Elkar

Wikipediako sarreraren arabera, Elkar Donostiako Igara auzoan egoitza duen Euskal Herriko argitaletxe bat da. 1977an sortu zen. Bi arlo nagusi lantzen ditu: liburuak eta musika. Liburuei dagokienez bi alor nagusi bereizten dira: literatura eta ikasliburuak.

Elkar Fundazioa da argitaletxearen jabea (hasieran Elkarlanean Fundazioa) baita beste hauena ere: Ttarttalo, Oihuka, Sua edizioak eta Txertoa.

Elkar Banaketa eta Elkar liburudenda sarea ere hartzen ditu bere baitan. Bere denden sarean komikien atala izan ohi du eta webgunean argitaletxe ugaritako komikiak ditu eskuragarri.

Elkar Fundazioak 2009 urtetik aurrera Ilustrazio eta Ipuin Lehiaketa antolatzen du haur eta gazteen artean irakurzaletasuna eta euskara sustatzeko helburuarekin. 2016 urtean 8. Edizioaren barne lehen aldiz Komiki eta Binetentzako Saria gehitu zuen Elkarrek. DBH3 eta DBH4ko ikasleek har dezakete parte.

Elkar argitaratutako literatur lanen artean Komikiak ere argitaratu ditu; besteen artean 1989 eta 1993 urteen artean Elkarrek Asterixen album guztiak argitaratu zituen, 29 album guztira, eta 1999an Elkarlanean izenpean Obelixen galera euskarara ekarri zuen.(2000 urtea geroztik SALVAT/BRUÑO argitaletxera pasatu ziren Asterixen argitaratze eskubideak)

Ttarttalok ere komikiak argitaratu izan ditu.

DATA	IZENBURUA	ARGITARATZAILEA	GIDOIA	MARRAZKIAK	JATORRIZKO HIZKUNTZA	ITZULTZAILEA	JATORRIZKOAREN URTEA
2017	De Rerum Natura 7	Elkar	ZaldiEroa	ZaldiEroa	Euskaraz Jatorrizkoa		20152ko abuztutik 2017eko uztaila arte Berria Egunkarian eta Deiaren Ortzadar gehigarrian argitaratutako zintak
2015	De Rerum Natura 6	Elkar	ZaldiEroa	ZaldiEroa	Euskaraz Jatorrizkoa		2013-2015 urteen artean Berria Egunkarian eta Deia-ren Ortzadar gehigarrian argitaratutako zintak
2013	De Rerum Natura 5	Elkar	ZaldiEroa	ZaldiEroa	Euskaraz Jatorrizkoa		2011ko irailetik 2013ko uztaila arte Berria egunkarian eta Deiaren Ortzadar gehigarrian argitaratutako zintak
2011	De Rerum Natura 4	Elkar	ZaldiEroa	ZaldiEroa	Euskaraz Jatorrizkoa		2013-2015 urteen artean Berria egunkarian eta Deiaren Ortzadar gehigarrian argitaratutako zintak
2010	De Rerum Natura 3	Elkar	ZaldiEroa	ZaldiEroa	Euskaraz Jatorrizkoa		2010 urte hasieratik 2011ko uda bitartean Berria egunkarian eta Deiaren Ortzadar gehigarrian argitaratutako zintak.
2009	Pololoak 3. Atxeritoko balada	Elkar	Patxi Gallego	Patxi Gallego	Euskaraz Jatorrizkoa		2009
2007	De Rerum Natura 2	Elkar	ZaldiEroa	ZaldiEroa	Euskaraz Jatorrizkoa		2005eko udatik 2007ko uda bitartean Berria egunkarian argitaratutako zintak.
2006	Pololoak 2. Poxpoliñaren bahiketa	Elkar	Patxi Gallego	Patxi Gallego	Euskaraz Jatorrizkoa		2006
2005	De Rerum Natura 1	Elkar	ZaldiEroa	ZaldiEroa	Euskaraz Jatorrizkoa		2013-2015 urteen artean Berria Egunkarian eta Deia-ren Ortzadar gehigarrian argitaratutako zintak
2004	Pololoak 1. Poxpoliñen lurriña	Elkar	Patxi Gallego	Patxi Gallego	Euskaraz Jatorrizkoa		2004