Mikel Begoña

Mikel Begoña Garaizar Sopeloztarra 1964 urtean jaiotako komiki gidoilaria eta Komikigintzaren sustatzailea da. Historian lizentziatu zen eta liburuzaina da lanbidez.

Komikeri webgunea sortu zuen eta Parrapean jardunaldien antolatzailea da.

Tebeosfera atariko bere fitxaren arabera, 2004 eta 2008 urteen artean Ricardo Sendra marrazkilari argentinarraren lankidetzan aritu zen. Zenbait komiki lehiaketetara aurkeztu zituzten elkarrekin sortutako lanak eta hainbat sari jaso zituzten: 2005ean Elgoibarko “Kokoe” lehiaketan eta 2006ean Basauriko udalak antolatutako “Ganorabako” lehiaketan.

2007 urtean argitaratu zuen bere lehen albuma, Berunezko Itsasoa. Matxitxakoko gudua. Ricardo R. Sendra marrazkilariarekin. Argitaratzeko autoediziora jo zuen eta Gure Erroak editoriala sortu zuen. Euskaraz eta gazteleraz merkaturatu ziren bi lan hauek.

2008an hasi zen bilboko Iñaket marrazkilariarekin elkarlanean. Aurreko laneko tematikarekin jarraituz, gerra zibila eta frankismoan kokatutako bi lan sortu zituzten gazteleraz: Norma  argitaletxeak merkaturatako Tristísima ceniza (Sollubeko borrokak eta Robert Capa argazkilariaren bizipenak jasotzen dituena) eta 2012an El pico de los cuervos: urrenez  urren, Nómadas Bildumako 32 eta 64 zenbakiak izan ziren, eta  lehena Cambourakis etxeak frantsesez argitaratu zuen.

Aldizkarietan ere kolaborazioak egin ditu: 2012 urtetik aurrera APIE-EIEPk argitaratzen duen el Balanzin aldizkariko 8, 9, 13 zenbakian eta 2015 urtean Rumble!! Aldizkariko 19 zenbakian. 2017ko El Balanzin aldizkarian Harriet komilariari eta editoreari buruzko artikulua idatzi zuen.

Xabiroi aldizkarian ere istorioak argitaratu ditu: Adur Larrearekin The last shot eta Alex Orberekin Gotzargi istorioak (2014 eta 2015eko abenduko aleetan urrenez urren, 34 eta 38 zenbakietan.)

2015 Norma Argitaletxean berriz eta beste behin Iñaket marrazkilariarekin ÖTZI Sailari ekin zioten, Neolitikoan kokatutako western giroko kontakizuna: bi alez osatzen da eta Italian ere argitaratu da.

2013tik aurrera Bertsolari aldizkarian Adur Larrearen marrazkiekin The last shot komiki saila hasi zuen, eta 2017 urtean album moduan merkaturatu zen Arditutakoak izenburupean.

Urte berean Komikia:euskal komikia 1975-2017 El cómic vasco liburua argitaratu zuen Kike Infamerekin batera eta Bilbon erakusketa bat antolatu zen.

Euskarazko Komikiaren istoria ikertu du eta hainbat erakusketa antolatu ditu

Hasieran aipatu bezala, Komikeri webgunea sortu zuen eta Parrapean jardunaldien antolatzailea da.

Info 7 irratian komikigintzari buruzko iruzkinak egiten ditu.

Uberan atariak 2017 urteko komiki uztari buruzko elkarrizketa egin zion

AUTOREAREN KOMIKIAK EUSKARAZ

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2017 11 AZAROA	Arditutakoak	Bertsolari Aldizkaria 108)	Mikel Begoña	Adur Larrea	Euskaraz Jatorrizkoa		2017 11 AZAROA
2007	Berunezko itsasoa : Matxitxakoko guda	Gure Erroak	Mikel Begoña	Ricardo M.Sendra	Edizio elebiduna		2007

Komikigintzari buruzko lanak

DATA	IZENBURUA	ARGITARATZAILEA	EGILEAK	JATORRIZKO HIZKUNTZAK
07 UZTAILA	Komikia:euskal komikia 1975-2017 El cómic vasco	Bizkaiko Foru Aldundia	Mikel Begoña / Kike Infame	Euskaraz eta Gazteleraz