henri Rousseau eta Van Gogh: mihisetik komikira | Saure | Inge Eguiluz/Moratha | Moratha | Jatorrizkoa gazteleraz | Inaxio Lopez de Arana | 2010/2014 urteen artean argitaratu ziren istorio hauek euskarri digitalean 3 komiki ezberdinetan |
| 08 ABUZTUA | Tupust! 2. | Tupust! KolektiboaEgilea editore | Tupust! Kolektiboa | Tupust! Kolektiboa | Euskaraz Jatorrizkoa | 2021eko abuztua |
Edukiak
2021 URTERAKO ESPERO DIREN KOMIKIAK
Beste proiekturen bat ezagutzen baduzu, gehitu zerrendara edo bidali mezu bat komikipedia (a bildua) gmail.com helbidera
| Jada eskuragarri dago Susanna Martín irudigileak CEAR errefuxiatuen aldeko elkartearen enkarguz sortutako 'Alde egin edo hil' Komikia: Hego Amerikatik ihes egin behar duten LGTBI kolektiboko pertsonen zein emakumeen istorioa kontatzen du bertan.
Komikiaren ale bat nahi baduzu idatzi honako helbidera: incidencia(a-bildua)cear-euskadi.org |
| Trikuharri kultur elkarteak udaran argitaratzea aurreikusten da Hendaiako Ixtebe Pellot kortsarioari buruzko "Euskal azeriaren hamaika abentura" komikia. Ipar Euskal Herriko Hitzak eman du zabal egitasmo honen eta Trikuharri elkartearen berri. |
Nabarraldek beste urte batez komikia eta euskal komikigileen aldeko apustua berretsi du.
Irailean Nafarroako Komiki Azokan aurkeztuko da 'Benjamin Tuterakoaren bidaia handia' komikia, Mikel Begoña eta Iñaket sortzaile bikotearen elkarlanaren emaitza |
| Harrieten webgunean hasiak dira 2021 urtean argitaratuko dituzten komiki berrien berri ematen Maiatzean argitaratu dira 'Isaline' sailaren hirugarren liburukia eta helduentzat Aurelien Ducoudray eta Arno Moninen 'Jules jauna' eleberri grafikoa.
Irailean 'Jarraitu inurriari' albuma argitaratuko da, Unai Elorriaga idazlearen gidoiaz Alex Orbek ilustratutako komikia. Getxoko komiki azoka eta Durangoko Azoken artean Harrietek beste komiki batzuk argitaratuko ditu:
'Harald eta Ignir-en altxorra' sailaren bigarren alea ere 2021 edo 2022an iritsiko da irakurleen eskuetara. |
2019an Tupust! 1. komiki antologia feministaren lehen alea argitaratu zen.
Kolektiboko kideak elkarlanean jarraitu dute, autoedizioaren aldeko apustuan sakonduz. |
| Bertsolari aldizkariak jakinarazi duenez, aurtengo neguan Bidea da Borroka Beñat eta Unai Gaztelumendi bertsolarien komikia argitaratuko da. |
| 2019ko Xabiroi aldizkariaren 52. zenbakian "Sasi artean Elgeta" komikia argitaratzen hasi zen atalka. Ikastolen Elkartea eta Trikitixa Elkartearen arteko lankidetzaren emaitza da, eta Jazinto Rivas "Elgeta" trikitilariaren bizitza du ardatz: Koldo Izagirreren gidoiaz, Dani Fanoren marrazkiekin eta Garluk Agirreren koloreztatze lanarekin. 2021 urtean argitaratuko da album moduan. Goienan erreportaia eta bideoa egin zuten Dani Fano autorearekin |
| Bi urtean behin Asterixen abentura berria argitaratzen da, eta hurrengoa 2021eko urriaren 21ean merkaturatuko da. Didier Conrad eta Jean-Yves Ferrik Uderzorekin landutako azkeneko istorioa da hau, 2020ean zendu bait zen Asterix sailaren jatorrizko marrazkilaria(Gosciny gidoilaria 1977 urtean hil zen).
Sailean ezarri den ohiturari jarraituaz (txandaka herrixkatik kanpo eta herrixkan bertan kokatzea abenturak), oraingoan herrixkatik kanpo gertatuko den istorio bat sortzen ari dira. Bisitatuko duten herria "irudimenezkoa" edo "aspaldian desagertua" dela esan dute autoreek, beraien ustez Gosciniren garaian herrialde bakoitzari buruz egiten ziren txantxak ez dutelako gaur egun eragin berdina eta "orain tentuz ibili behar baita inor mindua ez sentitzeko". Dena den,Zona Negativa atariak nabarmendu du Tintinen 'Loto Urdina' komikiaren erreferentziak dituela proiektua ezagutarazteko argitaratu den orrialdeak. |
Astiberri argitaletxearen eskutik 2020 urtean Astiberri Infantil/Txikiberri bilduma sortu zen 6 urtetik gorako haurrei zuzenduta. 2020ean 4 komiki argitaratu zituzten, 2 frantziar merkatukoak, beste bat Estatu Batuetako sortzaile batena eta laugarrena Martin Romero galiziarrarena. Komiki hauetako batzuk sail baten lehen alea dira, beraz oso argitalpen interesgarriak izan daitezke haur literaturaren munduan pertsonai identifikagarriek eta "sagek" duten garrantzia kontuan hartuta.
2021 urteko Txikiberri Saileko lehen komikia martxoaren 4ean argitaratu zen: Anouk Ricarden 'Patti eta inurriak', eta bigarrena apirilean merkaturatu zen: Biga sailaren 2. alea: Biga 2. Super laguna!
|
| EHUko Mikel Laboa Katedrak enkargua egin zien Harkaitz Cano, Unai Iturriaga eta Joseba Larratxe Josevisky sortzaileei Mikel Laboari buruzko komiki bat sortzeko Iturriagak Berriari adierazi zionez "Ez da izango biografia bat. Ugariak direnez Laboaren lanak eta izan zituen bizipenak, kontakizun berezi bat osatzeko aukera zabala daukagu." |
| Gerra aurreko euskarazko lehen komiki aldizkariaren sustatzaileari buruzko Abdon Gonzalez de Alaizaren alfabetoa' liburua argitaratu eta gero Miel Angel Elustondo Etxeberria eta Asier Iturralde marrazkilariak (Studio Gaston) Alaizaren bizitza komikiratzeko proiektuan ari dira. |
| Sare Antifaxistaren eskariz, Guillermo Menéndez Quirós asturiar komikigileak 'Milicias Vascas Antifascistas' komikia sortu du gazteleraz. Jada eskuragarri dago eta salmentaren bidez euskarazko bertsioa finantziatzeko asmoa dute. |
| 35 URTE AZPIKOENTZAT NAFARROAKO KUTXA FUNDAZIOAREN EUSKARAZKO KOMIKI SARIA |
2020! urtean Nafarroako Kutxa Fundazioak komiki lehiaketa antolatu zuen 35 urte azpikoentzat. Oinarrien arabera, saria hutsik geratzen ez bada, irabazleak 2000 eurotako saria jasotzeaz gain, Luces de Gálibo argitaletxearen bidez lortuko du bere komikia argitaratua izatea urtebeteko epean gehienez Lanak aurkezteko epea itxita |
| 2020ko ekainean jakinarazi zuten Etxeberria anaiek Iñaki Arenas marrazkilari hernaniarrarekin ‘Broken Eye’ komikiaren sortze prozesuan ari zirela: 2021ean AEBetako Scout Comics-ek argitaratuko du ingelesez.
Gazteleraz, frantsesez eta euskaraz argitaratu ahal izatea lortu nahi lukete autoreek ere.
|
2012tik komiki azoka ezberdinetara joan dira Etxeberria anaiak komiki proiektu batzuk eskuartean dituztela, eta Angoulemeko komiki azokan adibidez 'Margot' komikia aurkeztu zieten hainbat editoreei.
Arianna Pisani Irlandan bizi den ilustratzailearekin komikiaren sortze prozesuan ari direla jakinarazi dute Etxeberria anaiek. |
| Bilkuia webgunean kontatzen denez, Mikel Irure, Aitor Razkin eta Iñaki Sagardoi Gregorio Suberviola (Morentin, 1896) anarkista nafarraren bizitza kontatuko duen komikiaren proiektuan ari dira lanean. Komikia finantzatzeko aitzinsolasa argitaratu eta salgai jarri dute. Facebook-eko orrialdean erakusten ari dira komikiaren sorkuntza prozesua |
| Miriam Camerosek eta David Priegok ¡Tierra, Trágame! komikia argitaratu zuten eta Bruguera Sarien lehen edizioan saria lortu zuten. Nafarroako Hitzan egindako elkarrizketan adierazi zuen komikia euskararazko bertsioa argitaratu nahiko lukeela. |
KOMIKIAK SORTZEKO 2020 ETA 2021 URTEETAKO EUSKO JAURLARITZAREN DIRU LAGUNTZA DEIALDIKO IRABAZLEAK
| Eusko Jaurlaritzak 2017 urtean lehen aldiz egin zuen diru laguntza deialdia komikiak eta liburu ilustratuak sortzeko.
Orain arte urtero 15.000 euroko 4 laguntza eman dira komiki bat edo nobela grafiko bat argitaratzea helburu duten komiki-proiektuentzat. Laguntzetako bat, gutxienez, 30 urtetik beherako pertsona batentzat izatea aurreikusten da azken deialdietako oinarrietan, eta bat emakume batentzat izatea. 2021 urteko deialdirako proiektuak aurkezteko epea apirilaren 8an amaitu zen. 2022 urteari begira, interesa duenak 2021eko oinarriak irakurri ditzake erreferentzia gisara.
GAZTELERAZ ARGITARATU DIRENAK
ORAINDIK ARGITARATU GABE
HAUEK DIRA 2021eko DEIALDIAN IRABAZLE SUERTATU DIREN PROIEKTUAK KOMIKI HAUEK 2021 edo 2022 URTEETAN ARGITARATZEA ESPERO DA
|
2022 URTERAKO ESPERO DIREN KOMIKIAK
| 2022. urtearen amaieran Mendi Film Festival eta SUA edizioak argitaletxearen arteko lankidetzak 3.komiki bat ekarriko du zaleen eskuetara.
Ramon Olasagastik eman zuen horren berri Gipuzkoako Hitzan/Berrian. |
| Udalbiltzak 'Geuretik Sortuak' ekimena antolatu du: euskara hutsean egindako artea eta kulturaren sormena, ekoizpena eta hedapena sustatuko dituen zirkuitu nazionala. Sortzaileek proiektuak aurkezteko epea otsailaren 5ean itxi zen.
Zinemagintza, literatura eta antzerkigintzako 20-25 kulturgile hainbat herri eta eskualdetan egonaldiak egingo dituzte eta herri bakoitzaren historiatik eta errealitatetik abiatutako artelanak sortuko dira. eta oinarrien arabera "literaturaren kasuan eleberri labur bat " sortu behar zen, eta komiki proiektuak ere aurkeztu zitezkeen: horrela egin zuen Iñaki Martiarena 'Mattin'-ek, eta komiki bat sortzeko proiektuari esker lortu du egonaldi beka eta argitaratzeko aukera. 2021eko azken hiruhilekoan edo eta 2022ko lehen erdian aurkeztuko dira emaitzak. |
| 2020ean argitaratu du Aiert Zubigarai ‘3izkai’ Elorrioko irudigileak ‘Emakumeon Memoria 1937, Intxortatik Artxandara’ liburua, Laumunarrieta 1937, Intxorta 1937 eta beste elkarte batzuen eskutik: marrazki eta testuen bidez Gerra Zibil garaian Bizkaiko fronteetan aritu ziren emakumeen bizipenak jaso dira bertan.
Autoreak Durangon atariari adierazi zionez "Kaleratu dugun lana 2022an argitaratu nahi dugun komiki liburuaren aurrerapena da. Izan ere, guztiz amaituta dagoen komikia Elgetari dagokio eta Elorriokoa zein Eibarkoa osatu egin behar dira. Gainera, behin betiko lanean Durangon, Zornotzan, Larrabetzun, Basaurin eta beste herri batzuetan gertatutakoak komikien bidez islatuko dira."] |
| 2021 urtean jarri zen martxan Txakomic ekimena, Bakioko Txakolingunean Euskal Komikiari guruzko erakusketa egon zen ikusgai hilabete luzez eta ekainean hainbat jarduera egin ziren komikia eta txakolinaren arteko uztarketa anitzen inguruan.
Ekimenaren haria ez da etengo, eta 2021 eta 2022 bitartean `Istorioak txakolinarekin’ izeneko euskarri digitaleko komiki sorta argitaratuko da bi hilabetean behin www.bizkaikoa.bizkaia.eus eta www.bizkaikotxakolina.eus atarietan: 2021eko maiatzean, abuztuan, urrian eta abenduan eta 2022ko otsailean, apirilean eta ekainean. 2022ko abenduan liburuki bakarrean bilduko dira lan guztiak. 'Parraren itzalpean' izenburuko lehen istorioa Mikel Begoñaren gidoiaz eta Higiania Garayren irudiekin osatu da. 2022ko abenduan bigarren komiki argitalpen bat izango da: ‘Txakolinaren historia’ liburua. Bizkaiko txakolinaren historia hasieratik gaur egunera arte komikiaren bidez islatzen saiatuko da, modu dibertigarrian baina zorroztasun historikoarekin. Argitalpena Txakolinaren Museoa - Txakolingunearen parte izango da eta beste belaunaldi batzuei txakolinaren izaera transmititzen lagunduko die. |
| Euskal kultur erakundeak eta Elkar Fundazioak "EKE-Elkar literatura beka" izeneko beka berria bultzatu dute 2000. urtean sortu Gazteluma saria ordezkatuko duena,ipar Euskal Herriko sorkuntza literarioa sustatzeko asmoarekin. 6000 euroko beka hori euskaraz sortzen duten Ipar Euskal Herriko autoreei zuzendua da. 2021 urtean literatura generotzat eleberri grafikoa eta komikia hautatuak izan dira (edizio bakoitzean aldatuko da).
EKEren webgunean adierazten denez, "lehen edizio honentzat, kalitate handiko sei proposamen eskuratuak izan dira eta Adur Larrea-ren proposamena atxikia izan da. Ziburutarrak Lurbinttoko ohoinak izeneko komiki historiko baten egitea aurreikusia du, zuri eta beltzez. Gertakariak, 1789ko Frantses Iraultzaren ondotik iragaiten dira eta ohoin banda baten abenturak deskubrituko ditugu. Egileak, 2022ko martxoa arte badu bere lana bururatzeko eta ondotik, Elkar-ek argitaratuko du." |
EUSKAL KOMIKIGINTZARI BURUZKO GERTAERA ETA ESTEKA INTERESGARRIAK
KOMIKIEKIN HARREMANA DUTEN GERTAERAK
| H28 aldizkaria 2020ko azaroan berpiztu zen! Adi sare sozialei! |
|
2017 urtean Mikel Begoña eta Kike Infamek 'Komikia:euskal komikia 1975-2017 El cómic vasco' liburua argitaratu zuten. Liburuaren aurkezpenarekin batera erakusketa bat antolatu zen: erakusketa gaurkotu dute, eta 1975 urtetik gaur arte komikigintzak Euskal Herrian izan duen bilakaeraren ikuspegi orokor bat eskaintzen du, azken hiru urteotako ekoizpenaren laginekin. 'Komikia, 1975tik' erakusketa 2021 urteko ekainaren 27ra bitartean ikusi ahalko da, Bakioko Txakolingunean ERAKUSKETAREN ORDUTEGIAK
|
|
Txakolingunean 2020/2021 urteetan ikusgai egon den 'Komikia:euskal komikia 1975-2017 El cómic vasco' erakusketa ez da izan Txakolina eta komikiaren arteko uztarketaren emaitza bakarra. Ekimena ez da egitarau batera mugatu: bi hilabetero Bizkaiko zazpi sortzailek zazpi komiki sortuko dituzte, txakolinari buruzko istorioak ezagutarazteko. Argitaratu den lehen istorioa Higinia Garay ilustratzaileak eta Mikel Begoñak ondu dute: 'Parraren itzalpean'. 2022 urtean liburu batean argitaratu nahi diuzte lan guztiak. |
|
|
KOMIKI AZOKAK ETA JARDUNALDIAK
Pandemia aurreko azken urteetan komikizaleon azoka eta topagune kopuruak hazten ari zela nabarmentzen zen (Antsoan, Donostia, BEC...), eta literatur jardueretan ere komikiak bere lekua hartzen ari zen poliki-poliki (Ziburukoa adibiderik ederrena izanik). 2020ko martxotik eta 2021eko udara bitarte euskarri fisikoa oinarri zuten azokek ospatzeko zailtasunak izan dituzte, baina ez dira ekimen guztiak eten.
EGUTEGIA: KOMIKI JARDUNALDIAK, AZOKAK ETA KOMIKIAREN PRESENTZIA DUTEN LITERATUR TOPAKETAK
UDAZKENEKO JARDUERAK
Saran 2020 urtean IKUSI-MIKUSI Haur eta Gazte Literatura Azoka ospatu behar zen, baina bertan behera geratu zen: 2021ean hasiera batean apirilean ospatzeko asmoa zegoen baina azkenean urriaren 7-8an ospatuko da.
2019an antolatu zen lehen aldiz Ziburuko liburu azoka: 2020ean ezin izan zen burutu eta 2021 urteko ekaineko bigarren asteburuan ospatu da.
NAFARROAKO KOMIKI AZOKA
|
Irailean XII. Nafarroako Komiki Azoka egingo da, oraingoz komiki salmenta posturik ez duen Azoka bakarrenetakoa baina Iruñea, Lizarra, Tutera, Baztan eta erreinu zaharreko beste gune batzuetan jarduera ugariko egitaraua duena. Aurten, beste jardueren artean, Nabarraldek argitaratutako 'Benjamin Tuterakoaren bidaia handia' komikia aurkeztuko da, Mikel Begoña eta Iñaket sortzaile bikotearen elkarlanaren emaitza.
|
GETXOKO KOMIKI AZOKA
2020ean ez zen egin Getxoko komiki azoka: ohiko azokaren ordez, 19. edizioan urriaren 30 eta 31ean Komiki Jardunaldiak antolatu zituzten Erromoko Kultur etxean: hitzaldi eta erakusketez osatutako egitarau osoan, Mikel Begoñaren euskarazko komikigintzari buruzko saioa izan zen euskaraz burutu den bakarra.
2021 urtean azokaren 20. edizioa ospatuko da: urriaren 1etik 3ra egingo da, eta adierazi dutenez 40 saltokiz osatutako Merkataritza-gunea Areetako Geltokia plazan egingo da, karparik gabe eta eremura sartzea doakoa izango da Bestalde, urriaren 1ean eta 2an, Romo Kultur Etxean (Santa Eugenia plaza, 1), zenbait ekitaldi izango dira: hitzaldiak, aurkezpenak, mahai-inguruak, tailerrak, erakusketa, etab. |
JADA BURUTU DIREN JARDUERA
ANTSOAINGO KOMIKI ETA ILUSTRAZIO SOZIALARI BURUZKO JARDUNALDIAK
| 2021eko neguan bigarren aldiz Antsoainen Komiki eta ilustrazio sozialari buruzko Jardunaldiak antolatu ziren, urtarrilaren 25etik otsailaren 7ra [https://twitter.com/KomikiBooM/status/1346913998869065728 Elias Tañok egin du kartela. Egitaraua |
ZIBURUKO LIBURU AZOKA
| Ekainaren 12an zortzi idazle zein marrazkilarik aurkeztuko zituzten liburuak ekainaren 12an Ziburuko Azokan |
BERTAN BEHERA GERATU DIRENAK
ANGOULEMEKO KOMIKI JAIALDIA
| Urtarrilaren 29 eta 30ean sarien berri eman zen, eta osasun baldintzek ahalbidetzen bazuten Angoulemeko Komiki Jaialdia ekainaren 24tik 27ra ospatzeko asmoa zuten, baina azkenean bertan behera geratu da dena eta jada eman dute 2022 urteko azokaren daten berrri: urtarrilaren 27tik 30era ospatuko da. informazio guztia, https://www.bdangouleme.com/ |
DCOMIK DONOSTIAKO AZOKA
| 2020ko edizioa bertan behera geratu zen, baina behintzat komiki lehiaketa mantendu zuten. 2021 urtean oraingoz ez da jarduera honen etorkizunari buruzko berririk eman. |
HEROES COMIC CON Azoka Barakaldoko BEK-en
| Heroes Comic Con azokako lehenengo edizioa https://bilbaoexhibitioncentre.com/eu/heroes-comic-con-lehenengo-aldiz-izango-da-bilbon/ Bilbao Exhibition Centre-n antolatu nahi izan zuten baina bertan behera geratu zen. Madrilen eta Valentzian ospatzen diren edizioetara gehituko litzateke Bilbokoa. Hasiera batean 2021 urteko ekainean antolatzeko borondatea adierazi zuten, baina BEC-eko webgunean ez da inolako aipamenik egiten. |
KOMIKIEI BURUZKO SOLASALDI ETA IRAKURKETA TAILERRAK
- DONOSTIA: Beste ikasturte batez, 2021eko ekaina bitarte Igor Leturiak Intxaurrondoko Kulturetxean dinamizatzen dituen saioak antolatu dira.
Urtarrilaren 12an 'Komikigintza: Cano eta Holgado elkarlanean' saioa antolatu da: Ikastolen Elkarteko Xabiroi aldizkarirako 2005 urtetik 4 album sortu dituzte elkarlanean bi autoreek.
Apirilaren 27an egin zen Tupust! Antologia feministari buruzko saioa. Ainara Azpiazu "Axpi" eta Maitane Gartziandiak hartu zuten parte eta Streaming bidez jarraitu ahal izan zen ere.
Maiatzaren 11ean: 'Sugarren Mende', Asisko Urmenetarekin.
- TOLOSA:
Tolosako 'Euskarazko Irakurketa Kluba' otsailaren 9an jarri zen berriz martxan 'Tupust' komiki antologia feministari buruzko saioarekin.
Burututako saioak: Martxoak 16: 'Antzara eguna'. Apirilak 13: 'Emakume guztiok'
HURRENGO SAIOAK
Maiatzak 11: 'Basolatik berri onik ez'
Saio guztiak asteartetan izango dira, 18:00etan.
Ainara Azpiazu “Axpi” ilustratzailea izango da saioen dinamizatzailea.
- ERMUA:
Haurrentzako irakurketa klubean ipuinak, komikiak, olerkiak edo istorioak izaten dituzte mintzagai; 2020/2021 ikasturtean adibidez Txani Rodriguez eta Nacho Fernandezen 'Eguzkiaren lasterketa' komikiaz aritu ziren.
Helduentzako komiki irakurle taldeak hilabetean ospatzen egiten ditu bere saioak, gazteleraz nagusiki. 2020/2021ikasturtean, besteren artean 'Fariña, la novela gráfica' (Luis Bustos), LSB Ana, ¡el lesbicómic! (Teresa Castro) eta 'Los doce nacimientos de Miguel Mármol (Dani Fano) jorratu zituzten.
8 urtez jarraian Komikiaren eta nobela grafikoaren hiruhilekoa antolatu dute liburutegian Komiki irakrketa sustatzeko ajrduerak egin zituzten eta Mikel Begoñak eta Iñaketek sortutako 'Ötzi: komiki kalkolitikoa' erakusketa antolatu zuten.
- AULESTI:
Urtarrilaren 3an Txoko Morean Tupust! komiki antologiari buruz aritu ziren berbetan.
- GASTEIZ:
Helduentzako komiki eta eleberri grafikoari buruzko irakurketa kluba antolatu zen
- IRUÑEA:
- CIVICAN gunean "Komikiaren haur kluba", 9 urtetik aurrera. Koordinatzailea: Sara Machuca
