Alfonso Zapico

Alfonso Zapico 1981ean Asturiaseko Blimea herrian jaiotako Komikilari eta ilustratzailea da.

Euskaraz irakurri daitezke 2015 urtean Unai Iturriagaren gidoiarekin argitaratutako Diamanteak Urrea eta Ikatza komikia eta 2011 urteko Dublindarra komikia, 2015ean ere Astiberrik euskaraz argitaratu zuena.

2016ean Sustrai Colinak elkarrizketa sakona egin zion Argiarako, haurtzarotik marrazkigile bezala izan duen bilakaera, komiki historikoa, politika... Hona hemen pasarte batzuk.

Mundu industrialaren eta herri giroaren arteko bizimodu batetik nator, geografikoki zein sozialki bakartutako inguru batetik. 1990eko hamarkada hasieran, ekonomikoki larri genbiltzalako, etxetik telebista kendu behar izan zuten gurasoek. Liburuetan topatu nuen salbazioa. Gustatzen ez zitzaidan mundu hartatik ihes egiten lagundu zidaten, beste mundu batzuk deskubritzen eta jakin-mina garatzen.

Jakin-minezko mundu horiek marrazten zenituen?

Asterixen komikiak kopiatzen nituen, ikastetxeko aldizkariak ilustratu, adiskideen eta irakasleen karikaturak egin... Orduan ez neukan jendearekin harremanetarako gaitasunik. Kamutsa bezain motza nuen hitza. Marrazkiz komunikatzen nintzen. Horregatik segitu dut marrazten.

Ilustrazio eta diseinu ikasketak Oviedoko arte eskolan egin zituen.

2005 eta 2006an asturieraz argitaratzen zen El Gomeru aldizkarian Les aventures de Manolita Pulgarcita saila argitaratu zuen.

2006 urtean lortu zuen frantzian bere lehen komikia argitaratzea: La guerre du professeur Bertenev (frantsesez Editions Paquet, gazteleraz ). 2007an Prix BD Romanesque saria jaso zuen Ville de Moulins FestiBDn. Un jour de mai komiki kolektiboan ere parte hartu zuen.

2008an Zapicoren bizitza komikigintzari are gehiago lotzen zaio: Astiberrik egindako enkarguaren ondoren Café Budapest komikia sortu zuen, arabiar eta israeldarren arteko gatazka gaitzat hartuta; Asturiaseko Haxtur saria irabazi zuen (Salón Internacional del Cómic del Principado de Asturias) eta La Nueva España egunkarirako eta Les Noticies astekarirako zintak marratzen hasi zen.

Bilboko Alhondiga Komik sarira aurkeztu zuen Dublinés komiki proiektua eta 2008ko edizioa irabazi eta gero saritzat Angulemako Sortzaileen Etxean bizi eta lan egiteko aukera izan zuen

Horrela kontatzen zizkion Sustrai Colinari Angulemako bizipenak

Marrazkilari zein ilustratzaileen mundu suharretik aparte ibili naiz Anguleman lur hartu arte. Horrela egin ditut egin ditudan liburuak. Ez da kasualitatea nire lehenbiziko obrak Krimean edo Palestinan kokatzea, ongi ezagutzen ez nituen inguruetan. 2.000 biztanleko herrixka ito batean bizita mundua eskatzen zidan gorputzak. Maletak Anguleman pausatzean, aldiz, Asturiaseko kontuak hasi naiz marrazten. Denak du zentzua autore baten ibilbidean. Ezinbestekoa da autorearen bizimodua ezagutzea bere lana ulertzeko. Horregatik, askotan, autorearen bizimodua autorearen obra baino gehiago interesatzen zait

“Dublindarra oso liburu ezberdina zatekeen Asturiasen, etxean bakarrik, marraztu banu. Angulemako sortzaileen etxean lan egin ahal izatea pribilegio handia da. Energia handiko gunea da, mundu guztitik datozen sortzaileengandik ikasten duzu, galderak egiten dizkizute, erantzun beharrak zure burua argitzera behartzen zaitu... Iraultzatxo bat da bakarrik lan egitera ohituta dagoen ofizioarentzat”.

2011 urtean argitaratu zuen Astiberrik Dublinés komikia eta 2012an Espainiako Sari Nazionala irabazi zuen Alfonso Zapicok. Erakusketa bat egin zenkomikiaren arira eta La ruta Joyce bidai koadernoa ere argitaratu zen urte berean

Dublinés egiten ari zen bitartean, 2009an La guerra del profesor Bertenev argitaratu zuen (Dolmen) eta 2011 urtean Imposible mirar para otro lado (Asturiaseko GKE koordinadorarako).

2013 El otro mar komikia argitaratu zuen eta 2015ean La balada del norte komikiaren lehen alea (bigarrena 2017an) denak Astiberrirekin.

2015 urtean Unai Iturriagaren gidoiarekin eta Alfonso Zapikoren marrazkiekin Diamanteak Urrea eta Ikatza komikia argitaratu zuen Athletic Club Fundazioak.

EUSKARAZ IRAKURRI DAITEZKEN ALFONSO ZAPICOREN KOMIKIAK

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2015	Diamanteak Urrea eta Ikatza	Athletic Club Fundazioa	Unai Iturriaga	Alfonso Zapico	Euskaraz Jatorrizkoa		2015 10 URRIA
	Dublindarra	Astiberri	Alfonso Zapico	Alfonso Zapico	Gazteleratik itzulia	Bego Montorio Uribarren	2011 Dublinés (Astiberri)
GUZTIRA : 2 KOMIKI